Sur la charte, sur le papier (car (a
grand plaisir; et print aultre jour à Fontainebleau, où il alloit, pour en communiquer plus amplement. Ledict srde Briquemault, qui ne goustoit cet affaire qui luy appartenoit mieux qu'aux aultres, estant ung des plus vieux et expérimentez cappitaines de France, nourry aux guerres de Piedmont, ne vouloit se mesler de la première entre veue; mays, estant à Fontainebleau, à la suite de la court, il ne se peust excuser de la seconde, à laquelle le roy le voulut engager, de sorte que je fuz dépesché de là pour aller quérir ledict sr comte à Paris, d'où je l'amenay en poste la nuict et le fei arriver à minuict et loger par ordre du roy au logis du sr Mommier , concierge du chasteau de Fontainebleau, où le roy le pouvoit aller voir sans estre veu de personne. Et là fut ce dessein si bien pourmené que le roy l'approuva. C'estoit après Pasques. Et, pour apporter toute confidence en l'exécution d'icelluy, le roy feist dès lors plus ouvertement que jamais congnoistre son intention de faire le mariage de madame Marguerite1, sa seur, avec le prince de Navarre, affin, disoit-il, que, toute diffidence mise soubz le pied, chacun n'eust aultre dessein que de luy faire en ceste belle entreprise ung bon service, incontinent après les nopces, priant en particulier ledict sr comte d'y servir d'aussy bonne affection,
1. Marguerite de Valois, née le 14 m*i 1553, troisième fille de Henri II et de Catherine de Médicis, épousa le prince de Navarre le 18 août 1572. Divorcée le 17 décembre 1599, elle mourut le 27 mars 1615. Elle a laissé des mémoires plusieurs fois réimprimés et des lettres dont une partie a été publiée avec les Mémoires peu M. Guessard (pour la Société de l'Histoire de France), une autre par M. Taschereau dans le tome XVEI de la Revue rétrospective.
qu'il le pouvoit asseurer qae le prince d'Orenge, son frère, et luy en recuilliroient le principal prouffit; comme ledict sr comte, qui me print dès lors en amitié et me pressa de luy promectre d'aller avec luy, me le compta bien particulièrement en le remenant troys jours après, la nuict, à Paris, en son logis. Et me deistque le roy vouloit voir monsieur l'admirai et feroit la moictié du chemin jusques à Blois et plus oultre, s'il estoit besoing, qu'il ne vouloit entreprendre ung tel affaire sans luy, et que, par le mariage de sa seur, il vouloit si bien marier les deux religions ensemble qu'il n'y eust jamais de discord. Et s'en retourna ledict sr comte à La Rochelle, environ Penthecoste, laissant l'affaire de Flandres entre les mains desdictz s™ de Briquemault, La Noue et Theligny, pour en traicter bien amplement avec monsieur le mareschai de Mommorency, auquel le roy en avoit donné le commendement, pendant qu'il se promeneroit à Gharlesval1 et es environs pour la chasse.
Pendant nostre séjour de Fontainebleau, arriva une chose qui me feist entrer en ung soupçon. Je vei le grand Ânthoine, l'un des négotiateurs dudict sr comte, de l'affaire duquel, estant homme d'esprit, j'avois plus d'espérance que de nul aultre, estant son dessein sur la ville capitale d'une province fondé sur des moyens faciles et véritables, aller ordinairement de Fontainebleau à Melun, où estoit le logis de l'ambassadeur d'Espaigne, dont je ne sçay le nom*, avec lequel il
4. Charleval sur Andelles, intendance de Rouen, élection d'Andely.
2. François de Alava, homme d'État espagnol, originaire des provinces basques, avait été envoyé comme ambassadeur en France
avoit une grande confidence, de sorte que ledict ambassadeur luy confioit ses pacquetz pour Flandres, dont les responses luy tomboient en main pour les rendre audict embassadeur, et ne s'en cachoit poinct de nous en nous apportant lesdictz pacquetz qu'il ouvroit et refermoit le plus subtilement du monde pour en faire, comme il faisoit, les extraicts et nous en servir tant ausdictz affaires de Flandres qu'à descouvrir ce qu'il y pouvoit avoir de confidence entre les deux rois à nostre préjudice et desdictz affaires. Et allois expressément à Melun avec luy, affin qu'ayant receu le pacquet de l'embassadeur il le portast droict à Paris, l'ayant ouvert et refermé. Je considérais bien de l'utilité que nous recepvions de telz extraictz, mays je doubtois que l'ambassadeur n'en tirast plus grant prouffit, en descouvrant par luy tous noz affaires, et qu'il feust ung espion double; qui fut cause que ne pouvant gouster ceste façon-là, j'en parlay audit sr de Briquemault, qui ne l'approuva pas; et trouva bon que j'en disse librement mon advis audict Ânthoyne (qui estoit paintre et nous faisoit tous les portraictz des villes de Flandres, de sorte qu'il n'y eschéoit poinct de recongnoissance ; et avoit esté nourry à cela par le feu comte d'Âiguemont, son maistre, qui estoit ung des grandz cappitaines de son temps) , ce que je fei; mays il me purgea le soupçon fort pertinemment
après le retrait de Perrenot de Ghantonay, yen le mois de mars 1564 (Arch. nat., K. 1504). Gomme son prédécesseur il s'affilia à la faction des Guises, et si étroitement que la reine-mère ellemême demanda son changement à Philippe II, au mois de juillet 1571. Il fut remplacé par le secrétaire d'État Aguilon au mois de décembre suivant (Arch. nat., K. 1524).
et par charge et consentement par escript dudict sr comte, auquel par ce moyem il faisoit ung grand et signalé service, repaissant ordinairement l'embassadeur de choses vrayes pour nourrir sa confidence, mays lorsque cela ne pouvoit plus nuyre, pour parvenir à descouvrir tous ses secrète, comme il faisoit très accortement (et sa mine eust trompé tout le monde). Il sçavoit la langue espaignole fort bien et, si mon soupçon n'estoit véritable, au moings l'événement que j'en vei monstra que cela n'estoit pas sans péril.
Et de faict, cela sans moy eust esté cause de la perte de la meilleure entreprise et la plus asseurée, et par le moyem de deux pacquetz qu'il ouvrit, esquelz il descouvrit chose importante pour nous mays dangereuse pour son affaire, qui estoit ung discours abrégé des propos que l'embassadeur avoit eu avec le roy sur les communications dudict comte et de la response du roy pour asseurer le duc d'Àlbe1 qu'il n'avoit rien à craindre de son costé, qui le deust empescher de faire ses affaires en toute liberté; dont ledict Ânthoine tomba en tel désespoir de bon succez des affaires dudict sr comte avec le roy, qu'il print
1. Fernand Alvarez de Tolède, duc d'Albe, naquit en 1508; depuis 1527 il prit part à tontes les guerres de l'Espagne. Favori de Philippe n, il conclut le traité de Cateau-Cambrésis et épousa au nom de son maître la princesse Elisabeth de Valois, fille de Henri n. Gouverneur des Pays-Bas, il employa son génie cruel à réduire ces provinces désespérées; mais son âme de fer et ses talents militaires s'usèrent à la tâche, et lorsqu'il quitta la Belgique, à la fin de 1573, la cause de Philippe II était plus compromise qu'au commencement du règne. Il mourut le 12 janvier 1582.
une telle résolution de descouvrir tout à l'embassadeur, moyennant l'asseurance de ses affaires particuliers et une récompense digne d'un tel service. Que si ledict embassadeur eust accepté l'offre qu'il luy en feist et l'eust asseuré de ce qu'il demandoit, qui n'eust pas cousté dix mille escuz, ou, n'ayant le pouvoir de le faire, l'eust remys à la response que sur ce il eust eu du duc d'Âlbe, en peu de jours, il est sans doubte que ledict embassadeur, moyennant ceste petite somme, eust espargné à son prince toutte la despense infinie qu'il a depuis faicte audict Païs-Bas , comme je le vérifieray l en son lieu pour faire congnoistre la grande faulte dudict embassadeur, lequel, voulant tout sçavoir devant que de rien asseurer ny bailler, dégousta ledict Anthoyne de passer oultre, s'excusant que ceux de qui il avoit la charge et qui sçavoient toutes choses (desguisant que ce feust luy) ne se voûtaient descouvrir avant la main garnye, ce que luymesme me déclara rondement. Et sur ce qu'il avoit descouvert audict pacquet, qui l'avoit mys en ce désespoir, il bastit ung moyem de faire ung signalé service audict sr comte, comme je diray en son lieu et que je luy en donnay l'advis, le réconfortant sur le peu d'espoir qu'il avoit du roy et l'exhortant dès lors à en tirer le prouffit qu'on pourroit, puisqu'on y estoit si avant embarqué contre nostre advis, et se donner garde d'inconvénient, ayant tousjours tenu ferme en mon opinion, qu'estans bien fondez sur la doubte que nous avions du roy et encores davantage par le pao
1. Vérifier, prouver; verificare, probtre (Glossaire de Du Gange).
quet dudict embassadeur, nous eussions seulz plus faict d'exécution sans aulcun péril que par communication avec le roy, duquel nous avions trop de subject de nous défier, ne luy celant pas, ce que depuis j'ay dict souvent audict sr comte, que l'envie extrême de servir aux affaires du pcince d'Orenge, son frère, luy faisoit embrasser tous partiz sans considérer le danger de ceux sans lesquelz il ne pouvoit rien faire.
Geste négotiation de Flandres n'endormit pas ledict sr de Briquemault comme ledict sr de Theligny, jeune gentilhomme bien advisé mays enyvré des caresses du roy et aspirant au mariage de la fille dudict sr admirai1, pour lequel persuader le roy se servoit de luy, en quoy il ne fut pas trompé. Pourquoy, laissans aller et venir ledict sr de Theligny en poste, nous continuions nostre négotiation ordinaire et ne laissions d'advertir franchement ledict sr admirai de tout, au vray ; et luy envoyasmes le discours dernier de la négotiation d'Anthoyne avec l'embassadeur d'Ëspaigne, affin qu'il ne failÛst par ignorance. Et, estant survenu quelque sédition du costé de Rouen1, nous allasmes trouver le roy à Gharlesval et, en passant, veismes le sr de Hen-
1. Charles de Teligny épousa la fille de Coligny le même jour que Coligny épousa en secondes noces Jacqueline d'Entremonte (De Thou, 1740, t. IV, p. 490). — Les historiens du temps ne donnent pas exactement la date de ce mariage; elle a été fixée au 25 mars 1571 par des documents publiés dans le Bulletin de l'Hist. du prot. français, t. I, p. 275.
2. Quelques protestants, qui étaient sortis de la ville de Rouen pour aller au proche , furent massacrés aux portes au moment de leur rentrée (4 mars 1571). Cette affaire qui fit grand bruit est racontée avec détail par trois historiens (De Thon, 1740, t. IV, p. 483. — Mémoires de l'Bstat de France, 1. 1, f. 57 v*. — La Popelinière, 1581, t. H, f. 7 v°).
dreville4, en sa maison, qui nous en donna des mémoires, selon lesquelzs nous en feismes la plaincte au roy, et de beaucoup d'aultres désordres qui arrivoient en plusieurs lieux, le supplians d'y remédier, qu'aultrement les maux s'entasseraient en si grand nombre qu'il n'y auroit plus de moyem d'y pourvoir; et passa ledict sr de Briquemault jusqu'à supplier le roy de ne trouver mauvais qu'il se retirast, ne faisant rien en court, laquelle parole le roy releva en luy commendant de ne bouger et l'asseurant avec beaucoup de langage d'honneur de donner bon ordre à toutes ses plaintes à Gaillon, où il délibérait de séjourner; où estans, à la S1 Jehan, ledict sr de Theligny retourna de La Rochelle en poste, donna bonne espérance au roy de la volonté dudict sr admirai de luy venir baiser les mains, pourveu qu'il le peust faire en asseurance, sur quoy le roy couppa court et deist qu'il n'y avoit que la querelle du duc de Guyse * qui l'en peust erapescher, mays qu'il y donnerait bon ordre (et dès lors on commença à traicter d'accorder ceste querelle8),
1. Un des chefs du parti réformé en Normandie. La Huguerye reparle de ce personnage à l'occasion des troubles de 1576.
2. François de Lorraine , duc de Guise , avait été blessé le 18 février 1563 par Poltrot de Méré et était mort six jours après. Les Guises affectaient d'accuser l'amiral Goligny de ce crime et Pavaient plusieurs fois menacé de représailles. La reine-mère avait essayé de réconcilier les deux maisons rivales à Moulins et leur avait fait signer un accord que Goligny seul parait avoir pris au sérieux (Lettre de Goligny du lêr janvier 1566, Bibl. nat., f. fr., vol. 3149, f. 48).
