En

IIO MEMOIRES D AUBIGNE

corder sa demande, quelques excuses qu'il peust apporter, on donna la commission d'aller advenir le duc de Sully (qui pretendoit de présider) à ce que il s'abstint de l'assemblée, sinon aux occasions, selon lesquelles il voudroit parler de la part du roy.

A la fin de ceste assemblée, le duc de Sully luy ayant fait commendement, de par le roy, de se desjoin(|re, par les menées d'Aubigné qui seroyent longues à déduire, le duc de Sully fut contraint de partir luy mesme, ayant laissé à l'assemblée le brevet des places^ qu'il nioit avoir, et puis refusoit l'ayant monstre. En ceste mesme action, la compagnie ayant esté trois jours à desmesler un afaire pour Oranges, tellement implicite que les intérêts du roy, du prince d'Oranges, des esglises de Dauphiné et du Languedoc, du mareschal des Diguieres, de la ville d'Oranges à part, du sieur de Morges, du sieur de Blacons, et d'autres seigneurs notables du pays se chocquoyent, la compagnie ne voyant chemin de desmesler ces contrarietez, quelqu'un proposa qu'on commandast à un seul d'en faire la resolution, et qu'il seroit plus aisé de corriger sur l'escrit que sur les paroles qui s'en alloyent en l'air. Aubigné, choisy pour cela, demanda trois