VERSION DE LA SATYRE VI D*HORACE, DU LIVRE III
Delicta majorum^ etc.
Pauvres François, vous porterez la peine Des maux commis par vos prédécesseurs, Et laisserez, à tous vos successeurs.
De vostre Estât la grandeur incertaine;
Si ne mettez la main au sainct office, Pour rebastir les temples ruinez, Et corriger les erreurs obstinez Qui pied à pied destruisent Pédifice.
A la grandeur la France est parvenue, Soubz le bonheur de la Religion, Que, tousjours pure et sans contagion, Vos pères grands avoyent entretenue.
Lors que nos Rois, d^une saincte entreprise, Passoyent les monts, avec puissante main.
Pour secourir le Pontife Romain Et empescher la cheute de TEglise.
Mais, maintenant que les Ligues ouvertes Ont introduit les tumultes civils, Vous estes faicts ridicules et vils A l'Espaignol enrichi de nos pertes.
Desja cinq fois, en bataille rangée.
D'un mesme fer, la françoise vertu.
Après avoir contre soy combatu, S^est à la fin de soy seule vangée.
Desja cinq fois l'Avarice Allemande Vous a faict voir vostre témérité,
Et, pour nourrir la partialité, Preste la main à la plus foible bande.
Peu s^en fallust, à la rude meslée
De Moncontour, que vostre belle fleur,
Des liz dorés ternissant la couleur,
Par les chevaulx aux piedz ne feust foulée.
Aussy, de vray, que voit-on plus au monde, Que brigandage, et meurtres, et prisons?
Et la luxure, entrée en vos maisons.
De vos malheurs est la source féconde !
Vos flUes mesme, en leur première enfance, Vous instruisez à descouvrir le sein, Greslir le corps, qui en reste mal sain, Et façonner leurs membres à la danse.
Puis, elles vont aux Temples, bien parées.
Pour exposer en vente leur beauté, Et bien souvent, par longue privante.
Un courtizan les aura desflorées.
Lors un mary sert à couvrir leurs vices Et à fournir aux habitz sumptueux, Car vous prenez, non pas des vertueux.
Mais ceulx qui ont des biens et des ofiices.
A vostre sceu, vos femmes et vos filles Sont le butin d^un riche douanneur.
Qui, traffîquant à vostre deshonneur, A prix d^argent achète vos familles.
De tels parents ne nasquit ceste armée.
Qui oultre mer les Sarrazins vainquit Et, par Teffort de ses armes, conquit La Terre-Saincte et la palme Idumée;
Qui desconfit les Goths, et la Campaigne Et fit rougir la mer de sang angloîs; Qui terrassa le duc de Charolois, Et Charles V borna dedans TEspaigne.
Ces bons soldats naissoient des gris gens d^armes, Accoutumez, quand ils avoyent la paix, De labourer les sillons plus espaiz Et manier le soc après les armes;
Qui, pour complaire à leurs mères homasses, Portoyent, au soir, venans à la maison, La peau d^un ours, et^ en toute saison, Tiroyent profit et plaisir de leurs chasses.
Avec le temps est-il rien qui n'empire?
Nos pères ont faict pis que nos ayeux.
Et nous ont faicts encore pires qu'eulx.
Et nostre race, après nous, sera pire !
