MÉMOIRES D AUBIGNÉ

Le roy de Navarre, adverty de ces choses et sur le point de la mort du roy Charles', rappela son jeune homme, qui, voulant voir la mort du roy, fut trouvé par la roine mère sortant de chambre, elle advertie par Matignon^ qui haïssoit Aubigné pour luy avoir présenté un pistolet à la teste, et qui estoit d'ailleurs criminel de son nom en la mémoire de ceste royne; elle l'attaqua, reprochant qu'elle avoit de ses nouvelles de Normandie et qu'il sembleroit3 son père. Le galand ayant respondu : « Dieu m'en face la grâce ! » et ayant recognu aux mines de la dame, accompagnée de Lansac4 seulement, qu'il ne luy manquoit qu'un capitaine des gardes pour luy mettre la main sur le collet, fît sa retraicte, et la vouloit faire de tout point sans les conjurations qu'il receut de son maistre; et Fervacques de retour, lequel avec force reniements respondit pour son guidon qu'il ne laissa encor gueres en la cour, mais l'emmena avec tous les officiers du roy de Navarre prisonnier. Cela fut cause qu'il se trouva à la prise d'Archicourt en Allemagne, où il entra le premier, l'es-