Portebonnet, valise

cappitaine pour le porter avec luy en Holande et délivrer avec La Garde aud. sr prince d'Orenge, auquel il en escripvit, confessant que sans moy il estoit perdu. Voilà comment Dieu me vengea de cet homme-là.

Le vent estant venu bon, je m'embarquay aud. navire de guerre, où je receu beaucoup de bon traictement du cappitaine, à cause de ma charge. Et après forte tormente advenue du mesme vent en la rivière d'Embs, qui faillit à nous perdre, j'arrivay à Dordrecht, la veille S1 André, vers led. sr prince d'Orenge, lequel ayant esté incontinent adverty de mon arrivée par le sr de Haultain, cappitaine de ses gardes, vers lequel led. cappitaine de navire avoit envoyé à cet effect, m'envoya led. sr de Haultain pour me dire que j'estois le bien venu et, quand je vouldrois, il me donnerait toute audience. Je le prins au mot et allay avec luy qui me congnoissoit, m'ayant veu en France avec feu led. sr comte, vers led. sr prince d'Orenge, résolu de le tenir en bonne opinion des affaires dud. sr prince de Gondé, avant que venir au fondz de ma charge, et sçavoir Testât des siennes depuis la journée de Hoch, et spécialement s'il avoit rien traicté en France depuis la mort dud. sr comte, son frère, au préjudice de ma négotiation, comme j'en doubtois fort.

Et l'ayant salué et receu de luy ung gratieux accueil, me disant qu'on ne luy pouvoit avoir envoyé homme en qui il eust plus de confidence, comme je luy repli* quay aussy que l'affection très humble que je continuois à son service m'avoit faict recepvoir ung si long et périlleux voyage pour l'espérance que j'avois qu'il en recepvroit une grande utilité et que j'aurois moyem de luy rendre à bouche le compte de ses affaires, que

j'avois manié soubz led. sr comte, son frère, affin d'en tirer une lumière pour l'advenir, tant en France qu'Alemaigne, où j'avois principalement négotié pour son service, comme je fei bien amplement.

Et ayant ainsy long temps discouru avec luy en son cabinet seul à seul, en quoy il prenoit fort grand plaisir, je tombay sur ma charge et luy présenté premièrement les lectres dud. sr électeur, auquel je sçavois qu'il avoit plus de respect et une très estroicte obligation, n'ayant aultre support en Àlemaigne que de luy et son filz, et puis celles dud. sr prince de Gondé et du sr de Vézines, lequel s'excusoit de n'avoir peu passer jusques à luy, à cause de son indisposition. Et ayant receu les premières avec beaucoup d'honneur, me deist, pour led. sr de Vézines, qu'il l'excusoit volontiers, et, veu ce qu'il en avoit apprins dud. feu sr comte, son frère, estoit bien aise qu'il ne feust passé oultre, désirant de moy que je luy escripvisse sobrement de ce que je traicterois avec luy. Et, faisant souvent contenance d'estre fort joyeux de ma venue, me commença, après avoir leu les lectres, à mectre en discours des affaires, sur lequel je prins occasion, saichant qu'il n'avoit pas agréable que j'eusse prins aultre party que le sien, de m'en excuser de bouche, comme j'avois faict par lectres, si pertinemment que je luy fei congnoistre qu'il seroit en sa puissance de tirer plus de service de moy que si j'estois demeuré près de luy. Et continuant le discours de ses affaires, que j'avois manié jusques à la mort dud. sr comte, son frère, je m'efforçay de luy faire congnoistre le peu qu'il pouvoit espérer de la France, sinon par le moyem des princes du sang, qui estaient en pareille peine que

