TROISIESME POVRE
Aussi tien je que j'en feray Bien mon devoir.
Pierre
Veulz tu que je te die voir,
Galot? je ne vueil plus jesir.
740 Je n'ay de rien si grant désir
Con d'aler esbatre en la ville.
Je merci de foiz plus de mille
Dieu qui m'a mis en si bon point
Que gari sui, n'en doubtez point, 745 Et je ne l'oblieray pas.
Alon men, alon tout le pas Ensemble, amis»
xx xvi pierre le changeur 255
Galot Alons, sire, puis qu'a ce mis
S'est vostre vueil.
Pierre A ces trois povres donner vueil j5o
Qui ci viennent de mon argent.
Tendez les mains, ma bonne gent, Ligiérement; ne detriez.
Tenez, je vous pri que priez
A Dieu pour moy. 755
Premier povre Puis que vous me donnez de quoy, Prier Dieu pour vous sui tenuz.
210 c Celui qui voult povres et nuz
Pour humains en la croiz morir
Le vous vueille, sire, merir 760
Et rendre a Pâme.
Deuxiesme povre Celle qui est royne et dame De paradis, sire, vous face Tel que veez Dieu en la face
Voire sanz fin. 765
Troisiesme povre Amen! je Tem pri de.cuer fin Que de paradis le face hoir.
Voirement dit bien celi voir Qui premier dit : c qui va si lèche, »
Et aussi dit : « qui siet si sèche. > 770
S'au vin encore assis fussions, A cest argent failli eussions
Que nous avons.
Premier povre Pour combien le fait ne savons ; Mais puis que le preu en est nostre, 775
Disons en chascun patenostre,
Si ferons bien.
256 MIRACLE DE XXXVi
Deuxième povre Certes a grant merveille tien Qu'il est devenu aumosnier ; 780 Car n'a gaires qu'un seul denier
Ne donnast pour rien qu'avenist, Mais d'un baston, s'il le tenist, Voulentiers batoit povre gent.
Esbahiz sui que son argent 785 Ainsi départ.
Troisiesme povre Dieu le veult, espoir, a sa part . Avoir ; pour ce li fait ce faire, Car souvent sanz a nul meffaire Diex euvre tellement de fait 790 Que d'un pécheur un juste fait
Digne de gloire.
Premier povre Certes, tu diz parole voire :
Ainsi sa bénignité moustre. 210 d
Laissons ester; alons men oultre, 795 Si ferons miex.
Le marinier
Que feray je, bUu sire Diex ?
Je sui en estrange pais.
Elas ! bien doi estre esbahiz.
Je me voy nu et entrepris, 800 Ce que n'avoie pas apris ;
Car je soloie assez avoir
Robe a vestir et de l'avoir,
Que j'ay tout en la mer per x du.
Las! je doy bien estre esperdu, 8o5 Et si sui je certainement.
Conment me cheviray? conment?
Certes il me fault truander
Et aux bonnes gens demander
PIERiB LE CHANGEUR 267
Ça et la tant que vestuz soie
D'aucun gros garnement sanz soie. 810
Helas ! onques mais je ne fui
En la povreté ou je sui :
Ne me scé conment contenir.
Un riche bourgeois voy venir,
Ce me semble a son appareil; 8 15
L'aumosne demander li vueil.
Sire, pour la Dieu amistié ,
Ci li chiet aux pieds.
De ce nu vous prengne pitié.
Donnez me pour couvrir mon corps,
Que Dieu vous soit misericors. 820
Vostre aumosne ne me veez,
Car certes plus que ne veez
Sui aggrevez. .
Pierre Mon ami, levez sus, levez.
Jecroy bien que vous dites voir, 825
Que vous estes povre d'avoir ; Au moins vous voy j'en petit point, Il me semble, quant n'avez point Que vestir, que c'est grant besoing.
Tenez, ce garnement vous doing : 83o
Pour l'amour Dieu soit, et vous pri a 1 1 a Que vous le vestez sanz detri
Et le portez.
Le marinier Sire, puis que m'en enortez, Si le vestiray devant vous. 835
Ore vestu sui, sire doulz.
S'il vous plaist, a tant m'en iray Et a Dieu vous conmanderay
Pour ore, sire.
Pierre Vaz. Dieu te gart d'annui et d'ire, 840
Mon ami doulx.
Lb marinier
Je seray trop folz et estouz, Se plus dès ores mais m'atir À ce garnement ci vestir, 845 Qui si riche est et si honneste.
Ne sui pas digne que le veste; Il m'en vaulra miex l'argent prendre :
*Despoullier le vueil et le vendre.
Car tout plain d'argent en aray, 85 o Dont en plus d'un cas m'aideray.
Sur m'espaule le vueil porter Et moy ça et la déporter, Ne ne cesseray, que je puisse, Jusques a tant que marchant truisse 855 A qui il siesse.
Le marchant Amis, se ja ne vous meschiéce, Ce que sur vostre espaule voy, Est ce a vendre? dites le moy.
Se m'en voulez faire raison, ' 860 En l'eure sanz arrestoison
L'acheteray.
Le marinier Oil, je le vous venderay, Se voulez, sire.
Le marchant Avant que pris y vueilliez dire, 865 Monstrez le moy.
Le marinier Tenez : il me plaist bien, par foy; 2îi i
Veez le bien.
Le marchant Je l'ay assez veu. Combien Le faites vous?
Le marinier
Je le vous donray, sire doulx, 870
Pour trente livres.
Le marchant Marie t vous n'estes pas yvres De le faire, amis, tant d'argent.
Le garnement est bon et gent, Mais ne le vueil plus barguignier, 875
Car je n'y voy pas a gaakignier Sur si grant pris.
Le marinier Et de combien ay je mesprîs A parler, qu'il vous soit advis ?
