CCXVI. — * LETTRE DE M. DE LA VARANE

A M. Duplessis.

Monsieur , je vou9 eusse plus tost faict response si plus tost j'eusse sceu la resolution du rby sur les deux choses de vostre lettre, à sçavoir, ou que le roy renvoyé l'exempt, ou qu'il escrivist à M. deMontbarot, ce que je puis juger debvoir estre faict , pour ce qu'il a crainct une sédition à former lui estant encores en ce pays ici. Il a donc resoleu de renvoyer l'exempt, avec commandement très exprès à mondict sieur de Brissac qu'il veult estre obéi , et qu'il ne peult pas rester en Bretaigne s'il n'obéit, et que personne lui obeise si lui ne monstre exemple d'obéir. Je vous asseure que la lettre est fort expresse. Vous verres le roy dans le quinziesme de janvier; et feust parti plus tost peult estre qu'il a faict , sans les fonds pour l'armée de Bretaigne et de Picardie, où messieurs du conseil travaillent il y a ung mois. Il partira lundi dix canons de Paris pour descendre à Orléans, qui est ung commencement. Il n'y a rien de nouveau. Le gouverneur de

Guise , a defaict la garnison de La Capelle , et pris l'argent de leur monstre.

De Sainct Germain , ce i3 décembre 1597.

/f6o LETTRE DE M. DUPLESSIS

A M. Dumaurier.

M. Dumaurier, j'ai receu les vostres du 6 par la voye d'Angers. Depuis vous en avés receu plusieurs des miennes , qui vous auront esclairci de ce qui vous estoit lors nécessaire. J'ai bien à louer Dieu de ce qu'il contineue ceste magnanimité au roy , ce zèle de justice aulx plus grands, et ceste affection à tous nos pareils et amis ; mais surtout de ce que ma justice est cogneue , $ans avoir peu estre palliée par les artifices de ceulx qui s'en demeurent sentis ni moins offensés que moi. Vous me ferés beaucoup de plaisir de remercier, en mon nom , tous ces messieurs qui s'offrent si ardemment , aulx lettres desquels je respondrai avec plus de subject et de loisir, et aussi ne sont elles que responses aulx miennes. Je les ai receues toutes, mesme celles de MM. de Thou, de Tambonneau et de Puychario, par aultre voye. Ceste dernière me faict donner une attaque de ce qu'en une telle ville , on se soit si peu remue surungtel acte; et je vous en ai mandé ung mot qui pourra continuer ceste bonne humeur. Je suis fort aise de la bonne volonté où avés trouvé monseigneur le connestable. Je ne doubte pas que, pour modérer la satisfaction, mes ennemis ne veullent exténuer la qualité de la personne et la nature de la faulte ; mais contre ces deguisemens nous sommes pourveus de notoriété, et de la personne, et des faicts; et, si on en vient là, vous pouvés, grâces à Dieu , parler si gros et si fiault, qu'ils auront honle d'avoir re-

A M. DUMAUREER. 46 1

mué les cataractes. Mais le pis pour eulx , que nous ne sommes pas à disputer sur le pardon à genoux ou debout, mais entre la roue ou la teste, et c'est à quoi j'estime que nous debvrions diriger tous nos coups , comme souvent je fais repeter, pour ne souffrir qu'ung crime atroce passe en querelle ordinaire. Je viens donc au fond. Vous aurés sceu comme l'exempt est retourné, et a M. le mareschal de Brissac baillé sa ville de La Guierche en firetaigne pour prison à Sainct Phal , où le capitaine de ses gardes commande et a la garnison à sa dévotion. Aurés sceu aussi les lettres qu'ils en esc ri vent au roy , qui estoient bien plus creues si M. de Schomberg ne les eust faict corriger, et peult estre eust il mieulx valleu qu'il les eust laissées passer telles. Vous pouvés penser qu'il obéit au commandement du roy de bailler à son beau frère sa maison pour prison, et au roy pour caution la lettre de son dict beau frère, qui y passe son temps à son plaisir, y est en pleine liberté de s'en aller quand il vouldra, et selon le vent qu'il aura de la court ; et desjà , dict on , qu'il y a dispareu quelque temps. Ne sçait on pas quelle mesure prendre? ou ne sçait il pas quelle résolution sa majesté a prise là dessus , soit pour faire une vive recharge communicatoire à la personne propre du mareschal de Brissac , ou pour faire contumacer Sainct Phal par les voyes en tel cas requises ? Mais tant il y a que je pense que le fil de nos premières lettres doibt estre suivi; le faict mis devant monseigneur le counestable et MM. les mareschaulx, et iceulx disposés à le renvoyer en la court de parlement comme crime et non querelle, justiciable par les loix ordinaires et non à décider par celles d'honneur; qu'il nous fault aussi tendre à ce que la proposition que nous feit M. Mario n