luy, les grandz dommages que ses affaires en avoient receu, depuis deux ou trois ans; à quoy on l'avoit employé pour le mariage de Navarre et la diversion de oeluy d'Angleterre; comme on avoit voulu rompre tout son dessein, en le voulant empescher de haster ses entreprises en la frontière de Haynault, affin de ne divertir le duc d'Albe de son entreprise sur Flessingue et luy donner moyem d'acheminer la résolution des affaires de Holande et Zélande, qui ne feussent réussies si led. sr comte, obéissant au roy, eust attendu l'issue du mariage, qui luy eust esté aussy funeste qu'aux aultres seigneurs ; comme le roy avoit empesché les voyages des sn marquis de Resnel et de Briquemault vers luy, saichant qu'ilz pouvoient avec luy ruiner l'armée du duc d'Albe; la perte dud. sr admirai, lorsqu'il estoit prest à partir avec son armée pour venir en Haynault et Arthois, pendant que luy feroit ses affaires au cueur du pais ; le dessein d'empoisonner luy et son frère par le baron de Ringraff , le cappitaine envoyé en son armée vers Mandeslo pour mutiner ses reistres et les foire retirer, lequel Mandeslo mesmes fut si osé de le tirer de prison et l'enmener avec luy; les entreprises d'Anvers et Maestrich descouvertes par les François aux Espaignolz; le retardement du régiment d'Isch par l'autorité de Gratz, corrompu et gaigné par le mareschal de Retz, dont estoit provenue la perte de son frère, privé de ce plus asseuré secours; et grand nombre d'aultres particularitez semblables, dont je me servy pour luy rafraischir la mémoire du danger où avoient esté ses affaires par les intelligences du roy de France avec les Espaignolz, affin de renouveler son mescontentement et le disposer à mon des-

MÉHMR16 DE LA HUGUXRYE. 979

sein de luy faire joindre ses moyems avec ceux du party dud. sr prince de Gondé pour s'en venger.

Il recongneut par sa responoe la vérité de tout ce que je luy avois dict, me monstrant bien qu'il en avoit au cueur ung grand resentiment. Mays il me deist ne s'en pouvoir mieux venger qu'en continuant à employer tous ses moyems pour mectre en mauvais mesnage les deux roys de France et d'Espaigne, qu'il sçavoit, ayant esté commissaire du roy d'Espaigne pour le traicté de la paix entre eux1, à quelle fin elle avoit esté faicte, et les moyems contraires à cela qu'il avoit eu en mains pour la rompre et asseurer ceux contre lesquelz ceste paix avoit esté accordée , qu'il n'avoit faict rien qui vaille avec le roy Charles, qui F avoit trompé véritablement, que le roy de Polongne n'estoit pas prest de retourner % et y avoit dépesché à ceste fin, suivant l'advis dud. sr électeur, et qu'en tout cas, s'il en eschappoit, il auroit changé d'humeur comme de pais; et que cependant il estoit expédient de regarder à retirer le duc d'Alençon des mains de sa mère, pour luy faire effectuer la bonne volonté qu'il démonstroit, luy faire haster ses desseins et le goust des affaires des Païa-Bas, selon les occurrences, s'asseurant bien que,

1 . Guillaume d'Orange avait été un des députes du roi d'Espagne chargés de poursuivre les négociations de paix en 1558 avec le connétable de Montmorency. Après la signature du traité, il fut envoyé en otage à la cour de France. C'est là qu'il reçut les confidences de Henri II sur les projets des deux rois contre les réformés. Voyez Motley et les autorités qu'il cite (t. I de la trad. Guizot, p. 246 et suiv., 252).

2. La Huguerye commet ici une erreur : son récit est arrivé à la fin de novembre 1574, et le roi de Pologne s'était enfui de Gracovie le 18 juin; le 6 septembre, Henri III était entré à Lyon.

pendant que la royne mère vivrait, il ne pourroit pas aysément jouyr du roy, mays qu'il s'efforceroit d'obtenir au moings quelque secours d'hommes et d'argent et, de peu en peu, y embarquerait quelque prince, commençant par le duc d'Alençon, duquel il parloit tousjours. Sur quoy je prins party et répliqué qu'il avoit donc le moyem de traicter avec luy par l'entremise dud. sr prince de Gondé et des seigneurs qu'il avoit mis en besongne et qui ne levoient les armes que soubz son nom et authorité, me resjouissant de le trouver en une si bonne résolution, pareille à celle de feu monsr le comte, son frère, jusques à sa mort; que led. sr prince de Gondé s'estoit retiré en Alemaigne pour cest effect, et toutes ses négotiations n'avoient aultre fondement, et qu'il congnoistroit encores d'advantage par ung prisonnier nommé La Garde, que monsr le vidame de Chartres (duquel je luy délivray lors les lectres) avoit faict conduire vers luy, quel bien on luy vouloit en France, ayant recongneu par ses tablettes, que je luy délivré lors, qu'il avoit faict couler en ce pais de Holande ung soldat françois, nommé La Bergerie, pour chercher le moyem de le tuer, ayant faict semblable dessein, lorsqu'il me feist voler en Alemaigne, près Speire, portant ses lectres et commissions, de monter à Basle et en faire aultant aud. sr prince de Gondé. Lequel prisonnier il ordonna sur le champ estre bien gardé, ayant veu ses tablettes et papiers.