3. En juin 1571, le roi reprit l'œuvre de c l'appointement » de Guise et de Goligny; il leur fit jurer de ne plus se rechercher que d'amitié. Voyez les curieux détails donnés par La Popelinière (1581, t. II, f. 23).
et qu'ayant cet honneur d'estre près de sa personne il luy diroit luy-mesmes l'advis qu'il luy avoit pieu luy demander sur les affaires de Flandres, lesquelz on pouvoit cependant esbaucher avec monsieur de Mommorency, auquel il en avoit donné le commendement; lequel toutefiois ne trouva pas expédient d'en traicter si librement en court, près de luy, doublant que cela luy peust préjudicier , recongnoissant peut-estre les dissimulations du roy mieux que nous. Pourquoy, sans que ledict sr de Theligny parlast aucunement des affaires de l'édict qui estoient les principales, on feist eslection de la maison du sr de Bourry*, près de là, que ledict sr mareschal eut agréable, disant que la maison de Dangu estoit proche où il pourrait aller, s'il estoit besoing, affin de résoudre tout ce qui se pourrait exécuter des affaires de Flandre, pour l'en instruire bien amplement et par luy en faire rapport au roy, faisant ainsy les affaires avec le secret requis. Ainsy laissons à Gaillon les s" de Clervaut8 et de Barisy, venuz pour faire les plaintes du pals Messin, nous allasmes à Bourry, les s™ de Briquemault, de Theligny, de La Noue et quelques aultres, avec tous
4. Bourris, seigneurie de Normandie, érigée en baronnie, par lettres de mars 1580, en faveur de Georges du Bec Crespin, de la maison de Pellevé.
2. Claude-Antoine de Vienne, seigneur de Clervaut, baron de Copet, de Courcelles et de Betancourt, gentilhomme huguenot, agent dévoué du roi de Navarre, plusieurs fois envoyé en négociation en Allemagne, c H estoit fort homme d'honneur et plein d'intégrité, » dit mad. de Mornay (édit de la Soc. de VHist. de France, t. I, p. 144). Nous le retrouverons plusieurs fois dans le cours de ces mémoires. Les historiens du temps écrivent indifféremment Clervaut ou Clervant.
les négotiateurs dudict sr comte, venuz exprès; de$quelz ayant entendu toutes leurs entreprises et espeluché toutes les difficultez et considéré les forces qu'on y pouvoit employer, qui ne pouvoient estre que françoises ny d'aultres lieux et provinces que de Picardie et Champaigne, pour éviter bruit et ne donner aulcune alarme, et, eu esgard que les forces desdictes provinces n'estoient capables pour l'exécution de tant d'entreprises, fut trouvé meilleur de faire une eslite de celles dont les moyems sembloient plus asseurez et la surprise plus propre à continuer l'effort, avec espérance de ranger les aultres, qui estoient les entreprises sur les principales places des frontières d'Arthois et Haynault. A quoy, après avoir bien délibéré troys jours entiers, on se tint sur l'advis dudict sr de Briquemault, qui sembla aux aultres, du commencement, propre à dégouster le roy , comme il n'y estoit pas fort affectionné luy-mesmes ; mays il se débatjt si bien, par les reigles de la guerre qu'il entendoit mieux que les aultres, que son advis fut suivy . c Et Dieu veille, deistil, que vous en preniez seulement la moictié (ce sera beaucoup) et que les forces, destinées à l'exécution de celles qui ne succéderont pas, soient diligemment et sans séjour conduites es places surprises, pendant que l'Espaignol estonné advisera à y donner ordre ; * comme il congnoissoit fort bien l'humeur de l'Espaignol, contre lequel il avoit si longtemps faict la guerre en Piedmont, commendant cinquante deux enseignes de gens de pied et estant gouverneur de S1 Damien.
Et, ayant pris ceste résolution, on le pria de la représenter audict sr mareschal, faisant retirer les négotiateurs à Paris, ce qu'il accepta touteffois avec
tel contentement dudict sr mareschal que tousjours depuis il l'en honora davantage. Et, en ayant faict le rapport au roy, qui en loua ledict sr de Briquemault, il ftit résolu de s'en tenir là et actendre la venue dudict sr admirai à Bloys, où le roy feist estât d'aller passer l'hiver expressément et d'appoincter la querelle dudict duc de Guyse avant sa venue1. Et, ayans faict tant d'instance pour Metz et aultres endroictfe qu'il y eut des despesches commendées aux gouverneurs pour y donner ordre sur peine de s'en prendre à eux, nous retoornasmes à Paris, pendant que le roy se promenoit en divers lieux pour se rendre à Blois en hyver. Et feist ledict sr de Briquemault ung petit voyage en sa maison pour y donner quelque ordre à ses affaires, ausquelles il y avoit trois ans qu'il n'avoit peu entendre, à cause de la continuation des guerres. Et eut bien de la peine d'en obtenir congé du roy et de la royne, qui, pour le retenir et gaigner, luy a voient accordé ung payement d'environ douze mil francs à luy deubz de ses vieilles soldes de Piedmont, et, pour raccommoder au bien qu'il avoit en Bourgongne, près Avalon, où le roy avoit quelques portions, luy en passèrent engagement; et ne craignoient pas qu'il allast en sa maison, car aussy bien ne faisoit-il aultre chose que les importuner de mille plaintes, mays que de là il print la poste et allast trouver ledict sr admirai, qui avoit toute créance en luy, le congnoissant tel qu'il estoit, homme de bien et son bon voisin et serviteur,
1. Il s'agit de la querelle du duc de Guise et de l'amiral que lès Lorrains affectaient de considérer comme complice dn crime de Poltrot de Méré.
et le destournast de leurs intentions ; et la royne, pour l'endormir davantage que le roy, qui l'appelloit ordinairement son père, luy disoit souvent que jamais elle ne le voyoit qu'il ne luy souvint du feu roy Henry, son mary, qui l'aymoit tant, comme il estoit vray, et désirait succéder à son amitié et luy faire tout plaisir. Et n'obtint ce congé qu'à la charge de me laisser à la suite, pour avoir souvent de ses nouvelles par mon moyem et l'advertir de leurs intentions, s'il en estoit besoing; dont ledict sr de Briquemault me pria tant que je ne m'en peu excuser ; et me feist délivrer argent et chevaux, car j'estois défrayé du tout. Âinsy il s'en alla, me laissant charge de son engagement pour en solliciter les expéditions, ne me laissant aulcun mémoire des affaires généraux, dont j'estois assez instruict et congneu de tous.
Ainsy je continuay, à la suite de la court, à Ânet, La Flèche, Duretal, Le Lude, Vaujours, Ghenonceau1, et à Âmboise, m'adressant tousjours à la royne de toutes choses, comme elle me l'avoit commendé, et, après son soupper, assez tard, quand elle se retiroit en son cabinet, ainsy qu'elle avoit désiré. N'y avois pas grande peine, car je ne me faisoy que présenter à son soupper et la suivois en sa chambre, où elle me faisoit appeller ; comme il advint à Âmboise, fort tard, ayant receu ung
1 . Anet, La Flèche, Durtal, Le Lude, Vaujours et Ghenonceaux, seigneuries du Maine, de l'Anjou et de laTouraine, appartenaient, en 1571, Anet au roi, La Flèche à la reine de Navarre, Durtal au maréchal François de 8cepeaux, sr de Vieilleville , Le Lude à la maison de Daillon, Ghenonceaux à la reine Catherine ; nous ignorons à qui appartenait alors la haronnie de Vaujours qui rat plus tard érigée en duché en faveur de mademoiselle de la Yallière.
pacquet où il y avoit lettres pour elle avec charge de luy faire entendre quelques poinctz d'importance de quelques menées qui se faisoient du tout contraires à l'accord qu'elle prétendoit faire entre le duc de Guyse et ledict sr admirai, et qui empescheroient sa venue, qu'elle faisoit contenance de tant désirer, ce que je luy discouru par le menu, jusques sur les chemins dudict sr admirai, qui estoit bien adverty par personnage qui estoit de la partye, et que le retardement de sa venue retarderoit les deux affaires qu'elle avoit en affection. Elle m'entendit bien et me deist qu'il ne falloit pas que cela arrivast et qu'elle y donnerait bon ordre, me demandant le mémoire à ceste fin. Et rie faillit à s'enquérir dudict sr de Briquemault, duquel je luy délivray les lectres qui l'asseuroient assez qu'il estoit en sa maison, car elle doubtoit tousjours qu'il allast à La Rochelle ; et me commenda de luy escripre qu'il retournast bien tost et feust à Blois, à l'arrivée du roy, pour négotier cet accord auquel il estoit plus propre qu'aultre, et que le sieur de Ces sac S qui estoit choisy de l'aultre costé, alloit et venoit desjà pour cet effect. Et comme je désirois prendre congé d'elle, elle m'ar-
i. c François de Casillac de Cessac, gentilhomme gascon, bon € courtisan et bon officier, dans sa jeunesse s'étoit attaché à Mesc sieurs de Guise et leur avoit rendu de grands services, mais c depuis qu'on l'eut fait chevalier de l'ordre il ne s'estoit engagé c dans aucune fonction. Toute la noblesse du pays lui faisoit la « cour ; il l'avertissoit librement de se rendre sage par son exemple , « qu'il n'avoit rien négligé pour s'attirer l'amitié de plusieurs c princes; qu'il n'en avoit jamais trouvé de plus sûre ni de c plus avantageuse que celle du Roy ; que s'il luy envoyoit un t chien galeux, il luy céderait son propre lit. » (Mémoires de de Tbou, ann. 1589.)
resta encores me demandant si j'avois rien apprins du sr Wabinghant1, embassadeur d'Angleterre, que je voyois souvent. Geste interrogation me meist en peine, me doubtant bien que Gondy8, qui m'y avoit veu entrer de soir, luy auroit peu dire ; et me vint soubdain en l'esprit une defiaicte, que j'allois quelquefois le trouver de la part de mons' le comte Ludovic pour donner ordre par son moyem à quelques navires de guerre du prince d'Orenge qu'on arrestoit aux havres d'Angleterre, comme je faisois aussy quelques fois ; et pour luy faire perdre tout soupçon, je luy tiray de mon sac de velours que je portois tousjours pendu à ma ceinture des lettres dudict sr comte avec une instruction pour cet effect, qui la contenta ; et ne laissa de me dire qu'elle pensoit que ce feust aultre chose. Et en* tendeis bien ce qu'elle doubtoit, que je diray cy-après. Et sur ce me deist qu'elle prenoit plaisir à estre sou* vent advertye de moy de toutes choses et qu'elle me
1. Francis Walsingham, né en 1536 à Chiglehurst, homme d'État anglais , favori de lord Gecil , fut nommé une première fois ambassadeur en France en 1561, puis une seconde fois de 1570 à 1573. Chargé de négocier le mariage d'Elisabeth et du duc d'Anjou, il usa de sa mission au profit des Huguenots de France et des révoltés de Flandre. Nommé secrétaire d'État en mai 1573, il devint le favori de la reine. Il mourut à Londres le 6 avril 1590. Ses lettres pendant ses négociations en France ont été publiées en anglais (1655, in-fol.) et en français (1700, in-4°).
2. Jean-Baptiste de G-ondi, favori de Catherine deMédicis, était venu en France avec cette princesse. Il se fit naturaliser français et devint maître d'hôtel de la reine-mère. Dès ce jour elle l'employa, de préférence à tous ses autres agents, dans ses missions les plus secrètes. Gondi épousa Madeleine Bonajuti, dame d'atours de la reine-mère, dont il n'eut point d'enfants. Il mourut vers 1580. C'ept lui qui est l'auteur de la fortune de sa maison (Hist. généal. de la maison de Gondi, 1705, 2 vol. in-4°).
sçauroit bien recongnoistre, désirant, si le mariage de sa fille se fait avec le prince de Navarre, comme elle l'espéroit, de me donner à elle, saichant que j'estois parent d'aucuns de ses meilleurs serviteurs, dont je la remercyay très humblement, luy disant estre vray que son trésorier et contrerolleur généraus estoient mes cousins germains. Et prins congé d'elle, qui, ne voulant que je retournasse par sa chambre, pleine de gens, me feist conduire en une petite montée qui descendoit en la court, dont la porte estoit gardée par ung suisse qui feist difficulté, mais n'osa contredire. Et en descendant je congneu bien pourquoy il faisoit le rétif de me laisser passer, car je trouvay ung prince, que je ne nommeray poinct, avec la dame de Saulve1, qui me feirent place pour passer. Et ayant ouvert la porte d'embas fermée sur eux, la tiray et me retiray.
