Il désigne Bellièvre

qui luy avoient esté proposées de la part du roy et dud. sr duc d'Alençon, à Strasbourg; luy remonstrant le grand intérest qu'il avoit en la conservation de la couronne de France et de l'authorité du roy, qui n'avoit poinct d'enfans, led. sr duc son frère poinct marié et mal sain, et le roy de Navarre poinct aussy d'enfans, que la couronne de France le regardent, et requéroit de luy d'en avoir pitié et d'en destourner cet orage, duquel peult estre il ne congnoissoit pas les conséquences. Led. sr prince luy feist une courte responce, avec tout le respect et honneur deu au roy, qu'il estoit son très humble pauvre parent, subject et serviteur, qu'il ne désirait rien tant que de voir son authorité et son estât bien asseurez, conservez et administrez, qu'il n'y espargneroit sa vie et l'estimeroit heureusement employée en la recherche et poursuite d'une bonne paix ; mays qu'elle se pouvoit aussy bien traicter en France qu'en Lorraine, où le séjour n'estoit pas à sa discrétion l, ains dud. sr duc de Lorraine, qu'il ne vouloit incommoder sans aulcune raison ; comme aussy il n'estoit pas en sa puissance de renvoyer ung grand prince et une grosse armée, contre sa foy , promesses et obligations ; mays que, si led. sr de Belièvre vouloit aller traicter avec eux, il ne contredirait à ce qu'il obtiendrait d'eux ; dont led. sr de Belièvre feist contenance d'estre fort content, se fiant en la négotiation desd. Praillon et Baltazard, et demanda loisir d'y adviser.

1. Le duc de Lorraine n'avait accordé le passage à l'armée de Condé qu'à la condition qu'elle ne séjournerait pas sur ses terres. Les lansquenets pillèrent et dévastèrent le pays qu'ils traversaient {Recueil des choses..., p. 30). (Lettre de Bellièvre au roi du i** janvier 1576; Vc de Golbert, vol. 8, f. 1). *

À son retour en son logis, il eut advis de quelc'un, comme il y en avoit d'assez corrompus entre nos Françoys, que led. Praillon estoit prisonnier entre les Alemandz, et qu'on ne sçavoit qu'estait devenu Baltazard, dont il fut fort estonné ; et pour ce, n'ayant pas à cueur ny charge de traicter avec led. sr duc Casimir, il print occasion de s'en excuser le lendemain vers led. sr prince ; lequel luy deist lors tout ouvertement que, depuis qu'il estoit hier soir retiré d'auprès de luy, il avoit receu advis dud. sr duc qu'en ses trouppes on avoit surprins ung de sa suitte, nommé Praillon, lequel, par son interrogatoire, avoit recongneu et confessé avoir esté par luy envoyé pour corrompre et desbaucher les Alemandz, et ung aultre de sa suitte, nommé Baltazard, vers les Suisses à mesme effect ; que la syncérité de la procédure dud. sr prince ne méritoit pas de recepvoir de luy ung tel affront, au milieu de son armée, soubz ombre de l'authorité du roy, lequel il ne croyoit pas debvoir advouer ung si vilain cas, et pourtant il s'en pourrait justement ressentir, sans offenser le respect qu'il debvoit au roy ; que toutesfois il avoit esgard à sa qualité, et, sur ung tel attentat, qui a offensé toute l'armée, ne luy pouvoit donner aultre conseil que de s'en retourner avec la responce qu'il luy avoit hier faicte sur le champ et sans crainte d'aucune incommodité, dont pour le respect du roy il le garantirait ; comme il feist.

Geste négotiation dud. sr de Belièyre1 suivoit celle

1. Une partie de la correspondance de Bellièvre pendant cette mission est conservée à la Bibliothèque nationale dans le vol. 15870 du fonds français et dans les \e de Golbert, vol. 7, 8 et 399.

de Bouraonville, sans toutesfois que led. sr duc d'Alençod y participast ouvertement; mays nous ne feusmes pas si tost arrivez sur le bord de la Meuze (que nous passasmes sur le pont à Bazeilles, près Neufchastel1), qu'au logis dud. sr prince, qui estoit au chasteau dud. Bazeilles, arrivèrent deux embassadeurs dud. sr duc d'Alençon, l'ung catholique ou estimé tel, appelle le sr de Laiïin La Nocle % le plus corrompu qu'il eust peu choisir, et tel, entre les catholiques, qu'estoit le sr de Beauvoir La Nocle, son frère, entre les huguenotz, et le sr d'Espaux % gentilhomme huguenot bien advisé, mays ambitieux. Et en envoyoit ainsy deux de diverse religion, pour ce qu'il vouloit faire croire qu'il estoit protecteur des deux religions; et pour ce leur avoit donné une instruction et lectres communes, agréables aux estrangers, affin de donner par led. sr d'Espaux confidence de luy aux huguenotz et aud. sr duc Casimir. Mays led. sr de Laffin avoit une seconde et secrète

4. L'armée passa sous les murs de Neufchastel le 9 janvier et traversa la Meuse le môme jour (Recueil des choses..., p. 33).

2. Philippe de La Fin, seigneur de Saligny de La Nocle, frère cadet de Beauvoir de La Nocle, personnage connu dans les annales galantes du xvie siècle (Voyez le quatrain publié par Lestoile ; édit. Ghampollion, p. 41). Il était un des agents les plus fréquemment employés par le duc d'Alençon auprès de Condé (Lettre du duc d'Alençon du 12 décembre 1575; Bibl. nat., V° de Colbert, vol. 399, f. 357).