J'adjoustay que comme son serviteur je ne trouvois hors de raison qu'il continuast ses négotiations avec la royne mère, pour le gros de Testât et affin de troubler l'Espaigne, mays sans apporter aulcun préjudice aux

affaires de ceulx qui estoient en armes pour semblable subject que luy, ausquelz cependant il luy estoit convenable et nécessaire de se joindre de telle sorte qu'il serait utile à ses affaires, ou ouvertement ou secrètement et toutesfois très strictement et en toute fidélité, leur aydant soubz main pour le moings de ce qui estoit en sa puissance. Auquel effect il n'estoit pas mal à propos qu'il feist entendre que je feusse descendu vers luy, comme son serviteur, et suivant les dépesches qu'il m'avoit envoyé par Àffenstain, luy discourant les moyems secretz qu'il avoit d'ayder aud. sr prince de Gondé, premièrement pour la vente du sel et vin de La Rochelle jusques à la somme de cent mille escuz; secondement laissant aller quelque nombre de vaisseaux de guerre à son service qui conduiraient led. sel et vin et feroient la guerre à La Rochelle, soubz les conditions des congez que j'avois charge de leur délivrer, telz qu'il vouldroit; et finalement qu'adjoustant quelque petite somme fournye en Âlemaigne en forme de trafficq, moyennant les poinctz cy-dessus, on pourrait prendre le chemin de l'armée par les Pais-Bas, tenir son ennemy en cervelle, le divertir de Holande, et, ayant faict une paix en France , faire tourner la teste à toute l'armée en Flandres et sous le commendement dud. sr duc d'Alençon ou dud. sr prince de Gondé, son lieutenant général, disposant ainsy son secours, et, du costéde laroyne, pour le gros de Testât de la France , et, du costé des princes qui sont en armes, pour en faire une défense ordinaire en ses affaires.

Sur lequel mien discours gratant sa teste de joye, comme il avoit accoustumé, il me donna espérance de

satisfaire à tous les trois poincta. Et, pour le premier, qu'il en traicteroit avec des marchande holandois et zélandois, et, soubz leur nom, en ferait faire par les estatz ung département, comme de provision obtenue à bon prix. Et dès lors feist choix, en ma présence, de cappitaines de navires qui n'estoient Zélandois ny Holandois, affin de cacher mieux l'affaire, me permettant de traicter sans luy avec eux, et à eux de faire ce que je leur dirais avec leurs vaisseaux garniz de matelotz, soldatz et artillerie.

Et pour le troysiesme, affin de le faire secrètement, il adviseroit et de la somme et du moyem de la faire passer es mains dud. sT électeur. Il estoit fort tard et avoit laissé à soupper pour m'ouyr du tout, comme il estoit prince qui ne se lassoit poinct des affaires* Et feist apporter une collation, me faisant cet honneur de me faire manger avec luy seul, en son cabinet.

Et après me donna congé de me retirer en mon logis et ne me monstrer pas beaucoup, le laissant disposer les affaires à son aise, comme je feu deux jours entiers sans sortir, quand quelques amys me venant visiter me comptèrent des nouvelles de France, que le sr de Lambres, arrivé le jour précédent, en avoit apporté; duquel le prisonnier La Garde estant adverty trouva moyem de luy faire sçavoir son inconvénient et ma venue, sur laquelle il entra en soupçon de l'occasion de mon voyage, parla ouvertement pour la délivrance dud. La Garde, qu'il dist sçavoir estre serviteur de la royne mère, destourna led. sr prince d'Orenge, tant qu'il luy fut possible, de traicter avec led. sr prince de Condé, luy donnant toute asseurance du retour du roy de Polongne et de la volonté de la royne ; et sceut

