Ou, au

4. Sympliorien de Durfort, seigneur de Duras. 3. Anne de Montmorency.

MEMOIRES D AUBIGNE M

luy reprocher son inhumanité, et toutes fois sans injures: car il respondit à ceux qui luy en vouloyent faire dire qu'il ne pouvoit insultare afflicto.

En ces jours là, quatorze capitaines touchent en la main pour essayer la reprise des Tourelles, mais il n'y eut que six qui teindrent promesse et sautèrent dans le retranchement. Là le sieur d'Aubigny eut un coup de picque au dessoubs de la cuirasse, et, sa playe estant à demi guérie, il fut choisi pour la negotiation de la paix qu'il traitta passant en batteau à la Poule Blanche du Portereau, où estoit logé la royne; aussi fut il le quatriesme qui, de son party, entra dans le pavillon violet de l'Isleaux-Bœufs, où se fît la paix^.

En faveur de ce traitté et de ses autres services, luy fut donné Testât de maistre des requestes, pour servir de chancelier en la Cause. En quoy le sieur de Chavagnes^ succéda après sa mort.

La paix faicte, il se retira, dit à Dieu à son fils, luy recommanda ses paroles d'Anboise, le zèle de sa religion, l'amour des sciences, et d'estre véritable ami, le baisa hors sa coustume, puis demeura malade à Amboise d'un sac qui se fit en sa playe. Là il mourut, ne regrettant rien des affaires du monde, sinon que l'aage de son fils ne luy per-