REPONSE DE MONSIEUR DE PIBRAC

Madame, puisque estant malade et fort indisposé de ma personne, je ne puis, sans faire tort à ma vie entière, [entrer] en la considération et disputte des accusations et crimes dont vous me chargez par la longue lettre qu'il a pieu à Tostre majesté dernièrement m'escripre, je me contenteray maintenant (attendant que dans six ou sept jours j'aye , comme j'espère , recouvré ma santé ) vous dire deux choses, madame : l'une, que je vous rends infinies et très- humbles grasces de ce qu'enfin vous m'avez faict ce bien de me déclarer les occasions que vous estimez avoir de me porter la haine que tous me portez; l'aultre chose, madame, que j'ay à vous dire, est que, si en tant d'accusations je recongnoissois ung seul poinct de faute en mon cœur, je me

222 LETTRES [lô81]

doniierois moi-mesme d'un poignard dans la gorge. Vous n aurez de moy pour le présent aultre mot^ sMl vous plaist. Au reste , madame ^ j'ay scellé tres-volontiers la commission pour l'audition des comptes de vostre trésorier; je suis bien aise d'estre deschargé de cette occupation , encores que par advanture ceulx qui vous ont baillé ce conseil pensent m'avoir par là donné quelque atteinte; mais ils se trompent bien fort et me cognoissent fort mal. J'ay, madame, une lettre de monsieur de Foix qui est ambassadeur à Rome, et une aultre de monsieur le cardinal de Ferrare, par lesquelles est porté que monsieur le chancelier aura l'evesché de Gomdom sur le placet que le Roy luy en a accordé. Je vous advertis , il y a plus de deux mois , du don et de l'asseurance que ledict sieur avoit d^obtenir ledict evesché. C'est tout ce que je sçay , madame , pour vous estre escript, sinon que monseigneur vostre frère est en France, en bonne santé^ dont chascun loue Dieu. Madame, je prieray nostre seigneur qu'il vous doiut ce qu'il congnoit vous estre nécessaire, baisant ti^eshumblement les mains de vostre majesté, s'il m'est permis. Vostre très- humble et très -obéissant serTiteur. PiBRAC.

[Coll. Brienne, t. 296, fol. 165, verso. ]