Holach ou Hohenlohe
2. Gauthier de Schwartzembourg, un des quatre comtes de l'empire. 11 fut député aux conférences de Bréda en Flandre, en 1575, par l'empereur, comme médiateur entre le roi d'Espagne et les révoltés des Provinces -Unies. Sa mission échoua; elle est racontée par de Thou (1740, t. V, p. 161).
3. Conrad, comte de Solms et de Tecklembourg, avait épousé, le 16 juin 1559, Elisabeth de Nassau, fille de Guillaume, comte de Nassau - Dillenbourg. Il mourut le 27 décembre 1592 (Bilgen, Genealogia comitum Solmensiwn, 1622, in-4°).
4. Salentin, comte d'Isembourg, avait été d'abord destiné à l'état ecclésiastique et pourvu de l'archevêché de Cologne le 23 décembre 1567; mais entraîné par sa passion pour Jeanne de Ligne, sœur du comte d'Aremberg, prince de Barbançon, il laissa la mitre et épousa Jeanne (Schwarz, Isenburg Ersbùchoff und ChurfUrst von Mainz, 1789, 2 vol. in-8°). De Thou le rencontra à Bade en 1579 (Mémoires de de Thou, 1741, p. 34).
lad. association pour y disposer chacun ses parens et voisins sur le péril commung qui les y pressoit si fort que la diligence y estoit requise.
Ces dépesches faictes, led. sr Alain ne fut pas si tost arrivé à Genefve qu'après avoir communiqué sa charge au ministre de Bèze *, auquel il estoit adressé, elle ne lut pas tenue par luy, qui est léger et trop coramunicatif, si secrète qu'il appartenoit, car il en feist part à deux gentilzhommes, les plus dangereux de tous ceux auxquelz il la pouvott communiquer, sçavoir aux tf8 de Beauvoir La Nocle* et de Vezines% le premier encores plus dangereux que l'aultre , tous deux retirés en Suisse; et lesquelz pour faire leur paix et affaires par le moyem du sr de Beaufort4, lors embassadeur du roy aud. pais, avec lequel ils avoient une grande et ordi-
1. Théodore de Bèze, né à Vézelay le 24 juin 1519, l'un des meilleurs écrivains du parti réformé au xvr* siècle, le personnage le plus important du calvinisme à Genève après la mort de Calvin, mourut le 13 octobre 4605.
2. Le sr de Beauvoir La Nocle, gentilhomme huguenot, tour à tour négociateur et capitaine. On le trouve au combat de la Roche l'Abeille en 1569, et en tf rouage en 1577. Il fut un des agents de Coudé aux conférences de Paris en avril 1575 (Aubigné, 1626, col. 408 et 754).
3. Probablement Vesins, nom d'une maison représentée au xvi6 siècle par plusieurs branches, dont une au moins appartenait à la réforme. Voyez la France prot. des frères Haag.
4. La Huguerye a voulu sans doute désigner ici le sire de Beaufort, gentilhomme de la chambre du roi (Vc de Coibert, vol. 399, f. 272) que nous trouvons en 1575 chargé de négociations diverses, notamment auprès de Gondé à Strasbourg (V« de Coibert, vol. 398, f. 261), bien qu'à cette date l'ambassadeur officiel du roi en Suisse lût Jean de Bellièvre, s. de Hautefort, frère cadet du chancelier de Bellièvre. Sa correspondance pendant les années 1574 et 1575 est conservée à la Bibl. nat., f. fr. vol. 15559).
