CHAPITRÉ VIL

Comment le roy Edouard retourna en Angleterre , oy. il de/fit en bataille le comte de fFarvic , et le prince de Galles après.

Le roy Edouard partit l'art 1471, ainsi que le duc die Bourgogne alloit contre le Boy à Amiens : et sembloit bien audit duc que le faict d'Angleterre ne pourroit aller mal pour luy, et qu'il avoit amis aux deux costez. Dés que le roy Edouard fut à terre, il tira droit à Londres ; car il y avoit plus de deux mille hommes tenans soq party dedans les franchises, dont il y avoit trois ou quatre cens chevaliers et escttyers : ce qui luy fut grande faveur, car il ne descendoit pas à grands gens. Dés que le comte de War-

DE PHILIPPE DB COMINES. [l47ûj fy]

Vie, lequel estoit au North avec grande puissance, sentit ces nouvelles, il se hasta de retourner vers Londres, espérant y arriver le premier; toutesfois luy sembloit-il bien que la ville ti endroit pour luy : mais autrement en advint, car le roy Edouard y fut receu le jeudy sainct (0, à très-grande joye de toute la ville: qui estoit contre l'opinion de. la plu spart des gens r car chacun le tenoit pour tout perdu ; etr s'ils luy eussent fermé les portes , en son fait n'y avoit nul remède, veu que le comte de Warvic n'estoit qu'à une journée de luy. À ce qui m'a esté conté, trois choses furent cause que la ville se tourna des siens. ' La première, les gens qu'il avoit es franchises, et la Reyne sa femme qui avoit eu un fils. La seconde, les grandes debtes qu'il de voit en la ville, pour quoy « les marchands, à qui il devoit, tinrent pour Luy. La tierce , plusieurs femmes d'Estat et riches bourgeoises de la ville , dont il avoit eu grande privauté et grande accointance , luy gaignerent leurs maris et de leurs parens. Il ne séjourna que deux jours dedans la ville; car il partit la vigile de Pasques avec ce qu'il pût amasser de gens , et tira au devant du comte de Warvic , lequel il rencontra le lendemain au matin , qui fijt le jour de Pasques (*) : et comme ils se trouvèrent l'un devant l'autre, se tourna le duc de Clarence, frère dudit Edouard , avec luy, avec bien douze mille hommes, qui fut grand esbahissement au comte de Warvic et grand reconfort audit Roy, lequel avoit peu de gens.

Vous avez bien entendu par ci -devant comme

(») Jeudy sainct .*■ L'ancien imprimé t lundi sainct. (») Le jour de Pasqua : Le 1 4 avril.

48 ['47°] MBMOIRES

cette marchandise dudit duc de Clarence avoit esté menée : et nonobstant tout, si fut la bataille trés-aspre et trés-forte. Tout estoit à pied d'un costé et d'autre. L'avant-garde du Roy fut fort endommagée, et joignit la bataille du comte de Warvic. jusques à la sienne, et de si prés que le roy d'Angleterre combatit en sa personne autant ou plus que nul homme qui fut des deux costez. Ledit comte de Warvic n'estoil jamais accoustumé de descendre à pied, mais avoi de coustume, quand il avoit mis ses gens en besogne de monter à cheval : et si la besogne allait bien poui luy, il se trou voit à la meslée; et si elle alloit mal . il se deslogeoit de bonne heure. A cette fois il fut contraint par son frère le marquis de Montagu, lequel

, estoit très- vaillant chevalier, de descendre à, pied, et d'envoyer les chevaux. Tellement se porta cette journée que ledit comte mourut (0 , et son frère le marquis de Montagu, et grand nombre de gens de bien : et fut la déconfiture très-grande , car la délibération

f du roy Edouard estoit, quand il partit de Flandres* qu'il n'useroit plus de cette façon de crier qu'on sauvas t le peuple et qu'on tuast les gens de bien, comme autrefois il avoit fait en ces batailles précédentes ; car il avoit conceu une très-grande haine contre le peuple d'Angleterre, pour la grande faveur qu'il voyoit que le dit peuple portoit au comte de Warvic, et aussi, pour autres raisons , pour quoy à cette fois ils ne furent point espargnez. Du costé du roy Edouard mourut quinze cens hommes , et fut cette bataille fort combatuë.