si bien gaigner led. sr prince d'Oronge, estant gentilhomme éloquent, que, s'il ne le divertit du tout, au moings il le refroidit si fort que, quelque mine qu'il feist d'advancer les troys affaires résoluz avec moy, j'y trouvois tousjours de telles difficultez que je ne m'en pouvois asseurer ; qui fut cause qu'ayant trouvé moyem pour le sel et vin de les débiter en Anvers par marchande, qui y eussent prouffité et nous eussent fourny les deniers à Francford, moyennant que j'eusse obtenu le passage et exemption des licences et impositions, je luy en parlay; et il me remist aux Estatz, ausquelz il en parleroit; qui me donna mauvaise espérance, car je sçavois par expérience que, quand il vouloit gratifier, il le faisoit seul, pour en avoir seul le gré; mays, quand la chose ne luy agréoit pas, il la renvoyoit aux Estatz, par lesquelz il en faisoit faire le refuz, pour éviter la hayne et mescontentement. Et de faict lesd. Estatz opposèrent leur nécessité, qui les empeschoit de gratifier aulcun desd. licences, desquelles ilz soustenoient le faix de la guerre, et que cela serait de conséquence.

Et fut led. Lambres si audacieux qu'il tira led. La Garde de prison, où il l'alloit visiter, et feist arrester les vaisseaux de guerre, ausquelz j'avois donné des congez de mer et qui estoient prestz de faire voile à La Rochelle. Et se servit en cela des Estatz, comme dessus. Pour quoy je me résolu d'en parler sérieusement aud. sr prince d'Orenge; et luy diz rondement que je sçavois bien que, s'il vouloit, il n'y aurait poinct de difficulté; et que, quand les Estatz congnoistroient son intention, jamais ilz n'y contrediraient, et que je ne persuaderais jamais cela aud. sr prince de Gondé. Et

comme je le vei là fixé et arresté pour ce, disoit-il, qu'il seroit descouvert, et que je ne gaignois rien de luy remonstrer le mal qui en pourroit advenir à ses propres affaires, je commençay à traicter avec luy du voyage de Constantinople, duquel naguères il s'estoit voulu servir, à condition qu'il presteroit seulement son nom, comme il avoit une fois délibéré, et nous ferions les fraiz et choisirions homme propre, et, que du fruict qui en réussirait, l'une moitié seroit aud. sr prince, et l'aultre à luy, qu'il laisserait aud. sr prince pour faire la levée plus forte et passer par les Pals-Bas et faire une bonne diversion, puis y retourner avec l'armée, après la paix ; à quoy nous l'obligerions par capitulation ; ce qu'il pouvoit faire seul, sans en communiquer à personne, et obliger grandement à luy lesd. Estatz, quand, sans fraiz, ilz se verraient grandement soulagés par son intelligence. Et luy levé toutes les difflcultez et scrupules qu'il pouvoit avoir d'une telle négotiation, par toutes les raisons divines et humaines, dont je me peu adviser, et luy en donnay mémoire pour y penser à part soy, à loisir.

Et comme j'estois sur ce traicté-là, je receu ung pacquet dud. sr vicomte d'Hargenlieu, lequel m'advertissoit de la mort de madame la princesse de Gondé, advenue à Paris après son accouchement1, affin de voir, sur une telle occurrence, si je pourrais estraindre une plus forte amitié et correspondance entre ces deux princes et leurs affaires. J'entendy bien par les termes de la lectre ce qu'il me vouloit dire en paroles cou-