naire familiarité, luy descouvrirent ce qu'ilz en avoient appris dud. sr de Beze, allans quelquesfois à Genefve pour cet effect. L'embassadeur en feist bien son prouffit par ses dépesches au roy, nommant ses autheurs pour leur adoucir le roy, qui tomba en telle crainte et appréhension de la disposition qu'il recongneut des estrangers envers ses subjectz contre luy, par les négotiations dud. sr comte, qu'il résolut de dépescher vers luy et excuser ce qui s'estoit passé sur l'entreprise faicte contre sa personne, ne l'ayant peu, comme il avoit voulu, attribuer à ceux de la maison de Guyse, qui, pour luy complaire, avoient bien une fois trouvé cela bon et s'estoient retirez de la court, mays, ayant mieux considéré la conséquence trop préjudiciable à leur famille, retournèrent et ne cessèrent qu'ilz ne l'eussent faict advouer au roy, en plain parlement, à Paris, encores que pour cela ilz n'en feussent pas deschargez1. Et, affin de faire oublier audict sr comte les affaires de France et luy faire tourner visage entièrement aux affaires dud. sr prince, son frère luy offrit tout secours et assistance, l'asseurant que chose plus agréable ne luy sçauroit arriver que de voir bien succéder les affaires de sondict frère. Pour exécuter laquelle négotiation il choisit, par le conseil de la royne, sa mère, Frégose, qui avoit jà pratiqué par
4 . Le roi avait commencé par rejeter le crime de la Saint-Barthélémy sur les Guises; mais le 26 août, dans un lit de justice tenu au Parlement, il allégua que l'exécution du 24 août avait été le seul moyen de tenir tête aux conjurations des Huguenots (De Thou, livre 42). Des instructions conformes à cette déclaration furent expédiées aux gouverneurs de province. On conserve à la Bibliothèque nationale celle qui fut adressée à Matignon, lieutenant du roi en Normandie (Bibl. nat., f. fr., vol. 3254, f. 28).
plusieurs aultres voyages beaucoup d'accez vers led. sr comte1. Et, comme led. Frégose me cognoissoit et doubtoit que je feusse toujours près dud. sr comte, il se prépara d'une petite charge vers moy, avec mille offres et promesses d'advancement servant à ce but, au contentement du roy. Et avec ceste dépesche bien enrichie arriva à Dylembourg, vers la fin de novembre2, aud. an 1572, en poste, m'asseurant qu'il n'avoit esté en chemyn que cinq jours depuis Paris. Si tost qu'il lut arrivé à l'hostelerie, au bourg, l'advis en fut donné aud. sr comte Jehan, qui en vint advertir led. sr comte, son frère', lequel me commanda d'aller voir qui cestoit et d'où il venoit, comme il avoit accoustumé faire pour tous les estrangers. Et ne feuz pas si tost entré au poisle8, quejecongneu led. Frégose guères aise, à sa mine, de me voir. Je luy diz que j'estois envoyé pour sçavoir qui il estoit, d'où il venoit et ce qu'il vouloit. Il me demanda si je ne le congnoissois pas.
1. Quelques mois auparavant, le 31 août, Frégose avait été envoyé vers le prince d'Orange et l'électeur palatin afin de leur présenter la Saint-Barthélémy sous les couleurs que le roi voulait donner à ce massacre, c'est-à-dire comme de justes représailles. Les documents relatifs à cette mission de Frégose sont imprimés dans la Revue rétrospective, t. V, p. 363 et suivantes. D'autres pièces relatives à la même mission ont été publiées par M. Groen van Prinsterer, dans l'appendice du t. IV des Archives de Nassau.
2. La Huguerye se trompe de date. Frégose vit le comte Ludovic au plus tard au commencement de novembre, et non pas à Dillenbourg, mais à Sybourg ; nous avons la lettre par laquelle cet agent rend compte à la reine-mère de sa mission auprès de Ludovic, et elle est datée du 43 novembre. Dans cette pièce Frégose représente le prince comme c ben molto ammalato e quasi c attratto e impotente da tutti i membri t (Original, Ve de Golbert, vol. 7, f. 445).