Et, le lendemain au soir, après avoir dépesché ung lacquais vers ledict sr de Briquemault, suivant le commendement de la royne, pour haster son retour en court, j'allay voir ledict sr ambassadeur et luy comptay
1. Charlotte de Beaune, fille de Jacques, baron de Semblançay, femme en premières noces de Simon de Fizes, baron de Sauve, secrétaire d'État; en secondes noces, de François de la Trimoiile, marquis de Noirmoustiers. — Il est très-difficile de suppléer à la discrétion de La Huguerye, tant est vaste le champ des galanteries de la dame de Sauve. Cependant si Ton remarque que le duc d'Alençon ne fut que plus tard amoureux de cette beauté facile (Mémoires de Marguerite , édit. Lalanne, p. 41), que Montpensier était âgé de 58 ans en 1574, que son fils était marié depuis l'année précédente, que Henri de Navarre, Condé, Guise et les autres Lorrains n'étaient pas à la cour, que la scène surprise par La Huguerye se passait dans les appartements de la reine Catherine, on arrivera à penser que le duc d'Anjou était le héros de cette aventure galante.
ce que la royne m'avoit demandé et comme je m'en estais eschappé, mais que j'avois bien apperceu qu'elle estoit en quelque doubte de ce que nous traictions avec luy, qui estoit de grande importance et ne pouvoit estre révélé, luy n'en communiquant à personne, ny nous aussy. Et me deist que c'estoit Gondy, qui, soubz couleur de l'entretenir, estoit logé près de luy pour l'espier, mays ne pouvoit croire que ce feust aultre chose qu'ung soupçon, ayant estimé tirer de moy d'authorité ce que j'en pouvois sçavoir, et que j'avois bien faict de luy faire et justifier ceste responce, et qu'il en dirait aultant exprès devant Gondy, affin de l'asseurer davantage. Ce qui se traictoit entre nous et ledict sr de Walsinghant, qui avoit grande créance vers sa maistresse et nous estoit fort amy et doubtoit comme nous quelque événement mauvais du mariage de Madame, seur du roy, dont les affaires de sa maistresse se porteraient pis, estoit du moyem qu'il y aurait de faire le mariage du prince de Navarre avec la royne1, sa maistresse, bien que l'aage feust fort inégal, ledict prince approchant de vingt ans et elle en ayant plus de trente cinq et en bon aage toutesfois pour avoir des enfans. [Que] cela asseureroit l'Ângle-
1. Elisabeth, fille de Henri VIII et de sa seconde femme, Anne Boleyn, née à Greenwich le 7 septembre 1533, devint reine d'Angleterre à la mort de Marie Tudor, le 17 novembre 1558. Cette princesse , qui ne se maria jamais , passa sa vie en négociations matrimoniales. Ce projet de mariage avec le prince de Navarre avait déjà été signalé dans la correspondance de La Mothe-Fénelon, ambassadeur en Angleterre, et dans les pièces ajoutées aux Mémoires de Nevers, mais aucun historien ne donne autant de détails sur ce point que La Huguerye, comme on le verra par la suite de ces mémoires.
terre du costé de France, par le moyem dudict prince, qui y a une grande -suite et authorité, et asseureroit ledict prince de toutes ses espérances contre quiconques s'y vouldroit opposer, et tous les deux contre quiconques les vouldroit assaillir, et que ce seroit le vray moyem de faire les affaires de Flandres et s'en accommoder sans jalousie. Il en avoit dépesché exprès vers sa maistresse, de bouche par ung sien confident serviteur, et l'en avoit si bien instruite et rendue capable qu'il y en avoit bonne espérance de ce costé-là. Et nous en avions aussy adverty ledict sr admirai, confidemment et de bouche, seul, pour en user et le mectre en avant selon sa discrétion (mays il avoit si peu de crédit envers la royne de Navarre, qui le traversoit en toutes sortes et avoit l'œil tourné vers l'aultre party de long temps, qui 4uy sembloit estre utile à son filz, veu que les masles n'avoient poinct d'enfans, et n'y avoit pas beaucoup d'espérance d'en avoir) d'en parler au prince de Navarre. Il estoit jeune et en la tutèle de la royne, sa mère.
Et cependant qu'il en espioit le moyem, je croy que l'embassadeur de France en Angleterre1 en eut vent et
1. Bertrand de Salignac, seigneur de La Mothe-Fénelon, d'une ancienne famille du Périgord, était né en 4523. Il fut successivement conseiller d'État, gentilhomme ordinaire de la chambre du roi, capitaine de 50 hommes d'armes d'ordonnance, chevalier de Saint-Michel, ambassadeur en Angleterre de 1568 à 1575, et en 1581, chevalier du Saint-Esprit. Retiré en Périgord, il suivit fidèlement le parti du roi Henri III, puis celui du roi Henri IV. Il était catholique. Le 11 avril 1599, il reçut une mission en Espagne et mourut à Bordeaux, le 13 août, en se rendant à son poste. Sa correspondance pendant son ambassade en Angleterre a été publiée par M. Teulet en sept vol. in-8°. On y trouve de nombreux détails sur les négociations matrimoniales dont parle La Huguerye.
en donna ad vis1 (car de nostre eosté il n'y avoit moyem de le descouvrir, n'y ayant que ledict er admirai, ledict sr de Briquemault et moy et, d'aultre costé, ledict sr de Walsinghant et son secrétaire, homme de qui il se fioit du tout) de sorte que la royne, me voyant à son soupper que je luy voulois présenter des lettres dudict sr de Briquemault;, m'appella et me deist qu'elle désiroit parler à moy, après son soupper. Je luy dis que j'attendois aussy pour luy présenter des lettres. Et, peu après estre levée de table, elle se retira en son cabinet et me feist appeller par Moineton , son valet de chambre, que je suivy. Et estant entré, luy présenté mes lettres qu'elle leut; et fut bien aise de l'asseurance que luy donnoit ledict sr de Briquemault d'estre en court si tost que le roy seroit à Blois. Et apprès m'avoir interrogé, si nous avions poinct eu d'advis de quelque aultre chose, depuis qu'elle avoit parlé à moy, et, en responce que non, adjoustant qu'elle y avoit donné bon ordre, me deist à demy en cholère : c Mays vous ne me disiez pas l'aultre jour que vous traictiez d'ung aultre mariage? » — Je respondi que je ne sçavois que c'estoit. — c Si, si, dist-elle, vous le scavez bien, c'est ce que vous traictez si tard avec Walsinghant qu'il vous en fault retourner avec la lanterne. » — Je me purgé de ce soupçon-là sur les affaires que j'avois souvent avec luy pour ce que je luy
4. La Mothe-Fénelon avait déjà informé le roi, le 9 novembre 4570, comme d'un bruit peu fondé, des projets de mariage de Henri de Navarre et d'Elisabeth (Corresp. diplom., t. III, p. 359). Il y revient avec plus d'insistance le 7 et le 21 septembre 1571, en constatant que ces projets sont approuvés par CoÛgny (ibid., t. IV, p. 225, 239 et 240). Le roi lui commande, le 25 août 1571, de surveiller la négociation (ibid., t. VII, p. 243).
avois dict et justifié l'aultre fois, l'asseurant que l'advis qu'elle en pouvoit avoir ne provenoit que de soupçon et que je n'en avois jamais ouy parler et qu'aussy n'y avoit-il poinct d'apparence par toutes raisons. — c Vous dictes vray, me deist-elle, mays il s'en faict bien sur moindre subject de plus estranges, etc. J'y remédieray bien; je croy bien, peult-estre on ne vous dict pas tout; ne faillez à m'en advertir, si vous en oyez parler, et pressez le retour de Briquemault. » Sur quoy elle me donna congé, bien aise d'en estre eschapé à si bon marché; et me feist encores sortir par le mesme lieu, dont le lendemain je fuz advertir ledict sr de Walsinghant, affin qu'il feust sur ses gardes, si elle luy en parloit, comme elle ne faillit pas depuis, non à luy parler de cela, mays du mariage de monsieur d'Anjou1, son filz, avec la royne, sa maistresse, affin que on n'en osast parler pour ledict prince de Navarre, dont elle estoit en extrême défiance, de sorte qu'elle feist ceste ouverture pour l'empescher seulement et non pour y parvenir, mays en trainer les pourparlers jusques à oe que l'aultre feust faict, comme le jugea bien ledict sr de Walsinghant*. Mays il me deist, d'une grande affeo-
1. Le doc d'Anjou était le fils préféré de sa mère. Â l'époque où nous sommes, il ne s'était signalé que par les deux victoires de Jarnac et de Moncontour, où il commandait Tannée royale. Le mariage de ce prince et de la reine Elisabeth parait avoir été le rêve de Catherine pendant l'année 1571. Voyez, outre la correspondance de La Mothe-Fénelon, les nombreuses lettres contenues dans les Mémoires de Nevers (t. I, p. 475 à 544).
2. La Huguerye se trompe sur les manœuvres de la reine-mère. Le projet de marier le duc d'Anjou avec Elisabeth était bien antérieur à l'époque où nous sommes arrivés. La Mothe-Fénelon avait été envoyé en Angleterre en novembre 1568 avec la mission de
tion et congnoissance qu'il avoit de sa maistresse , qu'il ne faloit poinct perdre courage pour cela, que ce serait à sa maistresse de choisir des deux, pourveu que la royne de Navarre feist son debvoir, de son costé, que la chose passerait de roy asseuré à royne, et qu'on luy ferait recouvrer le royaulme de Navarre1 ; mais que je pressasse le sr de Briquemault de retourner, affin de pourvoir là-dessus, comme je fei par dépesche expresse, l'exhortant tellement à diligenter qu'il feut à Blois presqu'aussytost que nous, au commencement de l'hyver. Et desjà auparavant avoit esté par charge expresse mys cela en avant par l'embassadeur de France en Angleterre. Et, pour pourvoir de tous costez, on sollicitait ledict sr admirai de se haster, luy faisant entendre par le mareschal de Cossé*, qui faisoit profession d'amitié avec luy, allant pour le conduire et luy asseurer le chemin et à la royne de Navarre, ce que l'on traictoit en Angleterre du mariage du duc d'Anjou avec la royne, pour asseurer toutes choses requises à l'entreprise des Païs-Bas et coupper en ce royaume par ces deux mariages la racine de tous troubles.
faire réussir cette négociation (Corresp, diplom., t. III, p. 357). L'affaire avait été reprise d'une façon plus suivie en octobre 1570 (tfrtd., t. VII, p. 143). Ce ne fut donc pas pour faire échouer la candidature de Henri de Navarre que la reine-mère inventa celle du duc d'Anjou.
1. La Navarre espagnole, conquise par Ferdinand le Catholique en 1512, et que la maison d'Albret ne cessait de revendiquer par les armes ou par les négociations. Voyez la note de la page 21 .
2. Artus de Gossé, seigneur de Gonnort, frère cadet du maréchal de Brissac, gouverneur de l'Anjou, de laTouraine et de l'Orléanais, maréchal de France en 1567 après la mort de Bourdillon. Il mourut en Poitou en 1582 (P. Ans., t. VII, p. 236).
Si tost que nous feusmes à Bkris et monsieur de Briquemault arrivé, je lui fei tout le discours cy-dessus, dont il fut marry. Et fut de mon ad vis que cela procédoit de l'embassadeur de France en Angleterre, qui en avoit ouy quelque chose, bien aise touteffois que je m'en estois bien deffaict et surtout de ce que ledict sr de Walsinghant ne perdoit potnct courage, avec lequel il différa de communiquer quelque temps. jMays pour éviter les aguetz de Gond y, il trouva ung expédient de s'aller promener delà le pont, où je me debvçis trouver aux heures et lieux qu'il me donnoit et assignent ; où ne faillant et me faisant entendre la bonne volonté de la royne, sa maistresse, et, comme accortement et par forme de risée, elle avoit recongneu que cela seroit agréable aux grandz de son royaulme, et, par ung mesme moyem, le mariage de madame la princesse de Navarre4 avec le roy d'Escosse*, vray héritier de la
1. Catherine de Bourbon, fille d'Antoine de Bourbon et de Jeanne d'Albret, naquit à Paris le 7 février 4559. Sa jeunesse s'écoula auprès de sa mère et à la cour de Navarre. Elle faillit épouser le roi d'Ecosse, Henri III, le roi d'Espagne, le prince de Gondé, le duc de Savoie, le duc de Lorraine, le comte de Soissons, pour lequel elle éprouvait un tendre sentiment. Mais la politique condamna cette princesse au célibat jusqu'au 29 janvier 4599, où elle épousa malgré elle le duc de Bar, de la maison de Lorraine. Elle mourut le 43 février 1604. Elle s'était faite catholique après son mariage. La vie de cette princesse distinguée a été l'objet d'une intéressante étude écrite par mad. la comtesse d'Armaillé. Plusieurs de ses lettres ont été publiées dans la Bibliothèque de l École des chartes, t. m, 4e série, dans le Bulletin de l'Hist. du protestantisme franc., t. II, m, V et XV.
