CHAPITRÉ III

Comment le duc de Bourgogne guigna Picquigny, et après trouva moyen d'avoir trêve au Roy pour UH an, au grand regret du connestable.

Vous deves avoir entendu au long dont mouvoit cette guerre , et que les deux princes au commencement y furent aveuglez, et se faisoient la guerre sang en entendre Je motif ny l'un ny l'autre : qui estôit une merveilleuse habileté à ceux qui conduisoiettt Tœuvre, et leur pouvoit-on bien dire que l'une partie du monde ne sçait point comment l'autre se gou* verne. Or toutes ces choses dont j'ay parlé en toug ces articles precedens advinrent en bien peu de jours; car après la prise d'Amiens, en moins de quinze jours, ledit duc se mit aux champs auprès d'Arras ; car il ne se retira point plus loing, et puis tira vers la rivière de Somme, et droit à Picquigny. En chemin luy vint un messager du duc de Bretagne , qui n'estoit qu'un homme à pied i et dit audit duc y de par son maistre, comme le Roy luy avoit fait sçavoir plusieurs choses, et entre antres les intelligences qu'il a voit en plusieurs grosses villes, dont entre aucunes nommoit Amiens, Bruges et Bruxelles. Aussi l'àdvertissoit ledit duc comipe le Rpy estoit délibéré de l'assiéger en

l6 [ l i7°] MEMOIRES

quelque ville qu'il le trouvast, et fust-il devant Gand; et croy que ledit duc de Bretagne' mandoit tout cecy en faveur du duc de Guyenne, et pour mieux le faire joindre à ce mariage. Mais le duc de Bourgogne prit trés-mal en gré ces advertissemens que le duc de Bretagne luy faisoit, et respondit au messager, incontinent et sur l'heure, que son maistre est oit mal adverty , et que c'estoient aucuns mauvais serviteurs qu'il avoit qui luy vouloient donner ces craintes, afin qu'il ne fist son dévoir de le secourir, comme il y estoit obligé par ses alliances ; et qu'il estoit mal informé quelles villes estoient Gand, ny les villes où il disoit que le Roy l'assiegeroit , et qu'elles estoient trop grandes pour assiéger : mais qu'il dit à son maistre la compagnie en quoy il le trou voit, et que les choses estoient autrement; car luy délibérait de passer la rivière de Somme et de combattre le Roy s'il le trou voit en son chemin, pour l'en garder; et qu'il Vôuloit prier audit duc son maistre, de par luy, qu'il se voulust déclarer en sa faveur contre le Roy, et luy estre tel comme le duc de Bourgogne luy avoit esté en faisant le traité de Peronne.

Le lendemain s'approcha le duc de Bourgogne d'un lieu sur la rivière de Somme qui s'appelle Picquigny, une assiette trés-forte; et là auprès deliberoit ledit duc de faire un pont dessus la rivière de Somme : mais par cas d'adventure y avoit dedans la ville de Picquigny logé quatre ou cinq cens francsarchérs, et un peu de nobles. Ceux-là , comme ils ^ virent passer le duc de Bourgogne, saillirent à l'escarmouche du long d'une chaussée qui estoit longue, et se mirent si avant hors de leurs places, qu'ils don*

DE PHILIPPE DE COMITES. [l47°] IJ

lièrent occasion aux gens du duc de Bourgogne de les chasser; et les suivirent de si prés qu'ils en tuèrent une partie devant qu'ils peussent gagner la ville, et gagnèrent le fauxbourg de cette «chaussée; et puis on amena quatre'ou cinq pièces d'artillerie, combien que par ce costé la ville fust imprenable, par ce qu'il y avoit rivière entre deux : toutesfois ces francs-archers eurent peur, pour ce qu'on faisoit un pont, qu'on ne les assiegeast de l'autre costé. Ainsi ils désemparèrent la place , et s'enfuirent. Le chasteau tint deux ou trois jours, et puis s'en allèrent tous en pourpoint. , >+