1. Marie de Clèves, marquise de L'Isle, princesse de Gondé, était morte à Paris le 30 octobre 1574.

vertes. Et led. sr prince d'Orenge ayant sceu que j'avois receu lectres de Basle, comme il n'arrivoit rien là qu'il n'en feust adverty, il m'appella à luy et me demanda quelles nouvelles j'avois receu, ce qui me feist ouverture d'un beau subject pour réchauffer ce prince par ceste nouvelle que je luy diz estre telle qu'il sembloit que Dieu, pendant ma négotiation prez de luy, avoit permis cet accident exprès pour le lier avec led. sr de Gondé d'ung lien très estroict; que led. sr prince de Gondé estoit ung grand et jeune prince, veuf, courant une belle et grande fortune, et que luy avoit une fille grande et mariable, qui estoit madamoiselle Marie de Nassau1; que, s'il luy plaisoit contenter l'esprit dud. sr prince de Gondé en ma négotiation, sans s'arrester aux remonstrances de Lambres, qui estoit grandement ingrat des plaisirs receuz à La Rochelle, où, estant son admirai, il avoit sa retraicte et débit asseuré, je luy osois promectre de luy faire ung grand service, en ceste occasion. Sur quoy se soubzriant d'aise, il commença à faire l'humble et me deist qu'il estoit trop petit compagnon et avoit les aisles trop petites pour voiler si haut, me remectant tousjours sur l'impossibilité d'obtenir mes trois demandes desd. estats, et me faisant entendre sur le voyage de Levant qu'il avoit changé d'advis, comme d'ung secours incertain et trop long, quand il seroit asseuré ; joinct qu'il n'estoit pas conseillé de le faire, en bonne conscience, et que ayant bien pensé à tous noz discours, il désiroit s'arrester à son dessein de France qui luy seroit ordinaire

1. Marie de Nassau, fille de Guillaume le Taciturne et de sa première femme, Anne d'Egmont.

et que, la paix faicte, nous n'aurions plus de moyem de luy ayder qu'avec l'authorité du roy, lequel pour ce il ne vouloit mescontenter. Et, voyant que je perdois temps, je le priay de bien penser à tout ce que je luy avois proposé et me dépescher favorablement, tant eu esgard aud. électeur qu'aud. s* prince, qai s'offenseroit fort, si je retournois vers luy avec si peu de satisfaction, qui me priverait de tout moyem de luy faire service près la personne dud. sr prince. Âinsy il me dépescha sans aulcune certitude d'accord ou de refuz, pensant que je m'en retournasse droict à Basle. Et luy remonstrant le peu de satisfaction qu'il m'avoit donné par led. sr Affenstain, pensant me contenter, il me feist augmenter l'assignation jusques à deux mille florins, m'asseurant que, si je n'en pouvois estre payé à La Rochelle, il m'en payeroit de ses propres deniers. Et saichant que j'estois passé en Angleterre vers led. sr de Méru, pour presser l'effect de sa négotiation, comme désespérant de tout effect de son costé, il en fut fort marry et manda au sr Galvard1, son agent en Angleterre, de regarder à traicter sur le faict du mariage par moy proposé, et de retarder nostre négotiation d'Angleterre, tant qu'il pourrait, sur l'asseurance qu'on luy donnoit de France d'une briefve pacification, fondement de son secours, pour auquel

1 . Le s. Galvard, que La Huguerye signale ici au nombre des agents du prince d'Orange en Angleterre, servit aussi le roi de Navarre. On le trouve plusieurs fois nommé dans la correspondance de Duplessis-Mornay comme chargé de missions importantes en Angleterre et dans les Provinces-Unies, surtout vers l'année 1583. Voyez notamment les pièces ajoutées aux Mémoires de Duplessis- Mornay, édit. Auguis, t. II, p. 226, 227 et suiv.

parvenir on le vouloit employer à la moyenner. Mays comme led. Galvard me chercha pour m'en parler, il , sceut que j'avois esté promptement dépesché par led. s' de Méru, avec asseuraqee d'une bonne somme d'Angleterre, et que, pour /aire diligence et n'avoir plus à passer parles mains dud. sr prince, qui m'eust retenu artificieusement en Holande, j'avois pris, non sans danger, la traverse de Flandres à Golongne. La négotiation demeura jusques à mon retour. Et partant d'Angleterre, je cherchay moyem de faire tenir une lectre que j'escripvois aud. sr prince d'Orenge, par laquelle je luy faisois entendre que la fin de mon voyage en Angleterre avoit esté au contraire du proverbe qui dict qu'à la queue gist le venin ; en partois avec contentement et ne luy pouvois dire aultre chose pour le service que je luy avois voué, sinon que, s'il continuoit comme il avoit commencé par ma dépesché, nonobstant que je luy eusse remis à discrétion l'ordre, la façon et le secret, il en serait bien tost marry, et que rejectant les honestes poursuites et offres dud. sr prince de Gondé et de son parti qui estoit celuy du duc d'Alençon, prisonnier, il en recepvroit, ez occurrences qui de jour à aultre se pourraient présenter, x , ung grand regret pour avoir creu plustost Lambres, qui luy portoit des vanitez, que moy , qui luy administrais des moyems certains de son secours et asseurance ; et que, nonobstant son refuz, je portois d'ailleurs les moyems de monter à cheval, qui rendraient, pour le peu de satisfaction que je reportois de luy, toutes ses interventions à la paix désagréables aud. sr prince de Gondé, lequel, s'il entendoit le peu de compte qu'il a faict de l'ouverture que je luy avois faicte, pour la