Par amour, faites m'en devis, 880
Que je le sache.
Le marchant Amis, en voulez vous en tache Douze livres ? C'est assez, voir.
Je n'en voulroîe pas avoir Un tel après pour tant d'argent. 885
Octroiez le moi de cuer gent,
Car c'est assez.
Le marinier S'a plus grant pris vous ne passez,
Ne Tarez mie.
Le marchant Par la foy que je doy m'amie, 890
Qui a non bource, c'est assez.
Je vous lo que le m'y laissez,
Sire compains.
Le marinier Certes, ne le donrray pour mains De vint livres petiz tournois, - 895
Ou vendu ne sera des moys,
Je vous dy bien.
2Ô0 MIRACLE DE XllVI
Le MARCHANT
Sa I celle main : je le retien. 211 c
Sur ma perche le jetteray 900 Jusqu'à taat que je revenray.
Venez ent, ne vous esmaiez :
Vous serez en l'eure paiez En bon or fin.
Le marinier Alons : je paieray du vin 905 Trop voulentiers.
Pierre
Galot amis, endementiers
Que Dieu me preste espace et temps,
3e vueil que tu voises, entens,
Aux petiz mesnagers honteux 910 De ceste ville souffretteux,
Et cest argent ci leur donrras ;
Et selon ce que les verras
Plus povres, plus euvres tes mains,
Plus leur donne, et aux autres mains.
91 5 Or ne soies fol ny estout:
Ains que reviengnes donnes tout,
Et a ceulx a qui tu donras
Humblement tu leur requerras Prier pour moy.
Galot 930 Voulentiers, sire, en bonne foy :
Je vois estre vostre aumosnier.
Certes n'en retenray denier Que tout ne doingne.
Pierre
Et je m'en vois, ains qu'en besoingne 925 Nulle me mette, oir la messe
En nostre moustier. Egar ! qu'est ce?
N'est ce pas ci le garnement
Que je donnay, n'a pas granment, Au povre qui tout nu estoit, Qui si a mes piez se jettent g3o
En suppliant que li feisse Pour Dieu que je le revestisse ?
Si est, bien voy qu'il Ta vendu, Puis qu'a ceste perche est pendu ; sud Je ne le vueil plus regarder. 935
Au moustier m'en vois sànz tarder.
G'i sui venuz assez a point, Qu'encore n'y chante l'en point.
Ici me vueil agënoillier.
Ne me scé conmeht conserllier 940
De la grant tristesce et de lire Que j'ay qui si me trouble, sire, Que ne vous puis a droit orer Ne mon cuer tenir de plourer :
Le povre revéstu avoie, 945
Voire, pour ce que j'esperoie Qu'il le vestist si longuement Qu'il pourroit durer bonnement ; Et il l'a vendu sanz demour.
Elas 1 qu'en puis je se je plour ç5o
Et me trouble, père bénigne, Quant je me voi estre non digne Que m'eust le povre en mémoire ?
Hal tresdoulx Diex, père de gloire, Ce me fait au cueur grant annuy. 955
Egar I qu'ày je? Si pesant sui Du courroux qu'en mon cuer ay pris Et du plorer qui m'a surpris Que je ne me puis esveillier.
Cest nient : il me fault sommeillier 960 Eh ceste place.
z6a mjraclb de XI1V1
Dbu Or suz, touz, sus f sanz plus d'espace Descendez a terre bonne erre* Parler vueil a mon ami Pierre 965 Qui la sommeille.
Premier ange N'y a nul qui faire ne vueille Vostre gré, sire.
Nostre Dams En alant pensez d'un chant dire Tel que touz nous puist esjoir 970 Et si hault c'on vous puist oir
De tous costez.
DeUXIESMB ANGE
Dame, toutes voz voulentez 212 a
Ferons, c'est droiz.
Thoisiesme ange Avant, disons entre nous troys 97S Ce chant ici qui bel me samble.
ROMBBL
Humble vierge, a qui ne resemble
Personne née, Par droit devez estre honnorée Plus que nulle autre, ce me semble, 980 Et miex amée,
Humble vierge, a qui ne ressamble
Personne née, Quant mère d'omme et Dieu ensemble
Estes nommée 985 Et sur touz anges couronnée,
Humble vierge, a qui ne ressamble
Personne née, Par droit devez estre honnourée*
Dieu Pierre, qui as si la pensée
Troublée, pour quoy pleures tu ? 990
Ce garnement que j'ay vestu, Le congnois tu point? dy me voir.
Vestu Fay, si te fas savoir, % Dès lors qu'au povre le donnas, De quoy m'amour par ce don as : 995
Or ne la pers pas, ny effaces ; Et encore te scé grans grâces De ce que quant m'as veu nu Et povre, tu m'as revestu
Si bonnement. 1000
Nostre Dame Il te dénonce soutiennent Que bien ou mal qu'au povre on fait A li meismes tient qu'il est fait.
Partons de ci.
Premier ange Puis qu'il vous plaist, soit, dame, ainsi. ioo5 Pardisons nostre chant ensemble.
. La fin du rondbl p&ecbdext
212 b Quant mère d'omme et Dieu ensemble
Estes nommée Et sur touz anges couronnée, Humble vierge, a qui ne ressamble
Personne née, Par droit devez estre honnourée.
Pierre Ha ! sire Diez, estre loée Doit bien vostre bénignité De moy , qui sui en vérité 1 o 1 5
Plus grant pécheur que ne puis dire.
Benoiz soient les povres, sire !
Si sont il, quant tant les amez Qu'amis et frères les clamez, Et quant aucun bien on leur fait. ioto
A vous le tenez estre fait.
Et puis que les avez si chter,
Certes mon avoir depescfaier
Vueil si que je ne fineray îoaS Tant que poivre conme eulz seray.
