Freitzbach, château en Hesse

qui pouvoit beaucoup vers le roy, et Gaspard de Sohomberg, pour parvenir par son moyem à quelque conclusion advantageuse du traicté pour le secours dud. sr prince d'Orenge, et l'exhorter aussy à disposer le roy par tous ses propos (et il parloit assez bien françoys), à changer d'humeur. A quoy il nous promist d'employer toute son estude et que telle estoit son intention. Et nous mena avec lui à Fach, passans à Rotthausen1, belle maison qui est aud. sr landgrave. Arrivasmes à Fach devant le roy, lequel led. landgrave alla rencontrer hors la ville et luy feist tout honneur, le conduisit en l'hostel de ville, apresté pour son logis, où, l'ayant laissé rafraichir , retourna le visiter et l'entretint longtemps aux fenestres de lad. maison, audevant de la place, en laquelle il avoit faict dresser les cuisines pour traicter toute sa compaignye. Et, à ce que led. sr landgrave nous deist, il luy parla fort de Paris *, à quoy le roy de Polongne n'ayant la suffisance de respondre aux remonstrances dud. landgrave qui avoit beaucoup d'estude, se deffendit des raisons de Machiavelli, sur lesquelles led. landgrave le mena ung peu rudement, de sorte qu'on l'entendoit en la rue, n'estimant pas, disoit-il, ung homme chres^ tien qui faisoit estât dud. Machiavelli, du tout contraire aux lois du Christianisme ; et que, voyant le roy ne dire plus mot, il se refroidit en propos de telle matière et tomba sur les affaires dud. sr prince d'Orenge, qu'il luy recommenda, affin de les faire résouldre et les favoriser vers te roy, comme il feist vers Schon-