A MON COUSIN» MONSIEUR LE DUC DE BOUILLON

( D'UssoD, ce 24 septembre 1&93.)

Mon cousin , si je ne croiois que la justyce et la raison ont plus de puissance sur nous que la fortune, bien que j'aye tres-grant besoing de la faveur de vos bons offices, je ne mettrois la main à la plume pour

la rechercher; et si je n'avois couaervé eu moy la voulonté que ces mesmes causes y ont, dès ma naissance, imprimée, je penserois que justement vostre aide me devroit estre refusée de qui en aulti^ temps l'offre en auroit esté reçue; mais n'ayant jamais eslongné de moy la dévotion de ce naturel debvoir, et voulant croire que mon malheur, bien que très-grand, ne Ta aussy banni de tous, avec la mesme confiance que Ton doit avoir en un bon parent, je vous supplieray me vouloir tant obliger d'embrasser mes affaires en ce que le sieur Erart vous en suppliera de ma part , et opposer vostre pouvoir auprès du Roy à la malice de mes ennemys^ qui, ne se contentant de mes si longues misères, voudroient encore par nouvelles calomnies les accroistre ; ce que je m'asseure qu'ils ne pourront, si mon innocence est si heureuse d'estre appuiée de vostre pi*otection , comme je vous en supplie, et de croire que n'emploierez jamais vos bons offices a personne qui les veuille tant ressentir et priser que moy, et qui, par quelque digne effect, désire davantage se tesmongner vostre plus affectionnée cousine,

MA.ROUBRITB.

[ Âutogr, — Coll. Béthtme, vol. 9086, fol. 29. ]