Dealer m'en me vueil appartir,
Et tout mon meuble départir
Et donner, sanz rien possesser ;
D estre riche me vueil cescer. '.
Ici fait un po de pose et vient • ta maison.
Aussi que d'un costé départ io3o Mon clerc, je m'en vois d'autre part
Ceci pour Dieu distribuer.
Mon estât vueil du tout muer Et povre homme estre.
Galot io35 Mon sac puis bien jus aler mettre :
N'y est demouré d'argent goûte Que tout ne soit donné sanz doubte.
Je vois savoir qui est leeos.
Egar! il n'a ame ceens. .
1040 Puis qu'ainsi est, ci me tenray
Et mon seigneur attenderay Tant qu'il revieqgne.
Pierre
Plaise a Dieu que si bien me viengne
Du mien que vien de départir
1 045 Qu'a sa gloire puisse partir : 212 c
Si aray lors vraie richesce.
Egarl es tu ci, Galot? qu'est ce?
Est tout donné ?
Galot
Oil, certes, c'est tout fine.
io5o J'ay trouvé de povreté tant
PIERRE. LE CHANGEUR 2f65
Que, se Festoie racontant,
Ne seroit nul qui vous tenist .
Que plourer ne vous convenist
De pitié pour la povreté
Que j'ay veu en vérité ; i o5 5
Car en tel mesnage esté ay
Ou pain ne paste ne trouvay,
Mais que cinq enfans et le père
Tous gisans et la povre mère.
Et savez conment il gisoient ? 1 060
Q'un po de viez paillier n'avoieht
Qu'il ne fussent a terre plate,
Et couvers d'une vielle nate.
Ne scé conment peuent durer,
Ne la povreté endurer 106 5
Qu'il endurent, ne la souffraite.
Certes, noble aumosne avez faicte,
Sire, au jour d'ui. • Pierre Mais qu'en gré le prengne celui Pour qui je l'ay fait, bien me plaist. 1070 Galot, laisson ester ce plait :
Je t'ay bien a dire autre chose ; Mais avant que la te propose, Tu me juferas par ta foy Que personne nulle par toy 1 075
Ne le sara.
GAtOT
Mon seigneur, ce qu'il vous plaira Feray de cuer, g'i sui tenuz ; Je vous jur par ma foy que nulz, Tant com vive, ne sara, sire, 1080
Ce qu'en secré me voulez dire, Quant le saray.
212 d Pierre
Galot, et je le te diray
l66 MIRACLE D€
Tout premièrement : tu scez bien io85 Que corne mon serf je te tien,
Et pour ce, se ne m'obeis Aussi bien conme onques feis Et ne fais ce que te diray, Saches que je te venderay, 1090 En servitute grève et pesme,
Aux barbarans : telle est mon esme ; Et, se tu fais ma voulenté, Du mien te donray a planté Et te lairay, a brief parler, 1095 Dès ores mais con frans aler
Sanz plus cerf estre.
Galot Or vous plaise a moy dire, maistre, Yci endroit sanz plus d'espace Que c'est que voulez que je face ; 1100 Jevousempri.
Je le te diray sanz detri. En ce sac ci a vint mars d'or Que je te doin, c'est biau trésor ; Si vueil que tu les monteploies 1 io5 Et qu'en denrées les emploies ;
Quant bien emploiez les aras, En Jherusalem les menras Et moy aussi sanz point d'atente, Car ne pourra estre, a m'entente, x 1 10 Que n'y prouffites et amendes ;
Et la vueil je que tu me vendes, Et l'argent que tu en prenras Aux povres pour Dieu le donras Sanz le plus dire.
Galot 1 1 1 5 Diex ! qu'est ce que me dites, sire ?
Vous voulez que je mal vous rende
Pour bien, qui voulez que vous Tende.
Je seroye bien plain de rage Se vous faisoie tel oultrage.
2i3 a, Autre vendeur que moy querez, 1 1 ao
Que de ce que me requérez Ne feray rien.
Pierre Ne feras ? et je te dy bien, Tu y aras si grant pechié Qu'il t'iert devant Dieu reprouchié . 1 125 Oultre, quant ne me venderas, Je te promet vendu seras.
Or regarde se plus envie As d'estre serf toute ta vie, Povre, et vivre en maleurté 1 1 3o
Que d'estre a richescc ahurté Et franc aussi.
Galot
Sire, puis qu'il vous plaist ainsi, Je feray tout vostre devis,
Mais sachiez je le fas envis. 1 1 35
Ça, s'il vous plaist, ainsi ferons ;
En Jherusalem en irons.
De vous vendre me peneray
Et puis quant vendu vous aray
Quanque pour vous aray d'argent 1 140
Je vous jur qu'a la povre gent Sera donné.
Pierre
La vueil je qu'il soit assené
Sanz ailleurs estre départi,
Mon ami Galot, et parti 1145
Tant seulement; il me souffist.
Alons men ; celi qui nous fist
Nous soit conduit de sauveté ;
Et puis que fais ma voulenté,
1 1 5o Par ceste clef ci en pur lais
Tout môtl avoir te doing et lais :
Quant ici retourné seras, Conme le tien le prenderas, Je m'y accors.
Galot
i 1 55 Piteux, doulx et misericors
Vous soit î)iex, sire, de ce don, '
Et de ce bienfait guerredon 2i3 b
Ore de tout ce parle l'en.
Nous entrons en Jherusalem.
1 1 60 Quel le ferons?
Pierre
En plain marchié nous en irons
Et la nous tenrons une pièce
Jusqu'à tant que marchant eschièce Qui me requière.
Galot 11 65 Alons, et soit en la manière
Fait, siré, que vous devisez.