2. Jacques Stuart, roi d'Ecosse et d'Angleterre, né le 49 juin 4566 à Edimbourg, fils de Marie Stuart et de Darnley, fut un prince faible et sans caractère. Rot d'Ecosse, il ne tenta que bien peu de chose en 4587 pour sauver sa mère; roi d'Angleterre, après la
couronne d'Angleterre, si ta royne ne laissoit poinct d'enfans, pour continuer l'amitié et asseuranoe des deux royaumes; que partant il ne falloit plus tarder et estoit nécessaire d'-advertir monsr. l'admirai de tout cela, affin de disposer l'affaire envers la royne de NaVarre, lequel Raccordant il n'estoit plus besoing que ledict sr admirai vint en court, qu'on ferait bien les entreprises de Flandres sans le roy, qui les gasteroit plus qu'il ne les advanceroit ; et, quand il serait bon que ledict $ admirai y allast avec force, que son chemin seroit de La Rochelle en Angleterre, où on luy fournirait gens et argent pour joindre aux forces françoises et vaisseaux à suffisance. Estans demeurez résolus là-dessus, je m'en retournay vers ledict sr de Briquemault, affin d'adviser au moyem de dépescher vers monsieur l'admirai ; et, comme il estoit en volonté d'y envoyer le sr de Milleron , son filz, qu'il attendoit tous les jours, arriva de la part dudict sr Picheron , l'ung de ses secrétaires, qui nous fut une adresse, la meilleure du monde. Et venoyt en partye pour cet affaire-là et pour le voyage dudict sr admirai, des incommoditez duquel, qui se préparaient de tous costez sur ses chemins et de mille contraventions, il nous advertissoit, si énormes que, tant que cela durerait, il n'y aurait poinct d'apparence de croire à tant de paroles de bonne volonté sans effect. Et, pour ce qui touchoit le mariage delà l'eaue, disoit-il, il ne pouvoit
mort d'Elisabeth, il abandonna la politique vigoureuse de cette grande reine. U mourut le 25 mars 4625, peu estimé de ses sujets, môme des protestants anglicans dont il avait servi les passions. L'histoire a ratifié le jugement porté dans cette épigramme : Rex fuit Elisabeth, nunc est regina Jaoobus.
trouver occasion de prendre la royne de Navarre à propos sur ung tel subject, hiy estant si mal affieotionnée et contraire à tous ses advis que peu de subject avec cela, à quoy il ne voyoit aucun remède; luy fesant venir l'envie de se retirer, quoyqu'à son dommage, ne pouvant plus supporter telles choses qu'il voyoit se faire et passer au préjudice des affaires ; qu'il avoit plus de peine à se gouverner avec elle qu'au milieu des armes, contre ses plus vigilans ennemys, notamment depuis le retour du sr de Beauvoys \ gouverneur de son filz et qui la possédoit du tout, lequel, après le retour du comte Ludovic de la court et les ouvertures qu'il avoit faites du mariage avec la seur du roy, y avoit esté envoyé tout goutteux. Et le vei arriver à Chenonceau et porter en une chaire dans la chambre de la royne, qui avoit tellement advancé l'affaire et imbu ceste princesse légère, opiniastre et imprudente, de ceste espérance, qu'il falloit trouver ung aukre instrument que luy pour luy faire tourner visage de là l'eaue. De ce poincHà on advertitPicheron de rien parler à personne, ny en bien ny en mal ; des contraventions et embusches sur les chemins, il luy en feist parler au roy et à la royne, en bons termes, leur
4. Louis de Ooulard, seigneur de Beau vais, gouverneur du prince de Navarre, était l'homme de confiance de Jeanne d'Albret. Vieux et goutteux, il ne pouvait prendre aucune part active à la guerre. C'est lui, dit d'Aubigné, qui repoussa avec le plus d'aveuglement tous les avertissements des dangers qui attendaient les Huguenots à Paris {Hist. unto., 1626, col. 535). U en fut une des premières victimes ; à la Saint-Barthélémy il fut tué, suivant d'Aubigné, dans la cour du Louvre, suivant les Mémoires de l'Estat de France, c dans son lit où il estoit assailli des gouttes dès longc temps auparavant » (t. I, f. 291).
faisant assez entendre que, veu lesdictes contraventions, ceux de son party ne vouloient consentir sa retraicte de La Rochelle, où il se desplaisoit extrêmement pour son particulier, veu mesmement les dangers des chemins desjà quitez, pour lesquelz éviter il fauldroit aller en guerre.
Le roy et la royne, qui sçavoient que, sans la venue dudict sr admirai, toutes leurs intentions et du mariage et de Flandres et aultres demeureraient accrochées, promectoient merveilles de faire exécuter l'édict partout, et le roy d'aller plus tost luy-mesmes quérir ledict sr admirai et faire conduire par telle escorte qu'il vouldroit; mays d'effect de cela nous n'en voyons poinct, ny pas ung seul ordre donné aux inexécutions et contraventions à l'édict, qui se faisoient partout si librement, à la veue des gouverneurs et magistratz, sans aulcun chastiment, qu'on n'en pouvoit tirer aultre jugement, sinon que cela n'estoit désagréable au roy* comme ledict sr Picheron leur feist entendre librement et sagement. Et le roy répondit qu'il le prenoit ainsy et en vouloit faire justice, comme d'une injure faicte à luy-mesmes, à quoy adjousta Picheron mille mauvais tours qu'on faisoit audict sr admirai, mesmes en sa maison de Ghastillon et es environs, et mille menaces d'y mectre le feu plustost que de souffrir qu'il y retourne, dont on sçavoit assez les autheurs, pourquoy il avoit charge dudict sr admirai d'aller jusques à Ghastillon voir et congnoistre toutes choses. Le roy, quelque bonne mine qu'il feist, estoit fort perplex et ne sçavoit que respondre que des promesses plaines de vanité sans effet. Et, après ceste audience dudict Picheron, nous trouvasmes expédient qu'il feist ung
voyage en poste à Chastillon et ne demeurast plus hault que huict jours, pendant lesquelz on solliciteroit sa dépesche du roy, et nous tiendrons celle d'Angleterre preste à son retour pour partir en diligence et en mettre les fers au feu par le moyem que nous adviserions avec monsr de Walsinghant.
Et, soubdain qu'il fut party , ledict sr de Briquemault et moy discourusmes longtemps, et ne voyans pas qu'il feust propre d'y employer plus ledict sr admirai pour les raisons qu'il avoit mandé et pour le descharger aussy de la malveillance du roy et de la royne, qui ne fauldroient pas de le sçavoir par la royne de Navarre, mesmes quand ce ne seroit que pour luy nuyre ; et luy deiz qu'estant ung affaire estranger, il me sembloit qu'il se traicteroit mieux par les est ranger s, qu'il se falloit venger du comte Ludovic, en cela, et luy faire chanter leçon contraire, luy apprenant à faire les affaires de son frère en sorte que ce ne feust au préjudice de ses amys. Ledict sr de Briquemault le trouva bon, mays ne voyoit pas qu'il feust propre à le persuader audict sr comte, qui estoit marry de ce qu'il n'approuvoit pas ses déportemens en ses ouvertures; de luy en faire parler par le sr de Theligny, ce seroit aultant comme si c'estoit ledict sr admirai. Je luy fei ouverture de tascher à gaigner par raison le sr de Walsinghant, et qu'il me sembloit que les affaires de sa maistresse y estoient aultant intéressez que les nostres. Il confessa que cela estoit vray, mays qu'il ne luy en oserait parler, veu les aguetz; qu'il faudroit que je trouvasse moyem de le faire sur les lectres dudict sr admirai, et qu'il print encores lieu pour me donner moyem de parler à luy. Je ne fei poinct de difficulté de
le faire, mays il me sembla bon de dresser au préalable ung bref mémoire des raisons qui pressoîent cet affaire aultant d'ung costé que d'aultre, affin de voir oe qu'il me dirait sur cela et sur les excuses dudict sr admirai. À quoy ayant pensé et trouvé cet expédient bon, il me deist que je meisse la main à la plume, dès le jour mesmes, affin d'adviser au moyem de parler audict sT de Walsinghant. Les raisons feurent, de nostre costé, que depuis ung an que nous sollicitions en court nous n'avions eu que des parolles sans effect ; que par plusieurs pacquetz de l'embassadeur d'Espaigne, que nous avions ouvertz, nous avions descouvert l'intelligence entre les deux roys, si estroicte qu'on ne pouvoit juger que le roy procédast sincèrement en ceste ouverture; que pour asseurer ceste confidence entr'eux, nous avions desjà ad vis de la dépesche du cardinal Alexandrin1 en Ëspaigne pour passer en France avec effect; que, cela estant, le mariage estoit infructueux et peult-estre dangereux, tant aux affaires de France que de Flandres, desquelles, d'aultre costé, le mauvais estât engendrerait les difficultez en Angleterre par l'intelligence de ces deux rois qui n'en pouvoient estre mieux retenuz qu'en entretenant les affaires de France en bon estât et advançant celles de Flandres par des moyems certains et asseurez ; qu'on ne pouvoit, veu ces choses, espérer mieulx que du party de France
1 . Le cardinal Alexandrin, neveu du pape Pie V, fut envoyé en Espagne au commencement de 1571 pour demander à Philippe II de nouveaux efforts contre les Turcs, puis auprès du roi de Portugal, et enfin à la cour de France, à la fin de Tannée, pour détourner le roi du projet de marier sa sœur Marguerite au roi de Navarre et pour le faire entrer dans la ligue contre les Turcs (De Thou, 1740, t. IV, p. 471).
joinct aux forces d'Angleterre, de telle sorte qu'il n'y puisse naistre aulcune jalousie ; que les François ne pouvoient entreprendre sur la Flandre que les Anglois ne faussent contrainctz par leur intérest de s'y opposer, ny les Anglois aussy que les Françoys ne les empeschassent de prendre tel pied en terre ferme sur leurs frontières, mays que, joinotz et uniz estroictement ensemble, ilz s'en accorderaient bien et y feroient ung grand effect; la cholère de la royne mère contre moy pour le soupçon de ce mariage d'Angleterre (et elle ne se courrouçoit pas de nostre mal), et sa menace d'y pourvoir par ce qu'elle avoit faict mectre en avant de monsr le duc d'Anjou, pour boucher seulement ce trou ; et, quant à ce qui touchoit la royne de Navarre et le prince, son filz, que ce n'estoit poinct ung honneur nouveau en la maison de Bourbon d'espouser des filles de France, que cet honneur avoit esté souvent faict, non seulement aux aisnez mays aux puisnez, et, pour son intérest à la succession de la couronne de France, qu'une fille ne luy pouvoit ayder, que son intérest estoit nay et n'avoit aultre besoing que d'estre bien appuyé de ceux de son party au dedans du royaume et d'amys au dehors, et plus grands ne pouvoit-il avoir que les Anglois et Flamengs, joinctz aux princes protestants d'Alemaigne, qui ne luy manqueraient au besoing, y ayant trop d'intérest; et quand à la peur qu'on luy faisoit du mariage, qu'aultrement on ne pourrait empescher, disoit-on, de Madame Margarite avec ung de la maison de Guy se S qu'elle aymoit desjà,
i. Henri de Lorraine, troisième duc de Guise, né le 31 décembre 1550, fils du duc François de Guise et d'Anne d'Esté. Il fut assassiné au château de Blois le 23 décembre 1588.
et avoit-on assez de peine d'en divertir ses affections1, que cela n'importoit en rien, que ceste maison n'en seroit jamais plus proche de ses vaines espérances, et qu'au contraire, ayant desjà ceste première goutte d'amour, elle aurait tousjours l'œil fiché là, n'en seroit jamais divertye, et, au besoing, pour complaire à ses amys, ferait ung mauvais office à son mary. Ce sont, entre plusieurs aultres, les principales raisons que ledict sr de Briquemault trouva pertinentes.