3. Poêle, chambre ou salle commune chauffée. Cette expression est encore en usage dans les pays du Nord.
Je fei mine exprès que non, et luy diz que le temps estoit tel que nous ne congnoission» personne. Enfin il me déclara l'occasion de son voyage et cojnmença à jecter quelques fondemens pour me pratiquer, me faisant entendre que, pour l'amour de moy, on avoit conservé ung mien frère, le jour S* Berthelemy, qu'il commença à détester. Et je luy diz que je sçavois le contraire, que, à l'occasion de mon nom et pensant que ce feust moy, il faillit à estre tué, et qu'on ne nous pouvoit pas beaucoup dissimuler de ce qui s'estoît passé ce jour-là ; nous en sçavions trop la vérité par les propres serviteurs du roy, qui abhorraient l'acte. Il demeura tout honteux et lors tira une lectre du roy, qu'il me voulut délivrer, mays je la refiisay, luy disant que il la me pouvoit délivrer en présence dud. sr comte, que j'en advertirois, me doubtant qu'il tachast par cet artifice de me mectre en soupçon pour faire après mieux ses affaires, comme c'estoit son intention. Et lors je luy diz que je m'en retournois avec led. sr comte pour luy donner advis de luy et luy rapporter responce, comme je fei. Led. sr comte ne fut pas d'advis de le loger au chasteau. Et ayant appris de moy ce que j'avois senty et les lectres du roy que je n'avois voulu recepvoir, il discourut avec moy de la façon dont il se gouvernerait envers luy, qui fut résolue telle : de l'ouyr, moy présent, en la grande galerie, et ayant soing de la recongnoissance de son visage, et de le renvoyer avec ung remerciement de la bonne volonté du roy et asseurance d'envoyer exprès en France pour respondre à sa dépesche, et maigre mine en particulier envers led. Frégose.
Le lendemain, qui estoit le jour S1 André, led. sr comte se portant assez bien, s' estant levé et ayant pris
sa robe de chambre, s'en alla promener en lad. galerie, et de là m'envoya vers led. tf Frégose pour le conduire vers luy, qui me voulut encores donner ses leetres, que je le priay de délivrer aud. sr comte ou à moy, en sa présence. Et voulant sur ce entrer en discours que j'e8tois François et choses semblables, je lu y couppay court, luy respondant que j'estois serviteur dud. sr comte, comme j'avois esté de feu monsr l'admirai, aux affaires de la court, et que je servirais toujours au bien et à la raison, et que led. sr comte s'estoit levé et Tattendoit, et ne pouvoit pas encores si longtemps demeurer debout; qui fat cause qu'il se hasta et vint avec moy. Et l'ayant conduit en la présence dud. s11 comte, qui le salua brusquement, et ayant receu et leu les leetres du roy, qui n'estoient que de créance, luy demanda exprès s'il n'avoit point d'aultres leetres, et, disant que non, luy répliqua : c Vous en avez voulu donner à La Huguerye, où sont-elles? » Qui le contraignit de les représenter et délivrer encores aud. sr comte, qui furent ouvertes et trouvées n'estre plaines que de créance et exhortation d'apporter au bien de son service ce que je pourrais, sur ce que Frégose me dirait, avec asseurance de recongnoissance pour mon advancement. Et luy ayant demandé la charge qu'il avoit, le voyant rougir de honte de ce qu'il avoit à dire, luy deist encores : c Dictes hardiment. * Et lors il commença à se condoloir de Testât auquel il trouvoit led. s* comte, qui eetoit encores fort foible et deffaict. Lequel luy respondit : c Mais je m'en resjouy moy, sr Frégose, d'estre plus tost en Testât que vous me voyez que mort à Paris, si je vous eusse creu piustost que La Huguerye, auquel je doibz la vie. »
Il 8e voulut purger de cela, et le sr comte répliqua : c Combien de fois m'avez-vous pressé d'attendre après les nopces? Et que feust-ce-je devenu parmy tant de seigneurs mes amys qu'on a tuez? * Sur quoy il voulut entrer en excuses. Lors luy dist led. sr comte : c Non, sr Frégose, laissons cela ; je sçay la vérité ; dites ce qui vous mène vers moy ? » Et je le voyois rougira tout propoz, monstrant assez qu'il ne portoit aulcune vérité en la bouche. Finalement il entra aux affaires de Flandres, que le roy vouloit assister du tout, et luy en administrer tous les moyems qu'il jugerait convenables, le priant, affin qu'il eut commodité d'y entendre, de luy vouloir ayder à maintenir son royaume au repos. Led. sr comte répliqua qu'il n'avoit jamais eu autre intention que de servir à l'honneur, grandeur et repos du roy et de la couronne de France et que toutes ses actions dernières y avoient tendu et tendoient. Sur quoy Frégose respondit que le roy avoit bien tout aultre advis de gens qui l'asseuroient sçavoir le fondz de ses négotiations ; et lui monstra les lectres dud. sr de Beaufort, embassadeur en Suisse; lequel advis led. sr comte purgea par une asseurance de faire mentir lesd. Beauvoys et Vezines, et qu'il se trouvoit en tel estât qu'à peine pouvoit-il signer. Et sur ce, l'ayant invité à disner avec luy, le renvoya après disner en son logis, avec promesse de penser sur ce qu'il luy avoit dict et le lendemain le dépescher. Et me commanda de prendre mes lectres et le reconduire en son logis, où led. Frégose se plaignit à moy des propos qu'il luy avoit tenu en son particulier, qu'il ne parloit que de la bouche du roy, lorsqu'il le pressoit d'attendre ses nopces, et, quant au faict du roy, que,
s'il y avoit eu de la faulte, il y faloit remédier, c Et quel remède, dis-je, après la mort? » Et sans contester, je luy donné le bonsoir.