Nonpourquant me sui advisez
D'un paien qui en ceste ville '
Demeure, c'on nomme Zoile, 1 1 70 Qui est homme de grant richesce
Et courtois et plain de noblesce
Et si est homme de puissance.'
J'ay bien a li de congnoissahce
Tant que, se passer le veoie, 1 175 De nostre fait li parleroye
Qu'avons a faire.
Pierre '
S'il est homme de bon affaire;
Je voulroie bien qu'en parlasses
Afin que tu me délivrasses - 1 180 D'estre vendu.
Galot N'avons q'un po ci attendu ; Soions y encore un po d'eure, Et j'enquerray ou il demeure Au premier venant cy par foy.
E ! sanz doubte venir le voy. 1 185
Je ne scé ou il tent aler, Mais je m'en vois a li parler.
Mon seigneur, ici m'attendez.
Sire, quel part aler tendez ?
Dites le moy. 11 90
Zoille E ! Galot, es tu ci ? par foy, Bien veignant ! Tu es en bon point, 21 3 c Ce me semble; ne me mens point :
Qui t'a fait ton pais laissier Et en ceste ville adressier 1 1 95
Et venir ci?
Galot La cause, sire, vez la ci.
Pour voir vous puis donner entendre J'ay un mien serf que je vueil vendre :
Je vous lo que vous Tachetez, 1200
Et se Pavez, ne vous doubtez, Qu'il vous sera bien prouffitable , Car loiaux est et véritable.
Il aime Dieu sur toute rien Et le sert conme crestien : 1205
Si vous di bien que qui l'ara Tel qu'il est vivre le laira, Sanz li tant soit po oppresser Qu'a sa loy vueille renoncer
N'a sa créance, 12 10
Zoilb Se ton Dieu te gart de meschance, Est il tel com tu le m'enortes?
De m'en dire ne te déportes La vérité.
I2l5 Galot
Je vous jur, par ma loyauté, Que se Pavez dedanz brief terme, Diex pour lui, je le vous afferme, Voz besongnes si bien fera Et voz biens montepliera 1 320 Tant qu'en serez touz merveilliez.
Si vous conseil que le vueilliez Par achat prendre.
Zoile Et combien le voulras tu vendre?
Di : je t'orray.
Galot 1225 Pour cent besans le vous donray,
Sire, se Pi voulez avoir.
Prenez Pi, que, sachiez de voir, Il les vault bien.
, Zoile 2i3 d
Galot, et je vueil qu'il soit mien 1 s3o Pour le grant bien que tu m'en dis.
Or ça, paier te vueil tandis Que j'ay espasce. Galot Et j'ouverray tantdis ma tasse Pour les mettre que compterez* 1235 Certes de li vous louerez
En la parfin.
Zoile Vezci cent besans touz d'or fin, Galot amis, que je te baille.
Or les comptes, que riens n'y. faille 1 240 Que tout n'i soit.
Galot Voulentiers : qui argent reçoit,
Il le doit une foiz compter
Pour savoir qu'ait tout sanz doubter.
Sire, aussi que sui bien paiez
Vueil je qu'a moy vous apaiez, 1 245
Et vous pri que par vostre gré
Deux moz parle a li en secré
Ici sanz vous.
Zoile Il me plaist bien, mon ami doulx :
Parlez ensemble. ' i25o
Galot Ore, mon seigneur, il me semble Que pechier m'avez fait griément, Quant par vostre conmandement Et a ce vous avez tendu, Qu'ici vous ai con serf vendu. 1 2 5 5
S'estre escondit voir m'en peusse, Dieu scet voulentiers fait l'eusse ; Mais par menaces si destraint M'avez que fay esté constraint D'obéir vous conme a mon maistre; 1260 Et puis qu'ainsi fault la chose estre Que povre et serf voulez pour Dieu Vivre ci en estrange lieu 214 a Et qu'a ce vous vous adonnez,
Je vous pri que me pardonnez 1 265
Ce qu'ay mespris.
Pierre Galot amis, mais moult t'en pris Et t'en scé bon gré vraiement.
D'une chose tant seulement Te pri : que le temps pas n'eslongnes 1 270 Que tout l'argent pour Dieu ne dongnes Et de toy partir tost ne cesses.
Baise moy, et a tant me laisses
Sanz riens plus dire.
Galot 1275 Puis qu'il vous plaist, voulentiers. Sire,
Vezci Pierre que je vous livre Coin vostre serf, et m'en délivre.
Pierre, plus a moy ne serez :
A ce seigneur ci .demourrez, 1280 II escon vient.
Pierre Il me plaist bien, puis qu'a ce vient; Mais de ce que convent m'avez Faites en si ce que devez Qu'en soiez quittes.
Galot 1 285 Pierre, mon chier ami, bien dites :
Si feray je, se Dieu me voie.
Dealer m'en me vueil mettre en voie, Sire : il est temps.
Zoilb - Galot, je n'y met nulz conteûs 1290 Que tu ne t'en puisses aler,
Soit ore ou ja, a brief parler, Puis que le veulz.
Galot Je vous di a Dieu a touz deux ; Et si m'en vois.
Zoilb 1295 Or vas : que le Dieu ou tu croiz
Te soit amis.
Pierre Puis qu'a vous servir sui conmis, 214 b Sire, s'il vous plaist, regardez De quoy serviray ; ne tardez i3oo Que ne le sache.
Zoilb En la cuisine a une hache, Pierre, ou coingnie ; alez la prendre,
S'en alez de la bûche fendre,
Et si escqrez les vaissiaux.
Quant arez fait, prenez deux seaulx i3o5
Qui y sont, et s'alez bonne erre
De l'iaue a la fontaine querre ;
Quant laissives faire fauldra,
Faire aussi les vous convenra,
Car je le vueil. x3io
Pierre
De faire du tout vostre vueil Vois penser, mon seigneur et maistre.