Et, pour en discourir avec ledict sr de Walsinghant, fut prins jour au lendemain, de là le pont de Loyre, au mesme lieu, le long de la rivière, que je l'avois veu l'aultre fois. Et me mectant dans son coche avec luy seul, je luy fei entendre toute la dépesche dudict sT Picheron, ce que le roy y avoit respondu et comment; et, pour le regard du poinct dont nous avions cy-devant communiqué touchant sa maistresse, que ledict sr admirai ne pouvoit trouver occasion d'en parler pour les raisons susdictes, ce qu'il déplora extrêmement, et le malheur particulier de ce bon seigneur-
i. Le duc de Guise avait su inspirer un sentiment très-vif à la princesse Marguerite; le bruit courait qu'il avait eu avec elle c des « privautés plus grandes qu'il ne falloit • (Davila, t. I, p. 371). Il se flattait de l'épouser et les princes de sa maison regardaient le mariage comme assuré (Mathieu, t. I, p. 333). Tout à coup Charles IX, dont cette union dérangeait la politique, lui défendit d'y songer; Marguerite résista; il y eut des scènes terribles à la cour; le duc de Guise, se sentant menacé de mort, se hâta d'épouser Catherine de Clèves, veuve depuis 1564 d'Antoine de Croy, prince de Porcian [Discours merveilleux, etc. dans Cimber et Danjou, t. IX, p. 49; — Mémoires de l' Estât de France, f. 19 v"; — Davila, 1. 1, p. 309, 310). Leur contrat de mariage est daté du 1er octobre; une copie est conservée à la Bibliothèque nationale (f. fr., vol. 1663, f. 167 et 173).
là, disoit-il, d'estre, pour récompense de tant de travaux dont la maison de Bourbon tiroit une grande utilité, si mal traicté de ceste femme-là ; et que, ne saichant à qui s'en adresser, ledict sr de Briquemault le supplioit d'y adviser de son costé et luy en donner conseil, affin d'y satisfaire par ledict Picheron, qui seroit dans peu de jours de retour de Ghastillon ; que, plus nous y pensions, plus nous trouvions de danger au mariage de France, plus de bien et d'avantage en celuy d'Angleterre et d'Escosse, voire toute nostre conservation, avec le tiltre et asseurance de la royne, et l'honneur de la maison de Bourbon , qui a souvent espousé des filles de France, mays jamais des roynes d'Angleterre, et l'asseurance certaine de sa grandeur. Sur quoy prenant le propos, il me feist ung discours presque semblable à mon mémoire, dont je fust bien aise, luy communiquant après ce que j'en avois couché plus amplement par escrit, qu'i leut et désira que je luy laissasse, affin d'y penser. Et pour le faict du personnage propre à entamer cela, puisque ledict sr admirai ne le pouvoit faire, nous ne sçavions à qui nous adresser. Lors il me deist : c Ne seroit-il poinct bon de se servir du comte Ludovic et luy faire rabiller ce qu'il a gasté? » — Je l'accorday, n'ayant trouvé ledict sr de Briquemault aultre que luy qui le puisse faire. — c Mays nous ne pouvons nous en adresser à luy, car saichant que nous n'approuvons pas beaucoup ses précipitées procédures aux affaires de Flandres, il croirait que ce seroit pour luy nuyre. Et puis, on croirait que cela viendrait dudict sr admirai, duquel le sr de Briquemault est fort affectionné serviteur. » — t Sur cela, me deist-il, j'ay
quelque confidence avec luy sur les affaires de la marine dont vous avez traicté avec moy et aultres importans, et il a affaire de moy. Je pourrais bien prendre ceste charge-là, mays j'y vouldrois envoyer homme confident qui portast tout en bouche ce qui concerne cet affaire-là, auquel ledict s'de Briquemault donnerait lectres adressant audict sr admirai, comme l'envoyant, et j'escriprois audict sT comte de ses affaires et luy coucherais une créance sur ce poinct, sur laquelle je l'instruirais avec telle affection selon ce mémoyre, qu'il ne ferait faulte de s'en acquiter virement, ou il luy cousteroit plus cher qu'au marché. » — Je louay Dieu de ce qu'il luy avoit mys au cueur ce conseil qui estoit le nostre, mays n'avions osé luy proposer, craignans de nuire à ses affaires. Et puisque telle estoit sa volonté, qu'il estoit nécessaire de haster la dépesche, comme il me promist faire, sur le mémoire. Et avant que de prendre congé et descendre du coche, je m'advisé de luy dire qu'il ne serait poinct besoing de lectres à monsr l'admirai pour son homme, lequel pourrait aller seurement avec sa dépesche en la compaignie dudict sr Picheron, soubz le nom duquel, comme estant à luy, il ferait le voyage ; et plus tost nous ferions qu'il le reconduirait icy, soubz timbre d'une aultre dépesche vers nous, comme il ne s'en présente que trop d'occasions tous les jours. Il trouva ceste ouverture bonne, pour ce qu'il y vouloit envoyer ung homme d'honneur et d'esprit, lequel peult-estre passerait de là en Angleterre, s'il se trouvoit quelque vaisseau prest à partir. Et estoit le sr Beel', qui estoit
1. Robert Beel, agent de confiance de Walsingham, secrétaire du conseil privé d'Angleterre en 1576.
arrivé naguère» vers luy, pour l'affaire mesmes, et auquel depuis il donna sa seur en mariage ; dont je fus fort joyeux et le suppliay de faire sa dépesche, que nous aurions celle du roy dedans ung jour ou deux, affin de faire partir Pieheron aussitost qu'il serait de retour. Gela bien résolu, je desoendz du coche et le laisse aller chez luy, m'en allant après de loing faire rapport audict sr de Briquemault qui en fut fort joyeux. Et ayans eu les lettres du roy nous feismes nostre dépesche. Et, si tost que Pieheron fut arrivé, nous advertismes ledict sr de Walsinghant, qui nous envoya son homme bien expédié, et les feismes partir au soir par la poste, le jour S1 Denis en octobre.
Arrivez à La Rochelle, Pieheron feist bien loger ledict sT Beel en logis bourgeois, d'où il ne sortit jusques à ce que monsr l'admirai, estant adverty de sa venue par ledict Pieheron et de sa dépesche, trouva meilleur de ne le poinct voir, affin d'oster tout soupçon, et fut d'advis que, sans dire qui ny d'où il vient, n'estant pas congneu en ce lieu-là, il aille le lendemain au logis dudict sr comte demander à parler à luy, sans se déclarer ny faire congnoistre à un seul des siens. Et estant conduit près de luy le supplie de luy donner moyem de luy faire entendre seul à seul ce qu'il a charge de luy dire de la part d'ung de ses bien affectionnez amys et serviteurs, qui est, luy deist-il en l'oreille, moosr de Walsinghant, embassadeur d'Angleterre, qui l'envoyé, luy ayant expressément commendé de ne parler ny se faire congnoistre qu'à luy, le priant à cet effect de desguiser cela à tous ses domestiques et dire que c'est ung François venu vers luy pour affaire de la part de son frère. Ledict sr comte luy feist bonne
chère, et meilleure luy eust-il faict saichant son nom et qualité; mays il se contraignit de dissimuler, et à ceste occasion se commenda tant que de ne le poinct presser démanger avec luy. Et s'estant ledict sr comte retiré en ung cabinet, seul avec luy, se print à luy demander à qui il avoit parlé avant luy, deist qu'il n'avoit parlé et ne vouloit parler à personne qu'à ung seul, le suppliant, au nom dudict sr de Walsinghant, de luy promectre asseurément de ne se descouvrir ne parler à personne de ce dont il communiquerait avec luy, non pas audict sr admirai mesmes, mays à la personne seule qu'il luy nommerait et comme de luymesmes, ce que ledict sr comte luy jura sur son honneur d'observer exactement. Lors ledict sr Beel commença à luy discourir les poinctz de sa charge, qui estoient aultant de vifz argumente qui concluoient une estroicte intelligence des deux roys de France et d'Espaigne, dont ledict sr comte en sçavoit quelque chose par Anthoyne, concluant que c'estoit donc en vain qu'il mectoit son espérance, pour les affaires de son frère, en l'ayde et promesses du roy de France, et que de cela il seroit bien tost esclaircy par le voyage du cardinal Alexandrin en Espaigne et en France pour nouer plus estroictement que jamais ceste confidence, jusques à ne rien craindre l'ung de l'aultre, quelque mine et apparence qu'il en voye. Ce fondement posé et à demy confessé par ledict sr comte, qui, toutefois, estant d'ung courage grand, se promettoit de les mectre l'ung en bute de l'aultre, mays sans raoyems semblables à sa présomption, ledict Beel luy desduisit aussy par le menu tous les argumenta nécessairement concluans, la dissimulation du roy et sa mauvaise
volonté envers ledict s* admirai et touz ceux de son party, ausquelz ledict sr comte ne sçavoit que respondre; et continuant, tira ceste conclusion que c'estoit donc cruaulté de solliciter et presser par toutes voyes ledict sr amiral de venir en court, veu qu'après Dieu en la conservation de sa personne consistait en toutes sortes le salut de son party. Sur quoy ledict sr comte deist qu'il ne l'en avoit jamais conseillé et n'y commencerait pas. « Gomment donc, respondit Beel, accorderez- vous tout cela avec le roy qui ne veult rien faire que ledict admirai ne l'aille trouver? » Et sur cela ledict Beel m'a compté avoir rendu ledict comte muet. Et, passant oultre, luy deist que ce n'estoit pas ung honneur nouveau à la maison de Bourbon d'espouser des filles de France, que cela n'advançoit poinct leurs affaires en l'occurrence de ce temps, que les menaces que la royne faisoit de donner sa fille à ung de la maison de Guyse estoient simulées, que cela n'advanceroit pas d'advantagç leurs affaires, que leur aisné en a desjà espousé une1, qu'ilz sont tous issuz d'une petite fille de France s, et pour cela n'en sont-ilz pas plus advancez en leurs prétentions, la France estant d'une humeur qu'elle ne défère rien aux filles. Ledict sr comte confessa encores cela, que Beel vérifia par les
1. Charles de Lorraine, duc de Lorraine, fils d'une nièce de Charles-Quint, avait été élevé à la cour de France. Il épousa après le traité de Cateau-Cambrésis, en 4559, la princesse Claude de Lorraine, fille de Henri II et de Catherine de Médicis. Nous reparlerons de ce prince dans le dernier volume de ces mémoires.
2. Le premier duc de Guise, Claude de Lorraine, avait épousé, le 18 avril 1513, Antoinette de Bourbon, fille du duc de Vendôme. La maison de Bourbon était la maison de France à l'époque où La Huguerye écrivait, sous le règne de Henri IV.
prétentions des Anglois à cause d'une fille1 et, sur beaucoup d'aultres arguments qu'il amassa et représenta, bastit sa conclusion qu'il n'y avoit donc poinct de raison de vouloir bazarder tout en ung coup sur une espérance incertaine, sur tant d'apparences de dissimulation et mauvaise volonté, les affaires de France et Flandres, la personne dudict sr admirai et, qui phis est, des princes et de tant de gens de bien qui se reposent sur eux, ne croyant pas, disoit Beel, que celuy qui poussoit à la roue en tel affaire peust jamays recepvoir bénédiction de Dieu. Le dict sr comte n'y peut contredire et confessa que jamais il n'y pensoit que les cheveux ne luy dressassent en la teste. € Mays quel ordre, deist-il? Je ne fai que suivre. * — c Ce n'est pas assez, deist Beel, il fault descouvrir le mal et persuader le bien. Vous y avez intérest. Ce sont voz amys qui sont en bonne volonté d'assister les affaires de vostre frère. Il ne les fault pas laisser perdre quand ilz le vouldroient. H y a remède pour tout. » — c Si j'en sçavois, deist le comte, au péril de ma vie je rappliquerais où il serait besoing. » — c II y en a, Monseigneur, deist Beel; nous aultres Anglois, qui voyons voz navires au hazard de périr sans incommodité de noz affaires, y apportons néantmoings une telle commisération que nous sommes prestz de nous employer à chercher des "chemins asseurez pour les affaires de France et Flandres et pour l'asseurance et
4 . Edouard H, roi d'Angleterre, avait épousé Isabelle de France, fille de Philippe le Bel. Ce fut sur cette union que s'appuya Edouard III en 1329 pour revendiquer la couronne de France contre Philippe VI de Valois et commencer la guerre de Gent- Ans.
grandeur de la maison de Bourbon sans anlcunhazard; le party auquel vous estes de présent en France ne diminuera poinct, ains sera fortifié de nous tous. Pour advancer voz affaires en Flandres et pour oster toute jalousie qui gasteroit tel affaire, nous donnerons une auLhorité au prince de Navarre qui luy apportera d'aultres tiltres et moyen» que d'espouser une fille de France. Nous le ferons roy d'Angleterre, de Navarre ou mieux, et d'Irlande et premier prince du sang de France. N'est-ce pas là ung remède asseuré contre tous inconvéniens? » — c Ouy, vrayement, deist le dict sr comte, si cela se peult faire, je suis des vostres. > — Lors ledict Beel, le prenant au mot : c Je vous veux donc faire cet honneur, deist-il, d'en estre l'instrument, les choses estans si bien disposées, comme je vous vérifieray, qu'il ne reste qu'à dire ouy. Et vous diray que, sur ung petit soupçon seulement, ilz en sont en telle alarme à Blois, que, pour y apporter quelque empeschement, ilz ont faict proposer le duc d'Anjou en Angleterre, où il n'y a poinct d'apparence. » Le dict sr comte fut si ravy qu'il ne pouvoit assez admirer ce discours, doubtant tousjours du succez. Mais-ledict Beel l'en asseura tellement sur sa vie qu'il n'y restoit que le consentement de la royne de Navarre, qu'il print ceste hardiesse de luy en parier et luy persuader avec asseurance qu'on l'a chargé d'aller faire la demande en Angleterre ; qu'il rapportera tout contentement et obligera les deux nations bien unies et asseurées par ce moyem à aller la teste baissée en Flandres, et y entreprendre, tant par mer que par terre; mays que cela demeurast secret entre luy et la royne de Navarre, et que tant de confidences
ne faisoient que divulguer tout. < Mays, deist le comte, si le duc d'Anjou est desjà en avant, nous ne ferons qu'irriter et luy et les siens? » — « Cela n'importe, deist Beel, c'est à la royne, ma maistresse, à choisir ; le choix en est faict. » — c II en fault communiquer à monsr l'admirai, deist le comte. » — c Neny, respondit Beel, cela a esté débatu : un£ estranger est plus propre. Vous avez esté choisy , le dict sr admirai est en je ne sçay quelle opinion envers la royne de Navarre qu'il n'advanceroit pas F affaire. * Sur lesquelz discours ledict sr comte se laissa vaincre et promist d'y faire tout debvoir, mays désira avoir le reste du jour pour y penser, et comme il en traicteroit avec ceste princesse, c laquelle, deist-il, bien qu'elle me face cet honneur de m'ouyr volontiers et me croire quelques fois, si estelle si prompte et perrilleuse1 que, sur ung rien qui luy deplaist, elle s'acroche. » Beel trouva cela bon et deist qu'il ne vouloit rien précipiter et que, si ce n'estoit assez d'ung jour, il en print encores ung pour bien faire. Ainsy se retira ledict Beel avec promesse de retourner le lendemain matin vers luy, le priant d'estre seul et de ne le descouvrir à personne du monde, non pas audict sT admirai, pour cause.