Ce petit exploit donna quelque cœur au duc de Bourgogne , et se logea es environ d'Amiens , et y fit deux ou trois logis, disant qu'il tenoit les champs pour voir si le Roy le vouloit venir combattre : et à la fin s'approcha fort prés de la ville, et si prés que son artillerie tirait à coup perdu, par dessus et dedans la ville; et là se tint six sepmaines. En ladite ville y avoit bien quatorze cens hommes-d'armes de par le Roy, et quatre mille francs-archers; et y estoient monseigneur le connestable et tous les grands chefs de ce royaume, grand-maistre , admirai, mareschal, seneschaux, et largement gens de bien. Le Roy fut cependant à Beau vais, où il fit une bien grande assemblée; et estoit avec luy le duc de Guyenne son frère, et le duc Nicolas de Calabre, fils aisné du duc Jean de Calabre et de Lorraine , et seul héritier de la maison d'Anjou. Avec le Roy estoient les nobles du royaume assemblez , par manière d'arriereban : et ne faut point douter, à ce que depuis j'ay entendu,

que ceux qui estoient avec le Roy n'eussent desia ia. a

l8 [ 1 470J MEMOIRES

grande et banne volonté de connoistre la malice de cette entreprise, et voyaient bien qu'il n'a voit point encore fait, mais estoit en guerre plus que jamais. Ceux qui est oient en la ville d'Amiens firent une entreprise pour assaillir le due de Bourgogne en son ost, pourveu que le Roy voulust envoyer joindre avec eux l'armée qu'il avait avec luy à Beauvais.

he Roy, adverti de cette entreprise, la leur envoya deffenclre, et de tous poincts la rompre: car combien quelle semblast advantageuse pour le Roy, toutesfois y avoit du hasard pour ceux qui saillaient de la ville par especial; car tous sailloient par deux portes, dont l'une estoit prés de lost du duc de Bourgogne; et s'iU eussent failly à la desconfire d'entrée, ils eussent esté en danger de se perdre, et de perdre la ville. Eij ces entrefaites, envoya le duc de Bourgogne un page nommé Simon de Quingey, qui depuis a esté baillif de Troye; çt escrivit au Roy six lignes de sa main , s'humiliant envers luy , et se douloit de quoy il luy avoit ainsi couru sus à l'appétit d'autruy, et qu'il croyoit que s'il eust esté bien informé de toutes choses , qu'il ne l'eust pas fait.

Or l'armée que le Roy avoit envoyée en Bourgogne «voit desconfi toute la puissance de Bourgogne qui estoit saillie aux champs, et pris plusieurs prisonniers. Le nombre des morts n'estqit pas grand , mais la desconfiture y estoit ( x ) : et si avoient desja assiégé des places et pris, qui esbahissoit un peu ledit duc; toutesfois il faisoit semer en son ost tout le contraire, et que les siens avoient eu du meilleur. Quand le Roy

(0 La desconfiture jr estoit : Il est parlé de cette guerre de Bourgogne dans la chronique de Jean de Troyes.

DE PHILIPPE DE COMITES. [l47°] IO

eut veu ces lettres que ledit duc de Bourgogne luy avoit escrites, il en fut trés-joyeux, pour la raison que avez ouye cy- dessus, et aussi que les chose* longues luy ennuyoknt; et luy fît response, et envoya pouvoir à aucuns qui estoient à Amiens, pour entrer en une trêve : et si en fit deux ou trois- de quatre ou cinq jours, et à la fin finale en fit une d'un an (0, comme il me semble, dont le connestable eomte de Sainct-Paul monstroit signe de desplaisir: car sans nulle doute (quelque chose que les gens, ayent pensé ou sceussent penser au contraire) ledit eomte de Sainct-Paul estoit lors ennemi capital du duc de Bourgogne : et eurent plusieurs parolles , et oncques puis n'y eut amitié de l'un à l'autre, comme vous avez veu par l'issue; mais bien ont envoyé lea ans vers les autres pour se pratiquer, et chacun» pour s'aider de son compagnon : et ce que le duc e» faisoit, c'estoit tousjours pour cuider ravoir Sainct- Qûentin. Semblablement , quand le connestable avoit peur ou crainte du Roy > il la luy promettait: rendre: et y eut des entreprises ou les gens du duc de Bourgogne, par le vouloir dudit connestable, en approchèrent, et les faisoit venir deux ou trois lieues prés pour les mettre dedans; et quand ce venait au joindre , ledit connestable se repentoit, et les contre* mandoit, dont à là fin mal luy en prit,: car il cuidoit,