En la cuisine me vois mettre Que m'avez dit.
Zoile
Tant com ferez sanz contredit 1 3 1 5
Mon vouloir,, tant arez vous paiz.
Or alez besongnier huymais Bien et forment.
Pierre
Hél biau sire Diex, et conment Pourray servir a gré cest homme 1 3 20
Qui m'a chargié de si grant somme Porter et faire chascun jour Continuelraent sanz séjour, Ou lourdement seray repris ?
Sire Diex, ne l'ay pas appris. i325
Or me donne par ta puissance En cest estât avoir plaisance; Car pour toy me sui asservi Et devenu serf, qui servi Soloie estre moult grandement ; 1 33o
Et puis qu'il me fault telement Servir en la cuisine et estre, Je m'y vois ordener et mettre 214 c Pour besongnier.
Premier compère i 335 Qu'est ce la, compère Maugier ?
Je vous trais ici bien a point.
Ou alez vous ? n'en mentez point, Dites le moy.
Maugier, deuxiesme compère Compère Guillaume, par foy, 1 340 M'entente estoit d'aler aux champs
Oir des oisillons les chants.
Vous, ou alez?
Premier compère Maugier, vous savez et valez Bien tant que je le vous diray, 1345 Ne plus ne le vous celeray,
Et ce que vous di c'est acertes.
J'ay trop grant désir d'aler, certes, Com paumier en Jérusalem, En Nazareth, en Bethléem, 1 35o Et en touz les autres sains lieux
Ou fut et ou mort souffri Dieux ; Et si sachiez qu'il m'est advis, Se ne fas ce que je devis, N'aray ja bien.
Deuxiesme compère i355 Ore, biau compère, combien
A il, se Dieu vous doint santé, Que vous vint ceste voulenté?
Dites le moy.
Premier compère Compère, foy que je vous doy, i36o II a bien demi an passé.
Voir, tant qu'aie la mer passé Ne seray aise.
Deuxiesme compère Ore je vous pri qu'il vous plaise,
Compère, qu'avecques vous voisc.
Nous irons plus en paif sanz noise 1 365
Nous deux, puis que compères sommes, Que s'estions estranges hommes,
A dire voir.
214 a Rainfroy
Biaux seigneurs, parlez vous d'avoir L'imposicion par enchiére ? 1 370
Il me semble que faites chiére
Je ne scé quelle.
Premier compère Voisin, nostre parole est telle Que nous nous voulons pourveoir D'aler le sépulcre veoir 1375
Ou Dieu fu mis.
Rainfroy Et je vous pri, mes chiers amis, Que je face avec vous le tiers; Car n'est lieu ou si voulentiers
Quelaalasse. i38o
DeUXIESME COMPERE
Qui plus pour Dieu se paine et lasse,
Et plus acquiert mérite grant.
Je lo que nous soions engrant ,
D aler nous ordener touz trois
Et que chascun prengne la crois, i385
Housse, chappel, bourdon aussi.
Puis attendons l'un Pautre ci
Pour aler ent.
Premier compère Je m'y accors certainement .
Pour ici bien tost retourner 1 390
Vestir me vois et atourner
En autre estât.
Deuxiesme compère Et je, sanz plus faire restât,
M'en voys aussi.
Rainfroy 1 3ç5 Si feray j\ et si pense ici
Aussi tost con nul de vous estre.
N'ay pas moult a faire a moy mettre En estât (Tomme pèlerin :
Ne me fault porter par chemin 1400 Qu'un po de robe.
Premier hscuier Zoile Sire, vostre fermier Macrobe Vous envoie cest argent ci, 2i5 a
Et si vous fait savoir ainsi Que Mahon bien loer devez, 1405 Car plus de bien cest an avez
Que n'avez en six ans eu ; Conment sont tant ouancreu A grant merveille. Deuxiesme bscuier S'il est preudomme, ne s'en dueille, 14 10 Car noz diex font venir sur terre
Deffauhe de biens et grant guerre Quant leur plaist, et aussi saison De paiz et de biens grant foison Font, quant veulent, par le pais, 1415 Si que n'en soit ja esbahis : 1
Ne le fault mie. '
Pierre, en alant a Vyaue. \
. Jhesus, Jhesus, filz de Marie I
En qui j'ay mis m'afeccion,
Mon désir, ma dikccion
1420 Si que pour toy me sui fait vendre,
Ha ! sire, vueillez en gré prendre
La paine que j'ay et la haire
Qu'endurer me convient et traire
En escurer et en froter,
En souvent de l'iauue apporter 1425
A mon col, conme ore en vois querre.
Pour ce, doulx Dieu, vous veuil requerre
Que regardez piteusement
Ce que je fas benignement
Pour vostre amour. 1430
Zoile Dites moy, seigneurs, sanz demour, N'est ce pas Pierre, mon serf, la, A ces deux seaulx ? je crois qu'il va
De l'yaue querre.
Premier escuier Se fait mon, sire. Oil, c'est Pierre, 1435
Le vallet de vostre cuisine.
Certes, il y est trop bien digne :
Touz jours torche ou escure ou frote, 2 15 b Et si n'a riens que celle cote
Qu'il a vestu. 1440
Deuxiesme escuier , Je le tien a un fol testu, Et vous diray raison pour quoy.
Souvent de nuiz le truis et voy Qu'en jesir prent plus grant délit A terre pure qu'en son lit. 1445
Après en barbetant il pleure, Et puis de sa main une autre heure Faist ainsi + de foiz plus de vint.
En faisant la croiz.