Et ne bougea ledict Beel de son logis, où le sr Picheron, qui avoit soing de luy, le vint voir au soir par le commendement dudict sr admirai, auquel par luy il feist entendre le discours entier de luy avec ledict sr comte qu'il avoit laissé en bon estât, ce luy sembloit, ayant, disoit-il, traicté avec luy de sorte qu'il
i. Périlleux, hasardeux, qui affronte les périls. Ce mot était encore employé dans cette acception au commencement du xvn* siècle. Voy. le Dictionnaire de Littré.
n'a congneu où je tendois jusques après estre d'accord de mes premières propositions; et m'a demandé tout le jour pour y penser et adviser comme il se gouvernera envers ceste princesse. Ledict sr Picheron retourna en faire rapport à son maistre, lequel désireux de faire renforcer son discours le lendemain désira parler à luy en secret. Et pour ce, ayant faict retirer tout le monde pour se coucher (et de faict se mict au lict), donna ordre au dict Picheron de venir et l'amener sans estre veu de personne, comme il feist, fort tard. Et estant ledict sr Beel près dudict sr admirai, luy répéta tout son discours et les responses dudict sr comte, et comme ilz estaient demorez [d'accord] pour y retourner demain matin. Le dict sr admirai trouva la prudence dudict sr Beel fort sage et véritable, < encores, deist il, que j'ay grande crainte que ceste princesse, à laquelle ledict sr comte et aultres ont trop faict boire de poison de ceste court, demeurera opiniastre. Et semble que, comme Dieu a permis que le feu roy, son mary, se soit perdu par ambition d'ung masque de lieutenance générale1 et plusieurs avec luy, que Dieu les veult aussy chastier par l'ambition de ceste femme sur ce mariage. » Ledict sr Beel luy respondit sagement que congnoistre cela de bonne heure estoit la moitié du chemin pour s'en donner garde, que, si elle continue en son opiniastreté, il a moyem de la laisser aller et ses enfans et demeurer avec nous le prince de
1. Après la mort de François II, Catherine de Médicis parvint à obtenir l'appui d'Antoine de Bourbon, premier prince du sang, sans partager le pouvoir avec lui. Elle se fit attribuer la régence par les États d'Orléans et fit donner au prince la lieutenance générale du royaume.
Condé, son pupille, comme ilz estaient auparavant, que par ambition elle s'est venu fourrer icy, que Dieu punist ordinairement les faultes par elles-mesmes. c Ce seroit mon intention, deist ledict sr admirai, mais elle mettra toute la cause du mal sur moy , et je suis desjà si mal envers elle que la mort me seroit plus agréable que de me mesler jamais d'affaires où elle eust de l'authorité. Mays je feray ce que je pourray pour fuir le mal. Et cependant, pour esmouvoir encores ledict sr comte dadvantage, il est bon de luy représenter ce que je vous vien de dire de la ruine du feu roy, son mary, par l'ambition d'une lieutenance générale, et du danger qu'il y a que l'ambition de ce mariage ne la perde et sa maison. Et suis d'advis que pour la tirer encores plus à vostre proposition vous adjoustiez que le mariage de son filz avec la royne, vostre maistresse, à laquelle nous debvons tant de s'accommoder à cela, sera suivy de celuy de sa fille avec le roy d'Escosse, qui est en la puissance de vostre maistresse, affin de luy faire congnoistre en tout cas que sa maison demeurera tousjours fortifiée de l'alliance de ces troys royaulmes-là, l'asseurant de la restitution du royaume de Navarre ou récompense par les armes au double. » Le sr Beel respondit que du mariage d'Escosse il n'avoit poinct de charge ; sçavoit-il bien que sa maistresse y avoit toute puissance et croyoit fermement que, faisant l'ung, elle ne ferait difficulté de Taultre, ains l'aurait agréable, c Je vous prie, faictesle, deist monsr l'admirai. Si elle ne faict rien, ce ne sera rien. Mays si Dieu l'inspirait tant que d'approuver le moyem de pourvoir en ung coup ses deux enfans, et bien, je m'asseure que la royne, vostre maistresse,
m'en ad vouera, et je vous en demanderay garand. » Lors Beel print ses instructions, les leut au dict sr admirai, et recongneut qu'il avoit charge, si ledict sT admirai trouvoit bon de parler à luy, de se gouverner par son advis et s'ayder des raisons et raoyems qu'il luy administrerait, c Et voilà vostre descharge, deist ledict sr admirai, ne craignez poinct; c'est chose facile. L'effect et moy vous en deschargerons honorablement. » Ge qu'il promist faire, comme aussy ce que ledict sr admirai luy conseilla du moyem que debvoit tenir ledict sr comte, non pas d'aller droict à ceste princesse qui fuit quand on la cherche, mays comme, s'il se trouvoit mal disposé, elle le saichant, ne fauldroit de l'aller voir, comme elle l'ayme; et lors il prendrait subject de luy discourir l'occasion de son mal estre d'avoir de mauvays advis de ce qu'il doibt espérer du roy en ses affaires de Flandres, par les raisons que vous luy en avez dict et par les pacquetz ordinaires que recepvoit l'embassadeur d'Espaigne, et que sur cela il estoit en désespoir de pouvoir jouir de ceux qui ont toutes ses entreprises en main, qui estoient tous desgoustez de la négotiation du roy, et ne s'y vouloient fier, luy descouvrant mesmes ce que Ântoyne avoit faict, dont est parlé cy-devant, et que la plus grande appréhension qu'il ait là-dessus est de voir que, peult estre à son occasion et sur le prétexte desdictes affaires, il pourrait arriver quelque malheur incongneu à elle et à sa maison, que son frère et luy aymerotent mieux n'avoir jamais esté nez que d'estre cause de cela, que grâces à Dieu leurs affaires ne demeureront pas quand le roy ne s'en meslera poinct : ilz ont encores assez de bons amys; que ceste entrée-
là conjoincte au malheur du feu roy, son mary, qui pourroit estre suivy sur ung semblable subject d'ung aultre inconvénient en sa personne et de ses enfans, l'esmouvera peult estre jusques à luy demander le remède et que lors il pourra doucement tomber sur ce moyem asseuré et sans aulcune appréhension, tirant d'elle serment du secret sur ceste résolution.
Beel se retira qu'il estoit fort tard et conduist ledict sr Picheron en son logis. Et le lendemain , à l'heure prise par ledict sr comte, il le va trouver fort perplex, disoit-il, comment il mectroit cet affaire eh avant à ceste princesse, la plus difficile du monde. < Et plus j'y ay pensé, moings je m'y puis résouldre. » Et deist Beel : < J'y ay pensé aussy, de mon costé, pour vous ayder. » Et luy discourut tout ce qui avoit le soir esté résolu entre luy et ledict sr admirai, sans le nommer, du mariage de sa fille avec le roy d'Escosse et conséquence d'icelluy, du danger de la royne de Navarre et de ses enfans moyennant ce mariage, revenant au danger qu'encourut le feu roy, son mary, soubz couleur d'un masque de lieutenance générale, et, c quant à l'entrée sur ce propos, simuler le malade, et, elle vous visitant et enquérant de vostre mal, luy dire qu'il est en l'esprit par ung extrême douleur que vous recepvez de prévoir du danger en voz affaires par l'estroicte confidence et intelligence des deux roix, tellement vérifiée par les pacquets des ambassadeurs et par le voyage du cardinal Alexandrin qu'il n'en fault plus doubter, de sorte que les négotiateurs des entreprises ne veulent plus rien avoir à traiter avec le roy de France, ny mesmes passer oultre s'il s'en mesle et en a congnoissance, en estant si avant qu'aucun d'eux,
des plus ad visée, s'est offert à l'embassadeur d'Espaigne, à Melun; et l'ayant ainsy disposée à quelque compassion de vous et de voz affaires, elle se pourra mettre sur sa courtoisie de regarder aux remèdes, s'ilz sont en sa puissance, qu'elle les y employra du tout. Et, tardant et souspirant, elle vous pressant, vous luy direz que vous voyez réduict à chercher le bien des affaires de Monsr le prince, vostre frère, enr Angleterre, puisque la France vous fault, mays qu'une chose vous désespère, de voir qu'en ce faisant vous perdez la plume de vostre chappeau, qui est le secours de France, si le mariage de monsr le prince, son filz, succède avec la seur du roy, pour ce que, si le mal en arrive, que vous craignez, non seulement vous perdez le secours de France, mays tous voz meilleurs amys et elle-mesmes, et, si mal n'en advient, ce que vous ne pouvez plus espérer par toutes raisons, au moings en perdrez-vous du tout le secours, estant asseuré que voz amys seront prez et obligez à la volonté du roy et de la royne qui est inséparablement unie avec celle du roy d'Espaigne, leur ennemy. Voilà, deist Beel, la forme que j'ay jugé propre à tenir pour enfourner cet affaire. » Et ledict sr comte, revenant en quelque alégresse, luy deist qu'il l'avoit relevé d'une grande perplexité : c Car je ne sçavois sur quoy me résottidre ; et lorsque sur ce discours elle me pressera davantage et que je la verray ung peu esmeu de ceste confidence, je luy ouvriray le moyem d'y remédier, et pour son asseurance et grandeur et pour l'advancement de noz affaires. C'est grande pitié d'avoir affaire à une femme qui n'a aultre conseil que sa teste, qui est trop petite et légère pour y contenir tant de raisons et de pré-
voyances et de tel poix en affaires de si grande conséquence, et le mal est qu'elle a tant à contrecoeur monsr l'admirai par une folle jalousie, qu'au lieu que c'est eeiuy qui sçait le mieux et peult le plus persuader toutes choses bonnes, qu'il fault qu'il s'en taise et la laisse faire à sa fantaisie, dont je sçay que le bon seigneur est en tel estât qu'il ne demeurera pas longtemps près d'elle et se laissera plus tost tromper pour se retirer en sa maison, comme si Dieu vouloit permettre qu'ainsy que feu le roy, son mary, esbransla fort les affaires par une si honteuse retraicte, elle achève de tout gaster et perdre par son imprudente ambition, accompagnée d'une volonté légère et opiniastre du tout. Je m'y suis jusques icy laissé aller par force, mays voyant le remède que vous m'avez proposé, j'y serviray de tout mon cueur, et, si elle ne se veult rendre capable de la raison, je la laisseray faire, mays, au milieu de leurs tragédies, je joueray mon personnage sans en attendre la fin. » Âinsy demeurèrent résoluz que ledict sr comte ne sortiroit poinct de son logis ce jour et le lendemain demeurerait au lict pour la faire venir.
