Voy. Hiit. univ., t. Il, p

58 MÉMOIRES d'aUBIGNÉ

et des gens qui n'estoyent pas lors en bon humeur; puis, s'en retournant, accompagné de quinze harquebuziers à cheval de Castel-Jaloux, fut chargé par soixante chevaux légers de La Hait, auprès de Cours'. Nostre Aubigné choisit si bien ses avantages que l'attaquant laissa trois gentilshommes, et de l'autre part n'y eut que deux blessés. Mais il faillit à recevoir une grande honte en suivant son voyage dans les vignes de Sainct Preux ^ vers Jarnac : car, marchans à minuit dans un santier estroit, les cinq de Montaigu seulement, Aubigné le premier vit venir à luy des gens de cheval, qui, sans marchander, vindrent aux coups d'espée ; et est certain que si ses gens, qui ne vouloyent que passer, eussent peu prendre le large, ils l'eussent faict, estants entre quattre garnisons ennemies, et n'ayants rien de favorable au pays. Cependant c'eust esté une honte notable : cai ce n'estoyent que deux prestres, et deux autres yvrongnes, qui avoyent laissé leurs fourreaux en une taverne, s'estoyent jurez de charger tout : de quoy ils furent assez honnestement chastiez.

[i58o] Ceste année se passa à Montaigu en gentils exercices de guerre. Lacavallerie qui estoit