Ne sçay de quel pais il vint,
Ne quel gent le norrirent, sire ; 1450
Mais tant y a, ce vous puis dire,
Pour chose c'on li die ou face,
Nullui ne fiert ne ne menace,
Ne ne fait annuy ne contraire,
Mais conme un droit fol débonnaire 1455
Qui n'est pas hors du sens, mais sot, Ou conme un enfant ydiot , Tout en gré prent.
Zoilb Tant plus celle ou celui mesprent 1460 Qui de faire chose se paine
De quoy le courrouce n'ataine ; Ne le vueil mie.
Pierre Ha I tresdoulce vierge Marie, Au sauvement de marne vaille 1465 Ce que mon corps peine et travaille,
Si que de ce siècle muable Au repos viengne pardurable De paradis.
Zoile Or entendez, seigneurs, tantdis 1470 Qu'oyseux vous voy et de loisir.
Alez vous en, c'est mon plaisir, Garder au port qu'âme ne passe Par dedeça qui ne me face Ce qu'il doit faire.
Premier escuier 1475 Sire, sire, de cest affaire, 21S c
Ne doubtez, bien nous chevirons.
Quanqu'il venra vous admenrons, Femmes et hommes.
Deuxiesme escuier Ce ferons mon : trop ici sommes.
1480 Alons ça et la regarder
Partout et sur le port garder Qu'âme ne passe.
Puis que j'ay maintenant espace, Combien qu'entre Sarrazins soie 1485 Vestuz de draps d'or et de soie,
Sanz plus ci endroit demourer M'en vois la mon Dieu aourer Et a li seul mon cuer ouvrir Et ma pensée découvrir.
Sire Diex, père omnipotent, 1490
A qui mon cuer par désir tent, Je vous aour, je vous salu, v
Et vous aussi, tresdoulx Jhesu, Fil seul éternel Dieu le père, Et vous, Marie, vierge mère, 1495
Touz ensemble et chascun par soy, De ce que maintenant je voy Que je sui a l'estaz venuz Que conme povre sui tenuz, Qui n'ay mais nulz biens terriens ; i5oo
Mais de ce ne m'est il a riens, Tresdoulx Dieux, mais que t'amour aie.
Tamour? Las! le cuer trop m'esmaie Conment je la pourray avoir, Car trop mondain ay esté, voir. i5o5
Mais, sire, quant je me recorde De ta doulce miséricorde Qui est sanz fin, lors ma fiance S'aferme en toy et m'esperance.
Pour ce ne me vueil plus complaindre, 1 5 10 - Mais mon livre vueil ci ataindre Et le dire, soit gaing ou perte, Avant que de ci me départe :
2x5 d Telle est m'entente.
Dieu Mère, et vous touz, sus : sanz attente 1 5 1 5 Encore vueil la jus aler A Pierre mon ami parler.
Or jus, bonne erre.
Nostrb Dame Sire, qui créas ciel et terre, 1 5 20 Touz ferons ce que conmandez.
Anges, a chanter entendez Bien en alant.
Premier ange Dame, n'en soiez plus parlant :
Chascun de nous a grant désir 1 5 25 De faire tout vostre plaisir.
Avant : chantons.
Deuxiesme ange C'est raison : nous qui frequantons Avec Dieu continuelment, Or sus, chantons joyeusement i53o Etparleesse.
Zoile
Egar ! par Mahon mon Dieu, qu'est ce ?
Quelle part demeurent ne hantent
Ceulx qu'ay oy qui si bien chantent?
Savoir me convient qui il sont :
1 535 II me semble que par la vont.
Onques mais si doulz chant n'oy.
Il m'ont si le cuer esjouy
Que je les vueil aler veoir.
Egar! Pierre voy la seoir, 1540 Mon serf. De quoy me sert il la?
Homme ne femme entour li n'a.
Un po plus près m'aproucheray
Et ce qu'il y fera verray Sanz mot nul dire.
Dieu 1 545 Oste toy de tristesce et d'ire,
Pierre amis, et fay bonne chiére.
Entre moy et ma mère chiére
Te venons veoir en secré.
XXXVI PIERRE LE CHAti&EUR 28 1
si 6 a Saches que je te scé bon gré
Du garnement que devestis 1 5 5o
Et qu'au pdvre tu départis ; Et si fas j'aussi, chiers amis, De ce qu'en vente tu t'es mis, Quant donner tu as fait l'argent, Pour m'amour, a la povre gent ; 1 5 5 5
Si ne te courrouce ne troubles :
Rendu te sera a cent doubles -En brief termine.
Nostre Dame Or persévère, Pierre, et fine En la grâce qu'as conmencié. f 5 6o
Ne soit pas ton estât laissié :
11 fa fait ami et affin De Dieu. Pour ce jusqu'en la fin Y persévère, et tu seras Sauvez et sanz fin gloire aras. 1 565
C'est noble don que te présent.
Partons de ci quant a présent,
Il en est temps.
Premier ange Dame, nous ferons sanz contemps Vostre plaisir, il est raisons. 1570
Ce chant en râlant pardisons
Qu'avons empris.
Zoile Qu'est ce ci ? Je n'ay point apris A oir telle mélodie.
Que peut c'estre ? ne scé qu'en die. 1 575
Je'croy qu'esperiz des cieulx sont Qui par cy deduisantjs'en vont.
Voulentiers ay oy leurs vois, Mais nul n'en ay veu ne voiz, Combien que moult y ay tendu ; 1 5 80
Et si ay je bien entendu
Que jusqu'à mon serf sont aie,
Voire, et si ont a li parlé.
Je ne say se son Dieu seroit 1 585 Qui d'aucune chose Taroit
Enorté ou admonnesté ;
Car je tien bien pour vérité 216 b
Qu'il est un saint homme en sa loy,
Et si voy que pour la grant foy 1 590 En quoy son Dieu pour moy deprie
Mes biens accroist et monteplie,
Et je li pense a restorer.