Led. sr comte persista en nostre première résolution de ne luy donner poinct de responce sur sa créance et remectre cela à une dépesche qu'il ferait au roy par homme exprès, luy donnant seulement ung mot de lectre à cet effect, pour ne rompre du tout ceste ouverture et en tirer à la longue telle utilité qu'on pourrait. Mays quant ce vint à me parler de l'advis donné par Beauvoyr et Vezines de ce qu'il avoit faict traicter avec Beze, il se mist en une extrême cholère, menaçant de daguer lesd. Beauvoir et Vezines et de prendre la peine de faire ung voyage jusques à Genefve pour les y attirer et les tuer. Et feist une dépesche aud. sr Alain, qui avoit aussy charge d'aller à Orenge, pour sçavoir dud. sr de Beze ce qu'il leur avoit dict, et s'en plaindre, comme de luy, à bon escient.
Le lendemain matin, il m'envoya vers led. Frégose pour le conduire encores vers luy et luy donner les lectres que j'avois dressées selon son intention, qu'il signa ; et me les feist cacheter. Je trouva y led. Frégose fort dolent de ce qu'il voyoit ne pouvoir rien tirer de résolution dud. sr comte qui debvoit, deist-il, penser aux affaires dud. sr prince, son frère, sans se mesler de celles 4'auftruy. c Aussy veult-il faire, dis-je, et ne rien entreprendre qui ne serve à cela. Pour quoy il veult faire une bonne dépesche aud. sr prince sur l'occasion de son voyage, pour avoir là-dessus son advis et volonté, et, selon icelle, dépescher vers le roy homme exprès, le plus tost qu'il pourra. » A quoy il se rendit, confessant estre très raisonnable. Et le
voulu ainsy contenter, affin qu'il ne désespérait poi&et le roy de cet affaire-là, pour ne rien rompre du tout et que voyant ceste négotiation d'amitié infructueuse, on ne cherchast, par le moyem d'une contraire et dangereuse, de s'en defiaire du tout, à la mode du temps, ainsy que j'en avois discouru avec led. sr comte, qui l'avoit trouvé bon et s'estoit résolu de luy tenir ce langage en luy donnant ses lectres, comme il feist. fit en son particulier luy feist meilleur visage, et, après l'avoir enquis des nouvelles de la court, le mena disner encores avec luy. Et puis kiy donna congé, me commandant de le conduire, et, en l'oreille, de le voir partir, comme je fei. Et pendant qu'il faisoit préparer ses chevaux, me print par la main, me conjurant, par l'obligation que j'avois au roy et à ma patrie, de tenir la main que son voyage feist l'effect désiré par le roy, qu'il sçavoit que j'y pouvois beaucoup, et qu'il se rendrait solliciteur près du roy et de la royne pour moy, m'asseurant de faire en sorte qu'à son retour, qui pourrait estre bien tost après celuy que led. sr comte y envoyroit, il me rapporterait de bonnes erres de la volonté du roy de faire quelque chose pour mon advancement. Je luy diz encores ce que je luy avois dict, qu'il n'y avoit Françoys qui eust plus de regret que moy de voir le changement que je voyois au progrez des affaires de la grandeur du roy et de sa couronne, et que je servirais tousjours à bien faire de tout mon possible, m'asseurant que le roy ne pouvoit désire* aultre chose de moy. Sur quoy 0 print congé et monta à cheval sur les mesmes chevaux qu'il avoit réservé. Peu de temps après, retourna led. & comte Jehan de Nassau, de Heydelberg, où il avoit si bien négotié
