CCXXI. — LETTRE DE M. SERVIN

A M. Duplessis.

Monsieur, je vous ai rendeu response à ce que m'avés mandé par M. Dumaurier touchant le vilain oultrage qui vous a esté faict, et non tant à vous qu'au roy et au public. La condition de vostre naissance , le mérite de vostre vertu, ce que vous estes eu cest estât, et le nom qu'avés acquis en toute la chrestienté, rendent ceste injure d'autant plus exécrable, que la cause sur laquelle on Ta voulleu fonder, provient du debvoir et dévotion qu'avés tesmoigné au service du roy, en faisant ce qui estoit du pouvoir de vostre charge. C'est pourquoi vous pouvés croire fermement qu'ainsi que le roy a pris cest acte comme offense faiete à sa majesté, puisqu'elle se sent blessée en vostre injure, quand l'homme sera es mains de la justice, il aura le traietement que pourrés souhaiter, avec une juste indignation contre l'indignité du faict; et pour moi j'apporterai, Dieu aidant, ce que je debvrai et à vous et au public, y estant obligé par ma charge, et porté par une douleur vive qui me touche en particulier, et me donne des poinctures pour l'honneur que m'avés faict de me tesmoigner vostre bienveillance : ce que, quand vous ne m'auriés monstre, je serois teneu vous rendre pour vostre qualité et pour celle de lacté. Car, oultre

47<> LETTRE DE M. SERVIN, «te.

que les biens et les itiaulx des personnages establis au lieu que tous tenés appartiennent au public, j'ai tousjours estime et tiens pour maxime très certaine ce que respondit Sol on à celui qui lui demandait comment il falloit bannir la violence et l'injustice d'un pays, ii ifÀOttêf <ty&va,KTo7tv oî p» «t/W/xiro/ toiV AhxMyiivoif. Mais afin de faire plus utilement ce que desires de moi, pour vous et avec vous, il est nécessaire que l'homme soit en estât, suivant les commandemens du roy, afin que, s'il est possible, sa majesté ayant faict entendre ce qu'elle vouldra k M. le connestable, on puisse obtenir de lui ung renvoi en parlement , qui sera irretractable, de sorte qu'à 1 advenir vous serés certain d'avoir vengeance par justice , l'acte ne devant et ne pouvant estre expié d'aultre façon. Et, en ce cas , il ne fauldra ci après une contre évocation, car la qualité du faict aura esté jugée par mondict seigneur le connestable n'estre poinct de la jurisdiction militaire. C'est l'advis de oeulx qui vous ont voué du service , et entre aultres de vos particuliers amis, M. de Villeroy, avec qui j'en ai conféré, et qui, en cest affaire, m'a tesmoigné une franche volonté qu'il a de vous assister; en quoi il se porte dextrement, comme aulx aultres affaires de Testât. C'est ce que vous aurés de moi pour conseil que je vous puis donner en tel subject et pour consolation, estant partie avec vous pour le public, etc.

A Paris, ce 10 decentbre 1697.

LETTRE DE M. DUMÀURIER , «te. 47 1