Ores encor le lais orer Et m'en revois.
Pierre 1595 Sire Dieu, qui scez et qui vois
Les pensées des humains corps
Aussi bien ou cuer com dehors.
De ta grant consolacion
Et de ta visitacion, 1600 Sire, je te lo et mercy.
Pour ore m'en revois de cy En ma cuisine.
Rainfroy Ains que je cesse mais ne fine, Au lieu m'en vueil aler et mettre
r6o5 Ou assembler devons et estre
Nous troys qui au sépulcre irons Et dont ensemble partirons.
E ! Ditx, il m'est bien advenu, Quant me voy le premier venu.
1 610 Ci endroit tout coy me tenray
Et les autres attenderay Sanz moy mouvoir.
Pierre Mon chier seigneur, je vieng savoir Se vous voulez que riens vous face, Tantdis qu'ay loisir et espace. 1 6 1 5
Car j'ay tout fait, sachiez de voir, Ce qu'a faire pouoie avoir En la cuisine.
Zoile Pierre, pour vostre bon convine Et pour vostre vie parfaitte, 1620
Je vueil que grâce vous soit faitte Telle que je vous vueil oster De paine et du tout hors bouter 216 c De servitude a touz jours mais,
Et que vives dès ores mais i625
Avec moi conme ami et frère; Car je voy, et est chose clére, Que pour la vostre grant bonté En richesse sui amontë
Plus que ne sueil. i63o
Pierre Sire, desdire ne vous vueil ; Mais, last que pourrez miex valoir De moy, qui n'ay riens que voloir ?
Nient voir, ne dites plus ainsi, Chier sire, mais je vous mercy i635
De la grant honneur que m'offrez, Et vous tuppli que me souffrez En cest estât user ma vie, Car d'autre avoir n'ay point d'envie :
Ainsi vueil vivre. 1 640
Zoile Pierre, tu es ou fol ou y vre, Qui aimes miex a soulart estre
Povre qu'en bon estât toy mettre Et honnorable.
Pierre 164S Ce que ce monde voy muable,
Cheant d'eur en meseur,
Et c'on n'y vit point asseur,
Ainçois n'y a que vanité,
Le me fait faire, en vérité; i65o Et pour ç'aussi que je scé bien
Que Testât ou je sui, combien
Que il soit vil, a mon Dieu plaist,
Ne vueil je point d'autre : a court plait, Il me souffist.
Zoile
i655 Je ne scé quel homme te fist,
Mais 4c ce que dis me merveil.
Puis qu'ainsi est, fay a ton vueil Dès ores mais.
Pierre Je m'en vois avancier huymais 1660 Vostre diner. 216 d
Premier compagnon Compère, qui de cheminer Vous hastez, ci attendez moy :
En la place alez, bien le voy, £i (as j 'aussi.
Deuxiesme compaiqnon 1 665 Egar ! compère, estes vous ci ?
J 'a voie, par saint Honnouré.
Doubte d'avoir trop demouré ;
Mais a ce que voy non ay pas.
Alon savoir nous deux bon pas 1670 S'i est Rainfroy.
Premier compaignon } Alons. Marie ! je Vi voy Ou nous attent.
Deuxibshb compaignon Je tien que de grant vouloir tent Au voiage, a ce que je voy.
N'avez pas oblié, Rainfroy, i6y5
A tost venir.
Rainfroy Non voir : ci m'avez fait tenir Une grant pièce.
Premier compaignon Or avant, mais que chascun siesse.
N'attendons qu'âme nous convoie, 1680
Mais mettons nous d'aier en voie :
C'est nostre miex.
Deuxiesme compaignon C'est bien dit. Alons men. Que Diex Nous conduie par sa bonté Et ramener a sauveté 1 685
Nous vueille a joye.
Rainfroy Amen t Alons par ceste voie ; Puis que partons de ci endroit, C'est nostre chemin le plus droit
Qu'aler puissons. 1690
Premier compaignon Soit, et d'aier nous avançons; 377 a Et si vous pri courtoisement Nous maintenons et sagement Sanz trop parler.
Premier escuier Seigneurs, je vous deffens l'aler, 1695
Et si met la main en vous touz.
Sa ! dites moy, ou alez vous
286 MIRACLE DE JUXYl
Entre vous troys?
Dbuxiesme compère 1700 Sire, nous avons pris la crois
Conme devoz et enterins Crestiens, et com pèlerins Alons, ce sachiez, visiter Le saint sépulcre sanz doubter, S'il plaist a Dieu.
170$ Dbuxiesme escuier
Vous ne passerez point ce lieu Jusqu'à tant, ne vous esmaiez, Qu'a mon seigneur parlé arez Et que paie vostre tréuage Li aiez. Sanz vous faire oultrage, 1 7 1 o Sanz crier ne faire haro,
Venez a li, je le vouslo; Il Fescon vient.
Rainfroy Alons y donc, puis qu'a ce vient, Et ne soions point esbahiz, 171 5 Puis que tel est de ce pais,
Seigneurs, l'usage.
Premier compère Puis que ce n'est que pour treuage Paier, ne m'en chaut pas granment :
A vostre seigneur vistement 1 720 Dont nous menez.
Premier escuier Voulentiers : après moy venez.
Je ne vous pense point tenir, Puis que je vous y voy venir De bon courage.
Dbuxiesme escuier 1725 Sire, pris avons au passage 217 b
Ces troys hommes ci qui se font
Pèlerins et dient qu'il: vont Au sépulcre leur Dieu prier.
Conmandez leur sanz detrier
Paier leur deu. 1730
Zoile Seigneurs, il me fault mon treu Ainçois que plus avant ailliez ; Et se de paier me failliez,
N'irez point oultre.