avec l'électeur et le duc Casimir que la résolution fut faicte telle qu'il désirait, selon ses instructions, avec charge de négotier promptement avec les comtes ; et, pour oe que sa personne pourrait estre suspecte, comme de rechercher en cela le secours particulier de leur maison, il trouva très bon d'en négotier premièrement à Dilembourg avec lesd. comtes, leurs parens, alliez, voisins et amys, pour après, comme d'euxmesmes, négotier le semblable avec leurs 'parens, alliez, voisins et amys, en les allant visiter, à leur aoooustumée, et de leur en donner à cet effect une bonne instruction, que je dressay en françois. Et led. comte Jehan en feist la traduction en alemand, pramectant led. sr électeur et le duc Casimir de chercher occasion de voir leurs voisins et de les y disposer, ce qui lut faict de poinct en poinct. Et, si tost que lesd. s™ comtes de Holach, Schwartzbourg, Solm, Isembourg et aultres furent arrivez, en leur faisant le discours de tout ce qui s'estoit passé en France et Flandres par led. sr comte, il leur feist tellement recongnoistre le danger, que d'eux-mesmes ilz se mirent sur la nécessité du remède; mays ilz désiroient que les princes commençassent, et led. sr comte leur deist que ce serait une médecine après la mort et qu'ilz avoient trop de congnoissance des longueurs de telles négotiations, que le péril estoit à la porte et requérait ung prompt remède, que, quand les princes les ver^ raient, ung bon nombre de seigneurs de telle qualité et moyems bien uniz, ilz s'y joindraient à l'envy l'ung de l'aultre, et que dès l'heure il les asseuroit de l'électeur palatin et de ses deux filz puisnez, Casimir et Christofle ; de quoy estans asseurez, se résolurent à ce
conseil. Et, après avoir faict bonne chère deux jours avec environ cent cinquante chevaux, partirent plus tost qu'ilz n'eussent faict, et se séparans allèrent faire chacun une chevauchée vers leurs amys, et négotièrent de tous costez si bien que l'affaire fut fort advancée en peu d'heure, selon les advis qu'ilz nous en donnoient.
Environ la my-décembre, arrivèrent aussy nouvelles du pais de Languedoc par le sr de Vaux1, ministre envoyé exprès de leur part vers led. sr comte pour le remercier en leur nom et des aultres provinces du soing qu'ilz avoient tousjours espérance qu'il auroit d'eux, auquel effect Dieu l'avoit conservé, que, suivant ses remonstrances, chacun s'estoit efforcé de bien faire et avoient pris les armes, ausquelles sans cela la nécessité les forçoit pour leur conservation contre les meurdres et violences extraordinaires qui se continuoient partout, et que, sachans qu'il estoit besoing de moyems, ilz mectoient peine de faire une Bonne somme, et que tout le monde y estoit si bien disposé, jusques aux femmes qui offraient leurs joyaux ; qu'ilz croioient que, depuis son partement, l'affaire estoit bien advancée. Led. sr comte fut si joyeux de l'arrivée dud. sr de Vaux qu'il congnoissoit, et le feist loger près de luy pour conférer à toute heure, que tousjours depuis il se porta mieux.
Or avoit led. sr comte trouvé bon de n'envoyer personne en Angleterre, mays d'adresser ung pacquet aud. sr prince, son frère, qui le feist incontinent passer
1. Le s. de Vaux est cité dans l'Histoire du Languedoc comme un des messagers ordinaires du roi de Navarre à Damville et réciproquement, vers les années 1577 et suiv. (Hist. du Languedoc, t. V, preuves, p. 258).