foulle d'amys qu'ilz dévoient estre par conformité d'affaires, ilz deviendroient ennemys; et qu'ayant serment aud. sr prince de Condé, j'estois obligé de luy faire ung rapport fidèle de toutes choses , et que je prévoiois qu'au lieu d'estre secouru, après la paix de France, il demeurerait despourveu de tout secours de ce costé-là, pour beaucoup de raisons que la plume ne me permectoit de luy discourir ; et que, si nous voulions faire comme luy et rechercher le roy d'Espaigoe et luy servir à se venger des coups de pied en vache qu'il reçoit de France, nous y serions bien venuz et en aurions contentement , mays qu'il ne serait jamais dict des Françoys que d'ung faict de religion ilz eussent faict ung poinct d'estat, et se feussentpour ce adressez à l'ennemy capital de leur nation; et que, pour son respect, après avoir faict diligence possible, je me reposerais deux jours à Golongne, à l'Escu de Juliers, où s'il advisoit quelque chose qu'il me voulust envoyer, au contentement de ceux qui m'avoient dépesché vers luy, je serais très aise de le recepvoir et user de ce moyem de luy continuer mon humble service , mays qu'aultrement je le suppliois d'excuser ma fidélité envers led. sr prince, mon maistre.

Et fei ceste dépesché comme prest à partir d'Angleterre où toutesfois je demeurais encore secrètement, affin de luy partager la cervelle et luy donner moyem de se tenir aux premières promesses qu'il m'avoit faictes avant l'arrivée de Lambres, le tout avec l'advis dud. sr de Méru, auquel j'avois faict le discours de toute ma négotiation de Holande et du peu qu'on en debvoit espérer, lequel le jugea ainsy, ayant esté adverty secrètement par le sr de Walsinghant, secré-

taire (Testât d'Angleterre, des menées dud. Calvard, pour empescher que n'eussions secours de la royne et nous contraindre à une honteuse pacification , comme je m'en doubtois bien, à mon parteraent de Holande, et en avois escript aud. sr de Vézines, à Wezel, affin qu'il n'attendist plus rien de Holande et s'en retournast à Basle, où j'espérois estre bientost après luy, et si tost que je pourrais avoir eu ma dépesche d'Angleterre; où je fei aussy le discours aud. sr de Héru du tour que La Garde m'avoit faict et avoit voulu faire à monsr le vidame, comme il l'avoit conduit vers le prince d'Orenge, à la vie duquel il avoit attenté et qui l'avoit délivré à la poursuite de Lambres, sans avoir esgard à l'intérest que y avoit led. sr prince de Gondé, au nom duquel je le répétois1 pour en faire justice; lequel La Garde led. sr de Méru recongneut pour avoir esté autresfois argentier de sa maison, fort meschant homme, ce disoit-il, bien aise de sçavoir qu'il feust eschappé, pour s'en garder à son retour en Alemaigne. Or avoit led. sr de Méru, à ma poursuite et sur le désespoir de rien obtenir dud. sr prince d'Orenge, fort hasté sa négotiation, pendant le voyage et progrès de la royne vers le Nort1, où il la suivit par mon advis en l'absence dud. Calvard qui faisoit sa résidence à Londres; et me mena avec luy jusques à S1 Thevald, maison du milord Burglay8, grand trésorier d'Angle-