(0 Ledit comte mourut : Sur le champ de bataille où fut tué le comte de Warwick et le marquis de Montagu son frère. Voye* Paul Emile.

DE PHILIPPE DÉ ÇOMINES. [f47<] 49

Au jour de ladite bataille estait le duc de Bourgogne devant Amiens, et eut lettres de la duchesse sa femme qiie le roy Edouard n'estoit pas content de luy, et que l'àyde qui kiy a,voit esté faite avoit esté faite en mauvaise sorte et à grand regret, et qua peu tint qu'il ne l'eust abandonné. Et pour dire la vérité, l'amitié ne fut jamais grande depuis : foutesfois il en fit son profit, et fit % fort publier cette nouvelle. J'ay oublié à dire comment le roy Henry fut mené en cette bataille; car le roy Edouard le trouva à Londres. Ledit roy Henry estûit homme fort ignorant, et presque insensé : et si je rivn ay ouy mentir, incontinent après cette bataille le duc de Cloçestre, frère dudit roy Edouard, lequel depuis a esté roy nommé Richard, tua de sa main ou fit tuer en sa présence, en quelque Keu à part, ce bon homme nommé le roy Henry. Le prince de Galles, dont j'ay parlé, à l'heure de cette bataille estpit ja descendu en Angleterre, et^estoient joints avec luy les ducs de Gestre et Somerset , et plusieurs autres de sa lignée , et des anciens partisans ; et y avoit plus de quarante raille personnes, comme m'ont dit ceux qui y estoient : et quand le comte de Warvic l'eust voulu attendre, iL y a grande apparence qu'ils fussent demeurez les seigneurs et maistres. Mais la crainte qu'il avoit dudit de Somerset, dont il a fait mourir père et frère, et aussi de la reyne Marguerite (0 , mère

(*> Marguerite, veuve à^ Henri vr, roi d'Angleterre, privée de tous ses enfans , 'vint en Anjou finir ses jours , et mourût à Dampierre près de Saumur, chez un gentilhomme nommé François de La Vignolle, seigneur de Morains, qui autrefois avoit été serviteur du roi René de Sicile, père de cette reine. On lit dans l'Histoire d'Anjou, de 12. 4

5o , ['47 1 ] MEMOIRES

dudit prince, qu'il craignoit, fut cause de le faire combattre tout à par soy sans les attendre. Regardez donc combien durent ces anciennes partialitez, et combien elles sont à craindre, et les grands dommages qui en adviennént.

Dés que le roy Edouard eut gagné la bataille , il tira au devant dudit prince de Galles; et là y eut une trèsgrosse bataille , car ledit prince de Galles avoit plus de gens que le Roy : toutesfois ledit roy Edouard en eut la victoire , et fut le prince de Galles tué sur le champ, et plusieurs autres grands seigneurs , et très - grand nombre de peuple; et le duc de Somerset pris, lequel eut dés le lendemain la tête tranchée. En onze jours gagna le comte de Warvic tout le royaume d'Angleterre; au moins le mit en sou obéissance. Le roy Edouard le conquist en vingt et un jours ; mais il y eut deux grosses batailles , et aspres, Ainsi voyez quelles sont les mutations d'Angleterre! Ledit roy Edouard fit mourir beaucoup de peuple en plusieurs lieux, par especial de ceux qui avoient fait les assemblées contre luy. De tous les peuples du monde, celuy d'Angleterre est le plus enclin en ses batailles. Apres, cette journée est demeuré le roy Edouard pacifique en Angleterre jusques à sa mort, mais non pas sans grand travail d'esprit et grandes pensées. Je

Jean de Bourdigné, première partie, chapitre 3 : « Après beaucoup « de malheurs , traverses et persécutions que cette princesse endura « en Angleterre , elle se réfugia en Franqp, où depuis elle fit don au m toi Louis xi dé tous ses droits et prétentions sur diverses terres et « seigneuries, en considération du bon accueil, assistance et secours « qu'elle avoit eus de ce prince pendant ses adversités. » Cette rein* avoit déjà fait d'autres traités avec Louis xi.

DE PHILIPPE DB COMINES. [l47*] 5l

me veux taire de plus vous advertir de ces faits d'Angleterre , jusques à ce qu'ils servent à propos eft quel- ■ que autre lieu.