à Londres et rendre aud. sr vidame, lequel ayant baillé les lectres adressées aud. sr comte de Mongommery et entendu ce qui se traictoit en Alemaigne, résolurent de parler à la royne, luy présentant les lectres dud. sr comte, et, à son invitation, suivant son conseil, sonder les cueurs des milordz et grandz seigneurs d'Angleterre, pour ne deppendre poinct de la longueur des négotiations de la royne en affaires qui requéroient célérité : desquelz ilz eurent si bonne responce de vouloir employer leurs moyems en ung si bon affaire que, par la dépesche qu'ilz nous feirent et envoyèrent aud. sr prince, qui la nous feist tenir environ Noël, que nous eusmes tout subject d'espérer bien aussy de ce costé-là.
Et renvoyay led. de Vaux, avec conseil d'exécuter sa charge, à Heydelberg, sans bruict, et dé faire diligence d'advertir ceux qui l'avoient envoyé des préparatifz en Angleterre et Âlemaigne, que nous luy avions communiqué, avec le bon succez de l'arrivée dud. s* prince d'Orenge en Holande et expresse commission vers led. sr de Bèze de luy faire la plainte desd. s" de Beauvoir, La Nocle et Yezines, sur la coppie des lectres du V de Beaufort, embâssadeur, que j'avois prins sur l'original apporté par Frégose, que je luy délivré, et de regarder aux moyems de les en faire chastier, comme il feroit de son costé, et surtout de faire envers ceux qui l'avoient envoyé, ausquelz ilz en feroient rapport que jamais ilz ne se fiassent d'eux et ne les emploiassent en aulcune charge, ayant failly à ruiner toutes les affaires.
Et ayant faict ceste dépesche et une recharge en Angleterre, led. sr comte me commenda de penser à
la dépeache du roy , suivant ce qui avoit esté asseuré à Frégose. Pour laquelle je dressay ung mémoire contenant en premier lieu les asseurances, que le roy avoit donné aux princes d'Empire, de l'entretenement de son édict de pacification, et les promesses solennelles qu'il avoit faict à ses subjectz, avec une résolution de tellement unir les ungs avec les aultres par le mariage de sa seur, qu'il ne feust plus mention d'aucune animosité; davantage que, sur ces fondemens-là, ses subjectz s'estoient entièrement submis à sa discrétion (et luy osois bien asseurer que le roy de Navarre avoit eu en main ung part y, non de plus grande maison, mays de plus grande qualité et moyems de se restablir en son estât de Navarre et de l'accroistre, et asseurer qu'il ne l'avoit jamais sceu, mays bien la royne, sa mère, laquelle pour luy complaire l'avoit laissé, et en avoit payé la faulte tost après), et que les princes alemandz l'avoient pris en telle affection que leurs propos commungs n'estoient aultres que de le choisir pour roy des Romains, comme il feust sans faulte advenu aussy bien que la coronne de Polongne à son frère, choisy pour mesme occasion et préféré à ung de la maison d'Austriche; et n'y avoit doubte que les Ànglois n'eussent esté pour ce subject bien aises de voir son aultre frère en leur royaulme, affin d'accommoder par ce moyem les affaires de Flandres et en oster la jalousie, pour voir par telz advantages la maison de France commender en France et Navarre, Âlemaigne et Polongne, Angleterre et Flandres, et, avec l'union et forces de tous ces grandz estatz rabaisser l'orgueil d'fispaigne, et, laissant l'alliance du Turq, si deshonnorable et préjudiciable à la Ghreatienté, le
chasser de Constantinople et d'Europe et le renvoyer en Asie ; — s'il n'eust préféré le mauvais conseil de ceux qui luy ont persuadé de quicter toutes ses belles espérances-là, pour se coupper les bras en faisant assassiner ceux qu'il adoroit les jours de devant, affaiblir son royaulme d'aultant, et, par le renouvellement des troubles inextinguibles à cause des défiances extrêmes, l'exposer en proye aux estrangers et luy-mesmes en honte et opprobre à tout le monde ; que les premières excuses sur ceux qu'il en disoit les autheurs et non luy, qu'il disoit avoir eu prou peine de se conserver en son chasteau du Louvre, avoient quelque apparence, notamment dedans la ville de Paris ; et estoient les estrangers sur ces termes-là en telle disposition d'avoir telle pitié de son estât, que, sans changer de volonté, ilz eussent employé le verd