A MON COUSIN, MONSIEUR LE DUC DE BOUILLON

( D’Usson, ce 24 septembre 1593. )

Mon cousin, si je ne croiois que la justyce et la raison ont plus de puissance sur nous que la fortune, bien que j’aye tres-grant besoing de la faveur de vos bons offices, je ne meltrois la main h la plume pour

302 LETTRES [1593

la rechercher; et si je n’avois conservé en moy la voulonté que ces mesmcs causes y ont, dès ma naissance, imprimée, je penserois que justement vostre aide me devroit estre refusée de qui en aultre temps l’offre en auroit esté reçue; mais n’ayant jamais eslongné de moy la dévotion de ce naturel debvoir, et voulant croire que mon malheur, bien que très-grand, ne l’a aussy banni de vous, avec la mesme confiance que l’oii doit avoir en un bon parent, je vous supplieray me vouloir tant obliger d’embrasser mes aiiàires en ce que le sieur Erart vous en suppliera de ma part , et opposer vostre pouvoir auprès du Roy à la malice de mes ennemys, qui, ne se contentant de mes si longues miseres, voudroient encore par nouvelles calomnies les accroistre ; ce que je m’asseure qu’ils ne pourront, si mon innocence est si heureuse d’estre appuiée de vostre protection, comme je vous en supplie, et de croire que n’emploierez jamais vos bons offices à personne qui les veuille tant ressentir et priser que moy, et qui, par quelque digne effect, desire davantage se tesmongner vostre plus affectionnée cousine,

Marguerite.

[ Auiogr. — Coll. Béthune, vol. 9086, fol. 29. ]

AG ROY MONSEIGNEUR

(D’Uuon.ce 10 novembre 1593.)

Monseigneur, je vous rends tres-humbles grâces de ce qu’il vous a plu m’accorder par les brevets que le sieur Erart m’a balles, tant pour la continuation des biens et privilèges que j’avois eus des roys mes freres.

que pour les deux cent cinquante mille cscus, qu’il vous plait me donner pour l’acquit de mes dehtes , desquelles je vous supplie tres-humblement commander les expéditions en la forme necessaire; et me vouloir faire tant de bien (comme Je n’en veux rechercher ny cspcre que de vous), de vouloir que ma pension soit de cinquante mille francs, comme je l’ay tousjours eue des susdits roys mes freres, osant prendre la hardiesse de vous faire cette tres-humblc supplication, sur l’asseurance qu’il vous plait me donner, et que je reçois pour ma plus grande félicité, que ne voulez moings qu’eux alfectionner mon bien. Appuiée sur cette mesme confiance , je vous supplieray tres-humblement aussy, monseigneur (suivant l’offre qu’il vous a plu me faire faire par le sieur Erart , de me baller une place pour ma seureté, ou cette-ci où je suis, ou aultre), vouloir me baller Usson, n’en désirant toutesfois le l'cvenu qu’en rabattant sur les quinze mille francs qui me restent à assigner en terre de mon dot par le premier mémoire que je vous presentay à l’aultre voyage du sieur Emrt. C’estoit un des articles tous lesquels il vous a plu par vos premières lettre.s m'accorder. Il vous plaira donc , monseigneur, commander, tant de ce, que de tout ce qui est contenu dan.s le mémoire escript et signé de ma main , que j’ay balle au sieur Erart semblable en tout au premier, que les expéditions en soient faictes et vérifiées, comme il est necessaire pour mettre ces choses asseurées, ce que je suis tres-certaine estre de vostre intention que l’effecl en réussisse, vous suppliant tres-humblement,

LETTRES

monseigneur, croire que, soudain que je les auray reçues, je ne fauldray vous envoyer la procuration, qui a esté dressée par le sieur Erart mesme pour l’accoinplissement de vostre désir; vous protestant que je manquerois plustost à ma vie qu’à l'efFect de telle promesse, où je suis doublement liée, et par le respect et tres-humble obéissance que je vous dois , et par l'obligation que je vous ay de l'honneur et faveur tresgrande qu’il vous plaist me faire, de me baller le choix de la forme d’y procéder, laquelle je vous requiers très -humblement ne vouloir changer, et vous asseurer qu’ayant eu les susdictes expéditions des biens qu’il vous plaist me faire, je la vous envoieray sans aucun retardement, ainsy que, plus particulièrement et de vive voix, j’en ay engagé ma parole audict sieur Erart , comme aussy du désir que j’ai de m’emploier en ce qu’il vous a pieu me commander; en quoy, outre ce que je reconnois cela estre un bien universel , vostre particulière grandeur, que j’affectionne plus que tout , m’y fera rapporter tout ce que Dieu m’a donne d’entendement. Et ayant particulièrement discouru audict sieur Erart sur tous ces points, pour retrancher l’importunité d’une longue lettre, je m’en remettray à sa suffisance, pom', avec votre permission, monseigneur, vous baiser tres-humblement les mains, priant Dieu, monseigneur, vous donner entière et parfaicle grandeur et félicité. Vostre tres-humble et tres-obeissante servante, femme et subjeete, Margcf.ihte.

[i4Hfogr. — CoH. Dupiir, l. 2l7,fül. 26.]