46a LETTRE DE M. DUPLESSIS

sorte son effect, en laquelle il présente encores les lettres qu'il m'escrit; et, quoique me dict M, Arnaud, duquel je cognois l'affection en mon end roict, "qu'il est d'advis qu'il l'évoque en la chambre de l'edict n'agueres accordé , je désire que ce soit plustost à la grand'chambre, où l'arrest aura plus d'auctorité, sera moins subject à remission , à l'advenir me portera plus d'honneur et plus de tache h ma partie, obligera mesme les juges, qui recognoistront par là que je renonce à ung bénéfice public en ung faict qui m'est si sensible par l'opinion que j'ai de leur probité et leur justice. Et, au reste, ne puis je appréhender qu'elle puisse estre aultre de personnes de telle qualité et gravité, en ung acte si exécrable, qui tire conséquence contre tous les gens d'honneur, de toutes conditions et qualités, à l'encontre de personne de la mesmes; et parce que, lorsqu'on en viendra là, je prévois qu'il fauldra parler en l'audience, et qu'il escheroit d'y toucher de la maison et la personne ; je vous prye de sonder M. Arnaud s'il aura agréable de plaider pour moi, parce que je sçais qu'il le feroit dignement et affectionneusement , et lors je lui enverrois quelques mémoires de ce qu'il aura à dire, en l'informant comme vous avés pris le tour de cest affaire; et pourtant je crois que vous avés sollicité mon frère de se trouver en court lorsqu'elle aura esté ou sera traictee devant monseigneur le connestable, pour y abuser l'auctorité du roy , la bonne volooté de madame la duchesse, l'auctorité de tous nos amis, l'affectiqp de tous nos parens. Ce premier une fois obteneu , je vois toutes choses aisées , et presque la seule marée nous portera où nous vouldrions.

Je vous ai envoyé lettres pour M. de Boisdaulphin , et désire que par vostre bouche il sçache combien je

A M. DUMÀTJRIER. 4#*

me sens obligé de son offre, et, s'il est possible, tout doulcement de ceste clause ,feust ce contre M. le mareschal de Bris sac; car, à la vérité, je pense que désormais je ne pourrai avoir aultre partie. Pour madame de Beaufort, je pense que les propos que vous avés teneus au roy sur les affaires de Bretaigne, oultre l'inclination que me mandés envers nostre maison , y ont opéré; car je les lui aifaict couler bailleurs dedans l'oreille. S'il vient à propos , tesmoignés lui que je ne désespère poinct, si ce voyage se faict, que je ne lui fasse ung bon service, et ressens le bon office qu'elle a faict à mon frère au faict de Calais, m'y oblige , et je ne perdrai pas l'occasion de le faire. Je me suis très fermement apperceu de ce que m'escrivés de l'homme qui a perdeu la conscience et l'honneur tout ensemble. Dieu l'a flétri en la fleur de son auctorité; et, si le monde a des yeulx, l'en a mis en exemple. Je vous ai envoyé des lettres pour M. le mareschal de Biron , aussi pour Madame , que je sçais prévenir fort envers lui; mais il fauldroit que le roy lui en dict ung mot. Je désire fort sçavoir comment il les aura receues. Je vous en envoyé aussi d'aultres pour M. le duc de Retz , me ressentant extresmement obligé à madame sa femme. Vous m'obligerés aussi, s'il vous plaist, à remercier tous nos amis , nommeement M. d'Harambure.

Je reviens à mon frère, lequel je crois approuver mon opinion de remener à Rennes, de crime et non de querelle, de justice et non d'arbitrage. Je vous prye de l'y entretenir, parce que je sçais qu'au fort du feu on vouldra quereller; et, pour vous dire franchement les mots de raison sans chastiment qu'on me conte en quelques lettres, me sera suspect en ceste matière, et

464 LETTRE DE M* DUPLESSIS , etc.

n'y a moyen de s'en eschapper qu'en tirant le faict par

le renvoi que dessus en la pleine justice.

M. de Mercœur prépare ceulx de Nantes à recevoir garnison, et leur persuade qu'il n'est pas bon qu'il demeure avec eulx, mais qu'il leur lairra ung chef qui sera bien obéi. Ce doibt estre le comte de Chaligny , son frère. Pensés que seront les propres de la contrescarpe contre eulx , quand desjà il parle de relraicte. Certes, je désire que le roy soit obéi en Bretaigne par quelque manière que ce soit. Mais je ne lui ai peu dissimuler, par mes dernières d'hier, qu'il n'y peult faire guerre qui vaille qu'en personne, ni paix qu'il ne la lui fasse perdre , s'il ne la faict de la tranchée , sinon du pied de l'escarpe.

Ores je Bnirai ici par vous remercier de vos peines passées, et vous engager à les continuer, en réengageant aussi de tout mon cœur à vous tesmoigner mon amitié.

Du i5 décembre iSgy.