et Le sec pour luy ayder à en avoir la raison; mays que depuis qu'il avoit, en plain parlement, advoué le faict commis par son commendement exprès et pour son service, il n'y voyoit plus aultre remède, sur les advis qu'il avoit de plusieurs endroictz, que de révocquer oeste déclaration-là comme forcée et extorquée de luy par violence, et faire une justice exemplaire de ceux qui, pour se saouler du sang de ses plus fidèles subjectz et oster ceste barre à leurs anciens desseins, luy avoient faict perdre tant de belles espérances en ung jour et faict fouler aux piedz son honneur par toute la Chrestienté ; que, s'il luy plaisoit se disposer à une telle résolution pour son honneur et grandeur, il le pouvoit asseurer que non seulement il n'auroit faulte d'amys et serviteurs hors de son royaulme, mays que ceux qui estoient desjà en armes, contre l'espérance qu'on luy
avoit donnée que le jour S' Barthélémy le mectroit en repos, les mectroient bas, et, au lieu de les convertir contre luy par force, pour se garentir des violences dont on use tous les jours contr'eux, qui estaient à deux cens lieues de Paris et ne pouvoient avoir aulcune part aux entreprises qu'on a imposé aux pauvres deffunctz innocens, les employeront, et leurs vies et moyems, pour son service contre les perturbateurs du repos de son estât et ennemis jurez d'icelluy ; et, quant à luy, qu'il servirait à cela et y employeroit sa vie avec led. sr prince, son frère, duquel les affaires commençoient à se disposer à faire ung bon et signalé service à Testât et couronne de France, en couppant le bras droict à l'Espaigne, dont elle avoit accoustumé travailler la France plus que d'aultre costé du monde, et, si en ce faisant il luy plaisoit apporter de son auctorité et moyems au secours dud. sr prince en particulier, cela l'obligeroit et toute sa maison à luy continuer le très humble service qu'ilz luy avoient voué, extrêmement déplaisans du changement advenu, par le fatct de Paris, aultant en cela qu'en toute aultre chose concernant l'honneur du roy, grandeur de sa maison et prospérité de son estât. G'estoit en somme la substance desd. mémoires, que je communiquay aud. sr comte, qui les garda et trouva bons, mays y adjousta des clauses et particularitez d'entre le roy et luy, que je ne sçavois pas4.
1. Ludovic de Nassau négociait avec la France et promettait d'aider la candidature du duc d'Anjou en Pologne, en retour d'un secours donné par le roi aux Pays-Bas (Motley, t. III, p. 272 et suiv., trad. Guizot, et sources citées par cet historien). Suivant de Thou, Catherine voulait mettre le duc d'Anjou à la
Et comme 0 estoit en peine qu'il y envoyroit, je l'adverty que le sr Chasteliers', contrerolleur de sa maison , estoit désireux d'aller voir ses parens à Tours, que cela luy servirait de passeport et d'espargne, qu'aussy bien n'estoit-il besoing de créance et suffirait de bailler lectres au roy et luy délivrer l'instruction qui serait faicte sur les mémoires. Âussy bien trouverait-il peu de gens qui voulsissent prendre la charge de dire au roy le contenu en ceste instruction, que pour son voyage il fauldroit escripre à Frégose, par la voye de Metz, pour avoir ung passeport pour luy, à ceste fin. Ce qu'il trouva bon et désira faire passer led. contrerolleur par les terres dud. s' prince, au duché de Bourgongne, pour y recepvoir ce qui estoit deu, et, m'en ayant payé ce qu'il m'avoit ordonné, apporter le reste en son coffre, dont je fuz bien aise pour mon particulier. Âinsy me commenda de prendre lesd. mémoires qu'il avoit apostilez et les rédiger en forme d'instruction, et de faire une lectre qui serait envoyée jour et nuict à Metz au gouverneur, selon l'advis de Frégose, pour envoyer en cour par la poste, affin d'avoir led. passeport, ce qui fut faict. Et, led. passeport venu, on feist partir led. contrerolleur, environ le douziesme de janvier \ 573, avec charge , s'il ne retournoit si tost pour vouloir aller à Tours et retourner par Bourgongne, d'envoyer advis de ce qu'il aurait faict par Le Basque, lacquais dud. sr comte, qui luy fut baillé pour mener avec luy.
tête des confédérés; Ludovic de Nassau lui préférait Le duc d'Alençon (1740, t. V, p. 28).