(0 En fit une cCun an : Cette trêve , signée le 3 octobre 1471 , ne fit que confirmer les traités d'Arras , de Conflans et de Peronne. Gomme on ignoroit les motifs secrets qui avoient déterminé Louis à signer une tqèvç, il y eut beaucoup de murmures parmi les troupes , et même à Paris. On y afficha des placards contre le Roi. Le duc de Bourgogne, pour se tirer d'embarras , avoit informé le Roi des intrigues des princes.

pour la situation où il estoit et le grand nombre de gens que le Roy luy payoit, les tenir tous deux en crainte par le moyen du discord où ils estoient, auquel il les entretenoit : mais son entreprise estoit trésdangereuse, car ils estoient trop grands, trop forts et trop habiles tous deux.

Apres ces armées départies , le Boy s'en alla en Touraine, et le duc de Guyenne en son païs, et le duc de Bourgogne au sien : et demeurèrent une pièce les choses en cet estât, et tint le duc de Bourgogne grande assemblée d'Estats (0 en son païs , pour leur remonstrer le dommage qu'il a voit eu de n'avoir des gens-d'armes prests, comme a voit le Roy; et que s'il eust eu le nombre de cinq cens hommes-d'armes prests pour garder les frontières, que jamais le Boy n'eusl entrepris cette guerre, et fussent demeurez en paix: et leur mettoit en avant les dommages qui estoient prests de leur en advenir, et les pressoit fort qu'ils luy voulussent donner le payement de huit cens lances. Finalement ils luy donnèrent six vingt mille, escus, outre et par dessus ce qu'ils luy donnoient; et en cecy n'estoit pas comprise Bourgogne : mais grand doute faisoient ses sujets , et pour plusieurs raisons, de se mettre en cette subjetion où ils voyoient le royaume de France, à cause de ses gens-d'armes» À la vérité leur grand doute n'estoit pas sans cause ; car quand il se trouva cinq ou six cens hommes-d'armes, la volonté luy vint d'en avoir plus, et de plus hardiment entreprendre contre tous ses voisins. Et de six vingt mille escus les fit monter jusques à cinq cens

(0 Cette assemblée des Etats de Bourgogne se tînt à Abberille, en juillet et août 1471-

DE PHILIPPE DE COMINES. [l47<>] 21

mille , et creut des gens-d'armes en très-grande quantité; dont ses seigneuries ont eu bien à souffrir. Et croy bien que les gens-d'armes de soulde sont bien employez y sous l'auctorité d'un sage roy ou prince : mais quand il est autre, ou qu'il laisse enfans petits, l'usage à quoy les employent leurs gouverneurs n'est pas tousjours profitable, ny pour le Roy rîy pour ses sujets.

La haine ne diminuoit point entre le Roy et le duc de Bourgogne, mais tousjours continua. Et ledit duc de Guyenne, estant retourné en son païs, renvoyo.it souvent vers ledit duc de Bourgogne pour le mariage de sa fille, et continuoit cette poursuite, et ledit duc l'entretenoit : aussi faisôit-il avec tout homme qui la demaftdoit, et croy qu'il n'eust point voulu avoir de fils , ny que jamais il eust marié sa fille tant qu'il eust vescu; mais tousjours Peust gardée, pour entretenir gens pour s'en servir et aider : car il taschoit à tant de choses grandes, qu'il n'avoit point le temps à vivre pour les mettre à fin; et estaient choses quasi impossibles , car la moitié d'Europe ne feust sceu contenter. Il avoit assez hardement pour entreprendre toutes choses; sa personn^pouvoit assez porter le travail qui luy estoit nécessaire. Il estoit assez puissant de gens et d'argent; mais il n'avoit point assez de sens ne de malice pour conduire ses entreprises : car avec les autres choses propices à faire conquestes, si le très-grand sens n'y est, tout le demeurant n'est rien; et croyez qu'il faut que cela vienne de Dieu. Qui eust pu prendre partie des conditions du Roy nostre maistre et partie des siennes , on en eut bien fait un prince parfait; car sans nulle

doute le Roy en sens le pa&oit de trop: et la fin l'a monstre par ses œuvres.