CCV. — * LETTRE DE MADAME DE ROHAN

A madame Duplessis.

Madame , j'ai receu une lettre de vous , par laquelle vous prenés la peine de me mander le malheureux

LETTRE DE MADAME DE ROHAN, etc. 435 acte attenté en la personne de M. Duplessis, lequel j'avois desjà entendeu par une lettre qu'il m'en avoit escrite lui mesmes, dont j'avois receu autant de desplaisir que d'estonnement, louant Dieu toutesfois de quoi il l'a conservé pour servir encores à sa gloire. Je n'ai veu personne qui ne blasme (comme il doibt) ung si lasche traict; et pour mon particulier, vous pouvés croire que , s'il se resoult d'employer ses amis pour s'en ressentir, il n'en trouvera jamais de plus affectionnés , n'y plus prompts à s'y employer, que mes enfans qui y sont obligés , tant pour son mérite , et pour l'obligation générale que lui ont tous ceulx de nostre relligion, que pour les bons offices , qu'en particulier j'ai receus de lui et de vous; aussi ne manqueront ils aucunement à ce debvoir, comme ils le lui eussent plus tost tesmoigné sans une semblable blessure, que mon fils aisné receut en mesme endroict, environ ce temps là, sur une esmeute que feirent aulcungs de ceste ville pour l'insolence des pages de la court, qui feit que mes enfans estant sortis de chés Zamet , où ils avoient soupe avec le roy , et s'estant bastés de sortir plus tost que sa majesté pour aller voir madame , ils rencontrèrent ceste populace animée contre ceulx de la suite du roy; si bien qu'estant chargés par eulx, mon fils aisné receut ung grand coup sur la teste , qui lui entama la peau, et le feit fort saigner, tellement qu'il en porte encores ung emplastre. Toutesfois la playe s'en va refermée. Geste nouvelle me feit haster mon retour de Rouen, où j'estois lors pour le venir voir ici, où je l'ai trouvé presque guéri , Dieu merci. La première lettre qu'il a escrite depuis sa guerison , est celle qu'il a escrite à M. Duplessis , vers lequel il envoyé ce porteur exprès pour l'asseurer de l'assistance de lui et de

436 LETTRE DE MADAME DE ROHAN , etc.

tous ses amis en la dçffense de sa juste querelle. Je ne vous manderois poinct d'aultres nouvelles de deçà , pour ce que je crois que vous n'en ignorés aulcune ; seulement je vous dirai qu'on nous donne espérance du voyage deBretaigne; mais la grande envie que j'en ai faict que je ne l'ose croire. Pour le regard du voyage de madame la princesse d'Orange en France, je crois que vous aurés trouvé ce changement ung peu estrange. Le roy y a donné son consentement, après avoir faict mine de trouver mauvais qu'on se feust moqué de sa fille de 20. 16. monstre en avoir beaucoup de regret. Je crois que madame la princesse feust desjà en France sans la brouillerie adveneue sur le faict de dom Emmanuel. Je vous envoyerois la copie du discours, sinon que je crois que vous n'en ignorés rien. Le roy commença sa diète jeudi 8 de ce mois. Je partis de Sainct Germain ce mesme jour, et pensoit on qu'elle dureroit douze ou quinze jours. Toutesfois on dict qu'il la finira mercredi. Mes filles* n'escrivent poinct aulx vostres , pour ce que ma fille aisnee est ici tombée hier malade d'une fiebvre qui lui a redoublé aujourd'hui à la mesme heure qu'elle lui prit hier; toutesfois il n'y a rien de violent, Dieu merci; mes deux aultres filles sont demeurées à Sainct Germain avec madame ; elles et moi sommes toutes à vostre service ; croyés le, s'il vous plaist, madame, et me tenés, vous et M. Duplessis, pour vostre obéissante et très affectionnée à vous servir, Catherine de Parthenay.

Du 8 décembre 1597.

LETTRE DE M. DE PUYCHARIC , etc. 437