Et de faict, ne le voyant poinct, ceste princesse, comme elle avoit accoustumé tous les matins, elle envoyé voir comme il se porte. Il respond qu'il ne se porte guères bien et supplie la royne de l'excuser pour ce jour, qu'il ne désire pas sortir pour voir que deviendra son mal. Le lendemain elle ne fault d'y renvoyer : on le trouve au lict se trouvant, comme il le deist, plus mal que le jour de devant, dont il n'avoit plus grand regret que d'estre empesché d'aller rendre à la royne son service. Après son disner, elle ne fault pas de le
venir voir et le trouve en ung estât le. plus misérable qu'il peult représenter, saichant que c'estoit en elle la plus puissante affection, que la commisération en son amitié. Et luy demandant quel estoit son mal, luy deist qu'en vain luy romproit-iï la teste d'ung si fascheux discours auquel il voyoit peu de remède1 de son costé, estant es termes où elle se retrouvoit. Et le pressant, luy discourut le malheur des affaires de son frère qu'il voyoit en une incompatibilité nécessaire avec ceux de la dicte dame, qui espérait tout son repos du roy par le moyem du mariage qu'elle négotioit, et luy au contraire la ruine des affaires de son frère, c Et comment, deistr-elle? Vous scavez la promesse que le roy vous a faicte d'entrer aux affaires de Flandres et les embrasser, après ce mariage-là, et vous sçavez que pour y accommoder les Ânglois et faire cesser leur jalousie en ce cas il s'est encores résolu à poursuivre le mariage de Monsieur d'Anjou, son frère, avec la royne d'Angleterre, affin aussy de coupper le cours à toutes divisions pour la religion en son royaume par la conjonction de personnes contraires en ce faictrlà. » — c Et c'est là mon mal, Madame, que vous y voyant disposée et moy privé de toute espérance du costé du roy, je regrette mon malheur de me voir par force privé de noz amys et de leurs secours. » — c Et comment cela, mon cousin? Depuis quand estes-vous en cest humeur? Vous m'avez vous-mêmes tant persuadé cela pour l'espérance de voz affaires! » — c Ouy, Madame, deist-il, mays j'ay depuis congneu des choses qui m'ont fort
1. Ce passage, depuis le commencement de l'alinéa, est imprimé en partie dans les pièces justificatives de V Amiral Coligny par M. Tessier, in-8», 1872.
désespéré. » — c Et quoy, mon cousin? dictes librement. A nouveaux affaires conseil nouveau. * — c J'ay sceu au vray, Madame (parlant si bas qu'elle feist retirer le monde de la chambre pour parler en liberté), qu'il y a telle confidence et intelligence entre les deux roys, et cela m'est si bien vérifié avec le voyage que vous verrez du cardinal Alexandrin, nepveu du pape, qui est en Espaigne, et passera en France à cet effect, que je n'en doubte plus; et ne puis doresnavant rien espérer du roy de France, avec lequel, vous voyant en chemyn d'union très estroicte, je me vois par ce moyem, si bien vous en succède, privé de vostre ayde qui sera réglée à la volonté du roy, et, s'il vous en arrivoit aultrement, que Dieu ne veille, comme au. feu roy, vostre mary, privé de vostre secours et de vous tout ensemble. » — t Vous me dictés des choses merveilleuses, mon cousin. Mays comment en estes-vous si asseuré? * — c Si asseuré, Madame, que ceux qui ont les entreprises des villes en main L'ayant eux-mêmes recongneu par escrit, les ungs se sont tournez à négotier avec l'embassadeur d'Espaigne, à Melun; et tous ensemble ne veulent plus rien traicter avec le roy ny s'employer en chose qui deppende de son auctorité. Et affin que ne pensiez que ce soient choses mal fondées, s'il vous plaist prendre la peine de lire cela? » G'estoient lettres desdits négotiateurs et coppies des lettres de l'embassadeur d'Espaigne au duc d'Albe, avec lettres du roy de créance sur luy, qu'elle leut et luy rendit et demeura fort estonnée. Et continuant, luy deist : c II ne se fault ainsy laisser ronger par ses afflictions, mon cousin. Il s'en fault descharger sur ses amys. En avez-vous pas communiqué avec monsieur
l'admirai? > — t Non, Madame, non plus qu'à vous, si vous ne feussiez venu icy me faire tant d'honneur de me voir et me presser de vous dire la cause de mon mal. Que meprouffiteroit, Madame, de charger l'esprit de mes amys de mes douleurs, quand, estans obligez au lieu d'où elles me procèdent, ilz ne m'y peuvent apporter remède. On vous presse de ce mariage et led. sr admirai d'aller en court, et tout soubz couleur de faire les affaires de Flandres, lesquelz, au contraire, je sçay qu'on désirerait ruiner. » — c Nous n'en sommes poinct encores si avant, mon cousin, que ne nous en puissions retirer sur bon fondement. » — c Madame, deist-il, je ne vouldrois pas que le fondement du changement en voz affaires si grandes feust tiré des nostres. Ce n'est pas la raison, encores que malaiséement les unes ne se peuvent mal porter, que les aultres ne s'en resentent. » — t II se pourrait peult estre, mon cousin, trouver remède qui servirait à toutes deux. J'y veux penser. Vous m'avez bien taillé de la besongne. 11 en fault parler à monsieur l'admirai. » — c Madame, j'en suis bien marry; pour cela désiroys-je ronger mon frein tout seul, mays pour vous obéir, je vous ay descouvert la vérité qui me travaille. » Et là dessus le consolant, le pria de bien espérer, suppliant Dieu qu'il leur veuille faire quelque bonne ouverture de remède convenable à telles difficultez. c Et Dieu le vueille, deist-il, Madame; mays d'une chose je vous supplie très humblement, que de ce que je vous ay communiqué pour vous obéir et complaire il vous plaise n'en faire part à personne et me le promettre. * — c Ouy, deist-elle, je vous le jure, excepté à monsr l'admirai. Vous n'en serez pas marry?» — c Je scay bien,
Madame, que ce que vous luy direz sera bien dict, mays s'il n'y peult remédier, que luy servira d'avoir la oongnoissanoe du malheur de ses amys? Touteffbis, pour sa personne seule, vous en ferez ce qu'il vous plaira. Mays je vous supplie de le celer à tous aultres. » Gomme elle luy jura de rechef.
Et ainsy par ceste conférence il la disposa sagement au remède du mal qu'il avoit faict, bien qu'il ne s'en peust promectre aulcune bonne résolution de la part de ceste princesse. Et d'en parler au prince, son filz, qui ne faillit pas assez à le visiter, il n'y voyoit poinct d'utilité, deppendant de la royne, sa mère, et d'ailleurs estant d'ung naturel qui se gosse de tout et de soy-mesmes, comme déjà il commençoit à se gosser de son mariage avec la seur du roy, disant qu'il n'y avoit qu'ung estât à pourvoir aux affaires de la court, qu'il avoit son chancelier, son secrétaire, son trésorier, qu'il nommoit, et son fol, qu'il disoit estre le jeune Jtespruneaulx', et qu'il serait le coquu de la cause.
Le jour suivant, comme ledict sr admirai estait allé le matin saluer la royne à son accoustumée, elle, s'estant trouvée en perplexité sur les propos dudict sr comte, luy feist meilleur visage, et, le tirant à part luy descouvrit tout Testât et discours dudict sr comte, le priant de luy en dire son advis et le moyem d'y pourvoir. Le dict sr admirai, qui ne parloit guères, mays touchoit au vif, luy deist : c Madame, si monsr le comte avoit tousjours esté
1. Un s. des Pruneaulx, gentilhomme de Coligny, accompagnait l'amiral au sortir du conseil du roi, lorsqu'il fut blessé par Maurevert (Daniel, Hist. de France, t. X, p. 598, observ. du P. Griffet).
nourry en noz affaires, il ne seroit pas en la peine où il se retrouve. Monsieur le prince d'Orenge, son frère, et luy ont affaire à ung roy qui ne change jamays de visage, et ne s'ayde poinct des dissimulations entre ses subjectz, comme nous estions traictez quand nous vivions en France, mays, depuis que nous sommes en Italie1, il en va tout au rebours, et y sommes à présent tellement acoustumez que pour cela nous ne sommes pas plus estonnez. Mays luy, qui a esté icy troys ans à nous ayder et obliger à luy rendre la pareille, se voyant tout en ung coup privé de son espérance, a quelque raison d'en estre bien esmeu; mays de s'en affliger tant que d'en altérer sa santé, il n'est pas raisonnable. Il s'en fault adresser à ses amys, et j'ay en cela quelque subject de me plaindre de luy de ne m'avoir tenu pour amy digne d'avoir part en ses afflictions. » — c Je vous asseure, mon .cousin, deist-elle, que ne le debvez pas trouver mauvais. Il m'en a faict aultant, et, si je ne l'eusse visité, saichant qu'il se trouvoit mal, je n'en eusse rien sceu ; encores ay-je eu prou de peine à en tirer ce que je vous ay dict. Sur quoy il m'a bien faict faire fantasie (qui estoit une de ses phrases ordinaires). Mays quel remède à cela, mon cousin ? » ?— c Madame , j'y suis bien empesché : car, quant à nous, il nous fault suivre après vous soit bien ou mal, mays luy qui n'y est obligé doibt mieux descouvrir le remède qu'aultre. » Lors elle entra plus avant en propos et deist que,
1. Allusion à la prédominance de Catherine de Médicis et de ses favoris italiens.
si les négotiations esquelles on estoit entré se trouvoient périlleuses et qu'il y eust moyem de jecter ses plombz ailleurs en seureté, elle seroit la première à y mectre la main, n'aymant poinct le péril, pour ne périr en ioelluy. c II s'est descouvert à vous, Madame, de choses qu'il m'a celé; il est raisonnable que vous sondiez tout son cueur et son advis làdessus, et, s'il vous plaist me faire cet honneur de m'appeler après pour vous en dire mon petit advis, j'y apporteray tout ce que Dieu m'en communiquera par son saint Esprit pour sa gloire et la grandeur de vostre maison. * — t Je le trouve bon, deistelle, et le veux retourner voir après disner pour cet effect, et m'esforceray de sçavoir tout ce qu'il en pense, encores qu'il me luy faille arracher les paroles de la bouche. » Âinsy laissèrent ce propos, s'estant sagement gardé ledict sr admirai de laisser eschapper une seule parole qui peust faire juger à ceste princesse qu'il eust congnoissance de cest affaire, lequel j'ay jugé estre besoing de desduire tout au long pour en voir la finale résolution et conséquence merveilleuse.
Après disner, elle visita encores ledict sr comte, qu'on luy avoit rapporté se trouver plus mal que le jour précédent. Et faisant retirer le monde loing du lict dudict sr comte, elle luy deist que, depuis l'avoir veu le jour précédent, son esprit avoit esté en ung grand travail, et que, ce jour, au matin, monsr l'admirai s'estant trouvé près d'elle, ce n'avoit esté sans luy faire part de ce qu'il luy avoit discouru, et qu'il estoit aulcunement marry de ce qu'il ne luy avoit faict ce tour de bon amy de descharger son
affliction en son sein, c Mays je vous ay excusé, Tasseurant que, si je ne vous feusse venu voir, vous en eussiez faict aultant en mon endroict, et qu'encores avois-je eu assez de peiné d'apprendre les particularitez de vostre fascherie, le priant de m'ayder à vous ouvrir quelque bon remède. Il m'a respondu de sorte qu'estant, dict-il, obligé à me suivre, soit bien soit mal, sans rien dire davantage, et par ce moyem retenu d'apporter en voz affaires tout ce qu'il ferait volontiers $ si les choses qui se négotient s'y pouvoient conformer, il ne vous peult si bien ouvrir le remède en ceste difficulté que vous-mesmes. Et je luy ay respondu, l'entendant bien, que je ne prenois pas plaisir au péril et que, si les négotiations, esquelles on estoit entré, se descouvroient périlleuses et qu'il y eust moyem de faire aultrement ses affaires en seureté, que je serais la première à y mectre la main. Âinsy, regardez, mon cousin, ce que vous en pouvez avoir recueilly en vostre esprit, et ne faictes difficulté de vous en descouvrir à moy. » — c 11 vous a parlé en sage seigneur, deist ledict comte, et vous faict bien congnoistre sa fidèle affection à vostre service, quand il parle de vous suivre soit à bien soit à mal; et, si j'estois seul, Madame, et non obligé à mon frère, j'en ferais aultant, encores que je feusse plus asseuré du mal que du bien par ung exemple, qui vous est encores tout fraiz et domestique, du malheur advenu au feu roy, vostre mary, soubz couleur d'ung masque de lieutenance générale, qui faict que voz serviteurs fidèles craignent tousjours quelque chose de semblable en ces négotiations de court; vous suppliant ne trouver mauvais ce peu que je vous en dy. » — c Je le scay de vostre amitié, mon
cousin. Vous estes ung de ceux qui y perdrait le plue, après mes enfans. Mays si ou y voyoit quelque double, je ne me vouldrois pas mectre et mes enfans au hazard. » — c La doubte n'est pas légère, Madame, quand on dict qu'on veult faire oe mariage pour exécuter noz affaires, et nous, nous sommes asseurez que ce qu'on veult faire pour nous, c'est de nous ruiner. Il y a donc subject de craindre quelque chose de semblable au faict dudict mariage, ce qui me serait plus insupportable à voir que ma propre ruine. Car je verrais tout en ung coup ruiner noz amys et noz affaires, pource que ce qui nous resterait d'amys ailleurs serait si estonné de tel désastre que nous n'en pourrions tirer aulcun secours, au moings si promptement que les affaires le requièrent. » — c Vostre discours, deist-elle, n'est pas sans raison, mays venons au remède ; car de mal nous en avons tant veu que nous avons assez de subject d'en redoubter encores : ung chat eschaudé craint l'eaue froide1. » — c Madame, c'est aux grandz princes auxquels appartiennent les grandes conceptions. Vous congnoissez mieux ce qui vous peult estre agréable que moy, qui me doibs résouldre à suivre voz jugemenz. Une chose scai-je , Madame , qu'il serait expédient, puisqu'il vous plaist nous faire tant d'honneur d'aymer et nous et noz affaires, que vous y daignez bien voulloir accommoder les plus importons affaires de vostre grandeur et seureté, d'avoir ceste grâce de Dieu de descouvrir ung remède, qui feust propre à tous les deux, et capable de bien asseurer vostre grandeur et
