SUR LA MORT DU FILZ AYNE DU DUC DE SAVOYE

Charles, en tes regrets, qu'est-ce que tu proposes? Rendre ta gloire morte ou ton dueil immortel? En regardant ton filz, souvien-toy de deux choses : Que tu es un grand Prince, et qu'il estoit mortel.

-Supporte comme Duc ressentant comme père, Et rends du sens troublé le courage vainqueur. Ce qu*à tous faict le temps, qui la douleur tempère. Le discours de raison le doibt faire en ton cœur.

RECUEILS DIVERS i6i

Monstre la face au dueil, non le dueil en la face, Pour celle dont, hélas! nul n'évite les mains; Car la force d'esprit est commune à ta race.

Comme c'est accident à celle des humains.

Enfin ce Prince est mort : pense qu'il print naissance : Si Dîeu ne l'eust donné, îl ne te l'eust osté; Et s'il te vend ses maulx au poids de ta constance. Il t'a donné des biens au poids de sa bonté.

Combien de potentats de cest ample théâtre Auroyent plus de raison de plaindre amèrement. Quand ils nombrent tes filz, de n'en avoir pas quatre, Que toy d'en regretter la mort d'un seulement !

11 promettoit beaucoup, et sur son espérance L'Espaigne et l'Italie avoi[en]t jette les yeux. Oultre les pas d'Hercule, il eust veu sa puissance Accomplir les projects de l'un de ses ayeux.

Mais soit que par conqueste, ou qu'il eust en partage A ses commandementz tout l'Univers rangé, S'il reçoit maintenant le Ciel en héritage, Le temps est accourcy et l'empire allongé.

Ses efiFets sont plus grands que n'estoyent ses attentes, Le Monde estant d'humeur, de terre et d'air mouvant ; Et qu'eust-il espéré des grandeurs inconstantes, Qu'on establit sur l'onde et la pouldre et le vent !

Qu'est-il de tant de Rois, dont tu vois ' la figure, Dedans les cabinetz, jusques au dernier traict? Leur règne est un tableau, leur estre une peinture : La terre qui les couvre en est mieulx le portraict.

Ces fantosmes de pouldre, idoles de poussière, Que le faste anima du vent de vanité.