1. Chastelier, nom représenté en Vendômois par une branche de la maison de Salmon.
La négotiation des comtes en AJemaigne s'eschauffoit merveilleusement, principalement du costé de la mer, où les plus voisins, comme les comtes de Friee1, d'Oldembourg * et aultres pressoient et se rendoient solliciteurs de l'affaire, à Pentour d'eux et le long de la mer, plus que ceux qui en avoient pris la charge. Et l'électeur palatin, par le duc Casimir, son fîlz, qui se promenoit et les alloit visitant, en avoit réchauffé ung bon nombre, selon la résolution qui avoit esté prise, de sorte que chacun, comte et baron, donnoit soubz sa signature le nombre, que luy-mesmes se taxoit de fournir, de reistres bien montez et armez, soubz ung, deux ou troys de leurs gentilzhommes, et de mesmes pour les gens de pied, moitié harquebuziers et mousquetaires morrionnez, et moitié picquiers et halebardiers corseletz, ayans tous les armes chez eux, en leurs petitz arsenalz, comme il n'y a comte qui n'ait quelque chasteau de défense, tellement que, avant le Pasquè de ceste année 1 S73, comme l'Âlemaigne est plaine de comtes et barons, principalement vers le Rhin, la liste qui fut faicte montoit à près de cinq cens comtes et barons et le nombre de leurs taxes à près de dix mil chevaux et vingt mille landsquenetz ;
1. Gaspard de Robles, seigneur de Billy, portugais, frère de lait de Philippe II, avait été nommé gouverneur de la Frise à la mort de Jean de Ligne, comte d'Aremberg (voyez la note consacrée à Jean de Ligne, à la fin de ce livre). Le dépit de n'avoir pas obtenu le titre de comte ou peut-être môme le désir de se rendre indépendant dans son gouvernement, le poussèrent à prendre les armes contre le roi d'Espagne en 1576. Mais il échoua. Cette
^affaire est racontée avec détails par de Thou (1740, t. V, p. 295).
2. Jean comte d'Oldenbourg, né en 1540, épousa en 1576 Elisabeth de Schwartzenburg, et mourut en 1603.
MÉM0IHK8 DE LA HUGUBRYB. 4 67
sur lequel progrès, affin d'asseurer et nouer la négotiation, led. ar électeur les asseura d'estre leur chef et de leur donner au besoing ses deux filz, Casimir et Christofle, pour ses lieutenant généraux aux armées. Et fut ainsy l'affaire résolu et tenu pour faict, et toutes leurs promesses et signatures mises es mains dud. sr électeur, qui, par son filz, feist distribuer les reistres en cornettes et régimentz, leur ordonnant des rattermaistres1 et colonelz, ceux qui se trouvoient plus capables de oeste charge, et de mesme des landzquenetz, avec authorité de les advertir ung moys devant et du lieu où ilz se rendraient, à la nécessité. Laquelle négotiation feist grand bien aux affaires dud. sr éleo teur et de toute sa maison, la plus menassée, et estonna les deux roys et principalement le roy de France, qui, en estant adverty par Gaspard de Schomberg*, qu'il envoyoit en Alemaigne, s'échauffoît davantage à ce qu'il avoit traicté par Frégose, pour divertir cet orage de son royaulme.
Led. sr comte, inventeur de ceste négotiation, qui estoit propre en Alemaigne, où la liberté de la noblesse pour les armes est extrêmement grande, et qui a servy pour lors et a esté et sera ung patron à l'advenir de pareilles pratiques selon les occasions, s'asseuroit que les milordz anglois, animez à la vérité extrêmement