4. Proverbe déjà en usage au xme siècle, cité par M. Leroux de Lincy d'après un manuscrit du temps (t. I, p. 155).
espérance et les affaires de France et Flandres tout ensemble ; comme j'espère que ce ne sera meshuy qu'ung affaire, si nous en pouvons descouvrir l'adresse, qui appartient à vostre bon jugement, Madame, exercé de longtemps en telles difficultez, non pas à moy qui suis encores ung pauvre novice aux affaires du monde. » — « Vostre proposition est très bonne, mon cousin, mays elle est généralle ; il fault venir au particulier ; et, bien que beaucoup de grandes affaires me soient passez par les mains qui me deussent avoir ouvert l'esprit, si est-ce qu'estant que trop véritable qu'en noz propres affaires nous sommes ordinairement aveugles et avons besoing de conseil, de qui, en ce cas, le puis-je espérer meilleur que de vous qui y avez, après moy, le plus grand intérest? Je vous prie ne délayer poinct m'en dire librement ce que vous en avez discouru en vousmesmes. » — « Puisqu'il vous plaist me le commender, Madame, je vous diray, après vous avoir supplié très humblement de l'avoir agréable et le tenir secret, estant assez temps de le publier par l'effect, si Dieu veult qu'il soit faict, et auparavant dangereux aux affaires présentes, que, pour ung mariage, il s'en peult faire deux en ung coup, de mon seigneur et dame, voz enfans, avec personnes qui leur portent non une fille sans qualité, tiltre et biens convenables, mays tiltres de roy et royne, non une fille qui ne peult ayder à vostre maison au plus hault degré de la grandeur où elle aspire, n'y ayant ny droict ny faveurs convenables, non une fille qui porte le discord en vostre maison, qui est tousjours conjoinct à la diversité de religion, mays une qui y peult apporter et joindre des droictz et forces grandes, avec la paix domestique par égalité au faict
de h conscience, non une fille qui ne peult avancer les affaires de la France ny Flandres, et qui, au contraire, quand elle pourroit apporter à celles de France, gasteroit celles de Flandres, mays une qui fera tous les deux affaires et couppera la gorge à la jalouzie qui se pourroit mectre à la traverse et empescher les effectz, non une fille qui ne vous peult rien ayder au recouvrement du royaume de Navarre, qui vous est injustement détenu, mays une qui le vous peult faire rendre ou le double ailleurs. C'est ce qu'il me semble nécessaire, Madame. • — « Vous dictes le mieux du monde, mon cousin, et Dieu vueille qu'il se puisse rencontrer. * — c J'adjousteray , deist-il, une qui puisse avec voz aultres amys rompre la teste à tous ceulx qui font contenance de s'opposer ung jour à la grandeur de vostre maison, et qui est le comble, que cela se puisse obtenir sans péril ny hazard ou double quelconque. Ce sont encores deux poinctz de grande considération. * — « Vous désignez par tant de circonstances très importantes une grande princesse et, encores que nous soyons grandz de nature, les marques de la grandeur ne sont pas encores avec nous, qui me faict doubter de pouvoir parvenir à ung si grand party. i — c Vous avez raison, Madame, dist le comte. Mays Dieu a disposé les temps et les saisons en sorte que, pour le subject de son service, l'ung est en estât de s'accommoder à l'aultre, si vous, Madame, recepvez ce que Dieu vous présente pour une déclaration de sa faveur. » — c Ne me laissez d'avantage languir sur cela, dictes ouvertement en qui sont tous ces advantages, affin d'y penser et en résouldre au plus tost, avant qu'on nous ait obligé à chose qui nous ostast la liberté d'y
entendre. » — c C'est, Madame, la royne d'Angleterre et le roy d'Escosse que je vous ây désigné. » — « Vrayement, vous avez bien choisy, si c'estoit chose qui se peust faire. Nous avons eu desjà tant de bons affaires avec elle que l'entrée nous y seroit plus aisée. Mays je doubte, mon cousin, qu'elle congnoist tant les misères de noz affaires qu'elle n'en Vouldroit pas incommoder ses prospéritez. » — c Madame, j'ay tant remué cela en mon esprit que je croy fermement que ceste ouverture me vient de Dieu, qui m'a donné l'asseurance de l'espérer et la vous proposer avec une certaine confiance que j'ay que, sy vous voulez, la moitié de l'affaire est faicte et se peult traicter, s'il vous plaist, de sorte qu'on ne congnoistra que vous y ayez mys la main jusques à l'effect, ny aultre quelconque de ceux qui vous sont obligez par droict de nature. Et je vous diray plus, que j'ay tant d'espérance d'y parvenir par les raisons que je sçay, que je le vouldrois bien entreprendre, au péril de ma teste. * — c Je vous en remercye, mon cousin, dist-elle en l'acollant, et m'en resens merveilleusement obligée à vous; mays, comme nous avons prins jour d'advis sur l'ouverture du remède, je désire aussy avoir loiàir de penser au remède particulier que m'avez proposé. » — c C'est la raison, Madame, mays je vous supplie de me garder promesse et de n'en communiquer à personne, car ce qui fera cet affaire le plus, sera le secret. * — c Fors à Mr l'admirai» deist-elle, auquel seul j'ay entamé le propos. » Et voyant ledict sr comte ung peu allégé : c II semble, deist-elle, mon cousin, que vous ayez bien deschargé vostre cueur. Vous commencez à monstrer
meilleur visage1. » — c Je penserais estre le plus heureux et content homme du monde, Madame, si je vous y voyois aussy bien résolue que je m'asseure de l'effect, si vous y apportez de vostre part la volonté seulement. » — c Je serais bien dégoustée, si je ne prenois plaisir à vostre discours : nous en dirons demain davantage, s'il plaist à Dieu, auquel je vous recommande. * Et sur cela se retira, faisant contenance de grand contentement.
Et le lendemain matin, à l'arrivée du sr admirai en son logis, elle ne faillit de le prendre à part et luy discourir l'advis que luy avoit donné ledict sr comte, avec toutes les raisons qu'il luy avoit desduictes, le priant de luy en dire ce que luy en sembloit. Et il luy deist : c Quant aux raisons, Madame, elles sont si fortes que je n'y pourrais contredire, mays, en cas de mariage, c'est à vous, Madame, à juger si cela serait selon vostre désir, et personne ne vous y peult si bien conseiller que vous-mesme. » — c J'y ay pensé, deist-elle, seule et sans aucun conseil, mays comme j'ay jugé toutes ses raisons très pertinentes, si y ay-je trouvé des incommoditez, l'une en l'inégalité de l'aage, (laissant le reste à part), qui me faict désespérer d'en voir des enfans, l'aultre en la nation, de laquelle les Françoys sont tant et de si longtemps ennemys que je doubterois que cela aliénast les volontez des Françoys de mon filz en ses draictz. Et puis, en l'absence de mes deux enfans, je me trouverais seule, incapable de soustenir le faix des
1, Ce passage, depuis Puisqu'il vous plaist me le commender, est imprimé en partie dans les Pièces justificatives de Y Amiral Coligny par M. Tessier, in-8, 1872.
affaires requis à l'entretenement de leur reng et autborité et droitz en France, pour estre une femme, à la quelle la noblesse francoyse n'a guères d'esgard . » Elle avoit parlé au gros Beauvoys qui l'avoit instruicte, estant desjà gaigné au contraire. Et pressant le dict sr admirai, qui demeurait muet sur ses répliques, de luy en dire son advis, force luy fut de luy respondre et luy consentir au doubte d'enfans, voire mesmes adjousta la mort, qui est ordinaire, auquel cas monsr le prince, son filz, retourneroit en France, c Mays, dict-il, Madame vostre fille espousant le roy d'Escosse, qui est légitime successeur d'Angleterre, faulte d'enfans, succéderait avec son mary pour trouver les mesmes faveurs, supports et forces qu'eust peu espérer Monseigneur vostre filz de la royne, estant sa femme. Et, quand à la crainte de perdre P affection des Francoys, ennemys des Ânglois, je vous diray, Madame, qu'il fault considérer le temps en toutes choses. Il a ainsy esté par le passé, mays, les affaires estans survenuz telz que les voyez, qui nous ont rendu une bone partye de la France, conformes et unys aux Anglois, au lieu de craindre et trouver plus d'inimitié, nous y recherchons en nostre besoing tous offices d'amitié et en recepvons les faveurs que vous sçavez, sans qu'il soit besoing de vous en faire discours. Et davantage, la moitié de la France est desjà disposée à cela. Les plus voisins Françoys y font leurs retraictes, y sont bien receuz et courtoisement traictez. Et, quant à ce que vous doubtez, que voz enfans estans ainsy esloignez de vous , vous ne feussiez pas respectée et obéye au faix des affaires en la conservation de leurs droictz et reng, il ne vous fault doubter, et je vous en
puis asseurer, que tout ce qui deppend aujourd'huy de l'authorité de Mess" les princes vous honorera et respectera, obéira et servira entièrement, et aurez soubz vous Honsr le prince de Gondé, duquel vous tirerez toute obéissance, et qui, soubz vostre nom et auctorité, commendera aux forces : vous suppliant, Madame, sur ce dernier poinct, de n'entrer en aulcune doubte; je me constituray plége de la volonté de tous ceux de nostre party pour vous rendre obéissance. Voilà, Madame, [ce] que je vous puis dire sur les doubtes que m'avez déclarés, non pour vous persuader d'entendre à ce mariage, auquel monsr le comte juge consister le bien commung de noz affaires, et ne se trompe pas; car c'est à vous à juger mieux que personne de voz intentions en cela, ne restant à moy qui suis vostre très humble serviteur que de vous obéir, et, si sur vostre volonté il eschet quelque difficulté, me faisant cet honneur de m'en interroger, vous en dire, en très humble et fidèle serviteur, ce que j'en puis avoir apprins par quelque expérience que j'ay aux affaires de ce monde. » — c Je trouve, deist-elle, ce que me dictes fort raisonable, mays le roy et la royne qui ont desjà entamé cet affaire pour le duc d'Anjou en seroient tant irritez que je doubterois qu'ilz ne redoublent leur mauvaise volonté et se bandent du tout à nous ruiner et honorer noz ennemys des despouilles de nostre honneur, comme vous voyez qu'ilz disent desjà, pour me presser à ce mariage, que c'est pour empescher ung de noz ennemys1 d'y
i. Le duc de Guise. Le passage qui suit fait allusion aux prétentions au trône de France manifestées déjà par les princes de
parvenir et d'en tirer du support et croistre ses faveurs en ses intentions. » — c Je sçay, respondict-il , que on vous dict cela. Et ce ne seroit pas chose nouvelle de voir une fille de France en leur maison, qui pour cela ne leur a rien acquis et ne fera encores. Je n'en ay pas peur; je congnois trop bien la France ; et les deux tiers de ceux qui suivent le roy ne les en regarderont pas d'ung meilleur œil. Je vous diray de mesme que on vous a dict vérité, que ce ne seroit pas chose nouvelle en la maison de Bourbon d'y voir des filles de France : il y en a eu de mariés jusques aux puisnez, qui pour cela n'en ont pas esté mieux et n'ont pas empesché de grands hurtz1 advenuz à ceste maison, qui s'est tousjours conservée par la grandeur et prééminence de son rang. Et sur ce que dictes de ce qui en est desjà proposé pour monsr le duc d'Anjou, je le croy bien, mays qu'il y ait apparence qu'il advienne, j'en doubte grandement; et croirais plustost Monsr le comte, que cela tendrait seulement à boucher ce passage, et qu'au fort le choix en est à la roy ne*, vous protestant, Madame, que ce que je vous en diz est pour vous obéir et dire ce qu'il me semble de la vérité du faict, non pour vous induire à aultre mariage que celuy que vous treuverez plus propre pour Monseigneur vostre filz. * — t Je vous remercye, deist-elle, mon cousin; voz responses m'ont fort esclarcye sur les
cette maison. Cette ambition de leur part est donc plus ancienne que la Ligue. Ils laissaient leurs amis dire qu'ils descendaient des Carlovingiens. Plusieurs écrits du temps contiennent cette assertion singulière. Voyez P. Mathieu, t. I, p. 494.
