juillet

bien aise que Vostre Eminence sache que je suis le munitionnaire général : j'ay fourny les bledz, voictures et sacqz ; j'ay sorty mil hommes et soixante ofEciers qui ne doibvent rien à tous ceux qui sont dans l'armée. Je continueray jusques à la fin, outre les 300 hommes qui estoient avec le convoy. Le comte de Brouay est au pont Arras avec deux mil hommes de pied et cinq cent chevaux. M"" le mar*' de la Ferté m'a dit qu'au cas d'attaque des lignes je le pourois fournir du canon. Je luy ay dit que je luy en donnerois dix pièces touttes attelées, avec les officiers pour les servir. Et, en attendant l'honneur de ses commandemens, je l'asseureray que je suis, Monseigneur, son très humble et très obéissant et obligé serviteur.

F. -M. Broglia.

(A.rch. des Aff. étr., Corresp., Pays-Bas, 33, Id. 302-303 \\)

Brachet à Mazarin (1654, 23 juillet).

Monseigneur, Plus nous allons en avant, et plus noz espérances s'augmentent que les ennemis lèveront bientost le siège de devant Arras; et ilz l'attaquent si foiblement, et avec une telle lenteur, qu'ilz nous font bien connoistre par là qu'ilz ont peu d'espérances de le prendre. Un trompette de M. le mar"' de la Ferté, qui fut hier dans leur camp remener à Monsieur l'Archiduc ses chasseurs que nous avions pris, assure n'avoir jamais veu une telle consternation que celle qui paroist parmi eulx, et n'avoir veu ni pain ni viande dans aulcun des quartiers où il a passé, non pas mesme dans celui de l'Archiduc, et la nécessité de vivres n'est pas moindre parmi eulx que celle des munitions de guerre, qui les presse au point qu'ilz furent contrainctz de faire passer

hier de Cambrai dans leur camp des pouldres en crouppe sur quatre à cinq cents chevaulx, qui y entrèrent heureusement; mais cela ne leur réussira pas toujours, et c'est si peu pour un siège d'Arras qu'on ne le doibt pas compter pour quelque chose. Les passages sont si bien gardez pour ce qui pouvoit venir de Douai et l'Isle que ces gens là ont esté contrainctz de venir de Cambrai vers Bapaume. M. le comte Broglio a bien mil chevaux avec son infanterie pour garder le costé de Aire, qui est le seul lieu d'où les ennemis peuvent tirer quelque chose. J'espère pouvoir escripre bien tost des nouvelles qui seront encores plus agréables à V. E., Laquelle cependant je supplie me faire tousjours l'honneur de croire que je serai toute ma vie, Monseigneur, vostre très humble, très obéissant et très fid€lle serviteur.

Brachet.

Au camp de Monchy le Preux, le 23® juillet 1654.

Un soldat des ennemis sorti hier du camp dict que les trois boyaulx qu'ilz avoient faict ont tous rendu à un, que l'infanterie est fort rebuttée, et que l'on n'est pas encores h la palissade de la première contrescarpe. Il adjouste encore, et le trompette de M. le mar^' de la Fertè qui a esté dans le camp des ennemis le confirme, qu'ilz ont un fossé perdu devant celui de leurs lignes.

Du 23® juillet 1654 à huict heures du matin.

Depuis ma lettre escripte, M. de Navailles, qui estoit en garde avecq les régiments de la Royne, Mazzarin et deux autres, pour empescher que rien ne pasast de Douai au camp des ennemis, a rencontré cette nuict deux à trois cens chevaulx qui portoient des poudres en crouppe, avec soixante chevaulx de paysans qui portoient des bouletz et a mis le feu parmy eulx, qui se sont bruslez la pluspart^, et