3. Le s. d'Espau, autre agent ordinaire du duc d'Alençon auprès de Condé (Lettre du duc d'Alençon à Gondé du 12 décembre 1575; Bibl. nat., Ve de Colbert, vol. 399, f. 357). De Thou nomme un sieur d'Ëspau, gentilhomme normand, huguenot, fourbe appartenant à tous les partis, qui chercha à prendre, pendant la campagne de 1587, Ghàtillon, le fils de Goligny, en promettant de lui livrer le château de Montargis. Voyez De Thou, 1740, t. VIL p. 34, et le t. III des Mémoires de La Huguerye.

instruction, par laquelle, soubz couleur des dîfficultez à exécuter ce qui serait promis ausd. estrangers et pour beaucoup de menées qu'il faisoit entre les catholiques près dud. sr prince pour l'arrester, led. sr duc tendoit en effect à mesme but que Belièvre, mays avec ung extrême artifice qui venott de la forge du conseil du roy et de la royne, sa mère, très malaisé à descouvrir, tant il estoit affiné.

Led. sr de Laffin s'adressa à moy, avec lectres dud. sr duc d'Àlençon, plaines d'offres, me feist les plus beaux discours du monde de la bonne volonté de son maistre à se servir de moy en la protection qu'il avoit prise des deux partiz, m'asseurant que, si tost que je serois près de luy, il me prendrait à son service ; et, pour ce, me deist qu'il avoit charge de me déclarer le chemin que son maistre vouloit tenir pour contenter les deux partiz et faire la paix; et avoit ung bon appennage en ses mains pour la maintenir, et surtout désirer son maistre de gratifier en ce faisant led. sr prince, mon maistre, de tout ce qui despendroit de luy, le voulant avoir tousjours près de sa personne et luy donner une lieutenance générale sur tout son appennage, et l'honorer, comme il le méritoit ; qu'à cela il désirait que je tinsse la main près dud. sr prince, affin que les estrangers estans bien contentez et renvoyez, comme il asseuroit vouloir faire, le royaume feust remis et entretenu en repos ; et, pour l'y maintenir contre quiconques entreprendrait au contraire, il eust moyem de dresser une telle entreprise sur les Païs-Bas, en quoy il se vouloit aussy servir de moy et aux affaires qu'il désirait traicter en Àlemaigne, à cet effect, pour la grande congnoissance que j'en avois

desjà acquis ; me priant sur tout led. sr de Laffin de faire bien congnoistre par la responoe dud. sr prince le debvoir qu'il avoit faict et combien dignement et agréablement il avoit traicté cet affaire. Le sr de Montégu luy avoit donné le conseil de pratiquer confidence avec moy, mays surtout led. sr prince luy avoit ordonné de ne communiquer ses mémoires qu'à moy, auquel il avoit donné charge d'en faire la responce.

Je communiquay tout le discours de Laffin aud. sr prince et apperceu bien qu'il n'avoit besoing d'estre adverty et qu'il en sçavoit assez, me disant que je feisse contenance de trouver bon ce que led. Laffin m'avoit dict, luy donnant espérance qu'il s'y accommoderait, et surtout me feist congnoistre à quel but il tendoit, qui estoit de lever tout ombrage aud. sr duc d'Alençon, affin de l'avoir en l'armée, et, quand il y serait, faire avec son authorité ce qui estoit promis ; reçongnoissant bien, comme il me deist, que led. sr duc avoit desjà promesse de la rogne de cet appennage, dont on le vouloit contenter, et que, si on luy donnoit quelque soupçon, il craindrait d'entrer en l'armée. Et fut led. sr prince d'advis que je conduisisse led. Laffin vers led. sr duc Casimir, auquel je feisse entendre tout ce que dessus, affin qu'il donnast aussy de sa part contentement aud. sr~ duc d'Àlençon par led. Laffin, pour le joindre comme il asseuroit le vouloir faire ; et avoit envoyé exprès led. Laffin pour descouvrir en quelle opinion il estoit vers les estrangers, se doubtant qu'on eust recongneu ses secrètes intentions, et pour dresser aussy le chemin vers luy. Led. sr d'Espaux ne fat pas si nyais qu'il ne congneust bien les secrètes communications dud. Laffin, et eut

si bon nez qu'il sentit bien qu'on luy avoit caché quelque chose, et faillit à gaster tout le mystère par son mescontentement, auquel led. sr prince pourveut sagement et feist tant qu'il s'en retourna bien satisfaict par la responce dud. sr prince, comme à tous deux, car je baillay la despesche secrète aud. sr de Laffin, et l'endormy de si belles paroles qu'il creut nous tenir en sa manche ; et s'en .alla le plus content homme du monde, me promectant merveilles quand je luy baillay la response que je fei aux lectres dud. sr duc d'Àlençon, qu'il me deist avoir toute fiance en moy, ce que j'avois faict avec le congé et voire commendement dud. sr prince, mon maistre.

Nostre dessein estoit d'avoir le duc d'Alençon en l'armée et d'user de tout artifice à cet effect, pour lequel led. sr duc Casimir estoit d'accord avec nous, mays la conscience dud. duc d'Alençon luy faisoit doubter de n'estre pas seurement entre nous, pour^ quoy il taschoit de s'en esclaircir et nous de luy donner tout contentement. Laffin nous avoit apporté assurance que led. sr duc d'Alençon s'achemineroit sur le bord du hault de la rivière de Loyre pour nous y joindre. Et, pour ce, nous feist résouldre à prendre nostre chemin par la Bourgongne vers Marsigny aux Nonnains \ où il nous donnoit espérance de le trouver sans aulcun empeschement ny rencontre d'ennemys, qui fuyoient nostre armée et n'en osoient aprocher, estant le duc de Guyse encores malade de la blessure'