Deuxiesme compère Mais c'on nous die ou c'on nous moustre, Sire, que nous pouons devoir, Nous en ferons vostre vouloir
Chascun de nous.
Zoile Or me dites : dont estes vous ?
Ce vueil savoir. 1 740
Rainfroy De Chippre, sire, a dire voir, Nez d'une noble ville et grosse, Qui appellée est Famagosse
Et est cité.
Zoile Cest voir, seigneurs ; g'y ay esté 1745
Plusieurs foiz quand je marchandoie.
Mains riches draps d'or et de soie
Y ay eu.
Pierre Mon seigneur, ne me soit teu, Dites, voulez vous desjuner? 1750
Tout est prest pour vostre diner
En la cuisine.
Zoile Je t'oy bien ta parole fine.
Vaz nous querre du vin bonne erre ; Et toy, vas les espices querre 1755
Dont ces pèlerins mengeront, Voire, et si se reposeront
Endementiers. 217 c
Le premier bscuier Sire, par Mahon, voulentiers 1 760 Sanz tarder point .
Le premier compère Compère, avez regardé point Celi qui est aie au vin?
Par le corps de moy, je devin Que ce soit Pierre le changeur, 1765 Que nous appellions paageur ;
Trop bien li semble.
Dbuxiesme compère Par foi, compère, il le me semble De tant con je l'ay regardé.
Se c'est il, ne s'est pas fardé, 1770 Car de visage est megre et sec
Trop maternent, et pale avec Et empiré.
Rainfroy C'a esté bien homme adiré, Con ne scet qu'il pot devenir.
1775 Or paiz : vez le ça revenir.
Ne disons mot, mais regardons Conment cognpistre le pourrons A sa façon.
Pierre J'apprte de yostre boiçon, 1 780 Ne vous desplaise, mon seigneur,
Pour vostre honneur faire greigneur Devers ces gens.
Zoile Ce vueil j\ Or tost, com diligeos, Escuier, un hanap prenez 1785 Et a chascun boire donnez :
XXXVi PIERRE LE CHANGEUR 289
Il versera.
Deuxiesme escuibr Je feray ce qui vous plaira, Sire, il appartient et est droiz.
Seigneurs, auquel d'entre vous trois
Donray premier? 1790
Premier compère 2 17 d A vostre seigneur, ami chier :
Il appartient.
Zoile Sa ! puis que boire me convient, Je buvray pour l'amour de vous.
J'ay fait. Or buvez aussi touz. 1 795
Avant : ce pot que tu tiens baille A l'escuier, vaille que vaille, Et me vas querre, avoir en vueil, De l'autre qui est plus vermeil.
Or vas bonne erre. 1 800
Pierre Voulentiers vous en iray querre, Puis qu'en voulez.
Deuxiesme compère Seigneurs, ou je sui affolez, Ou c'est Pierre certainement. 180 5
Je sui bien esbahi conment Est en ce point.
Zoile Biaux seigneurs, ne me mentez point :
Aussi que touz pensis vous voy ; ' Dites moy, par amour, de quoy
Vous merveilliez. 1 8 1 o
Rainfroy Chier sire, appaisier vous vueilliez, Que certes, s'en erreur ne sommes, Il vous sert un des riches hommes Et des gens de nostre pais.
1 81 5 C'est de quoy sommes esbahiz,
Qu'il sert ainsi.
Premier compère Souffrez vous, mais que viengne ci.
Certainement je le tenray, Et de l'empereur li diray 1820 Conment le désire a avoir ;
Car moult l'amoit, a dire voir, Et avoit chier.
Pierre Conment me pourray depeschier?
Vray Diex, j'ay bien apperceu
1825 Que ces gens ci m'ont cogneu. 218 b
Ne m'en merveil en vérité, Car ilz ont mes voisins esté.
Proposé ont qu'il me tendront Au retourner, mais il fauldront
i83o Certainement a leur entente,
Car de ci m'en vois sanz attente La ou Diex me voulra mener Sanz y plus jamais retourner.
La fille mon seigneur voy la,
i835 Qui encore onques ne parla :
Mercier la vois des biens faiz Qui m'ont par son père esté faiz.
Ma chiére dame, a vous vieil ci Congié prendre, et si vous merci
1840 De voz biens, sanz plus dire, mais
Je tien ne me verrez jamais ; Car, pour plus grâce desservir, Ailleurs m'en vois mon Dieu servir, A qui seul tout mon cuer ottroy,
1845 Et li pri, si con je le croy,
Estre vray Dieu sur touz les Diex, Qu'il vous regart de ses doulx yex
Et sur vous si sa grâce estende
Qu'en brief la parole vous rende,
Si qu'aiez cause de venir i85o
A baptesme et sa foy tenir.
A Dieu, dame ! Portier amis,
Ou nom de Jhesu qui fu mis
Pour nous en croiz, ne te déporte
Qu'en Teure ne m'euvres la porte, i855
Car issir vueil.
Le portier Sire, je feray vostre vueil De voulenté grant et apperte.
Regardez, sire, elle est ouverte :
Ysterezvous? 1860
Oil. A Dieu, mon ami doulx,
Qui t'ait en garde!
Le portier 21S b Avant que jamais plus je tarde,
A mon seigneur vois sanz doubter
Dire de Pierre, et li compter i865
Conment le pert.
La fille Mon seigneur mon père, or appert De vostre serf et cuisinier La bonté, ce puis tesmoingnier.
Regardez que vous en ferez : 1870
Il dit que plus ne le verrez Et qu'ailleurs va son Dieu servir Pour miex sa grâce desservir Et son amour.
Zoile Fille, dites moy sanz demour 1875
De quoy ne par qui tant valez Qu'ainsi bien côn je fas parlez.
Ne parlastes puis que nasquistes
Que maintenant : dont vient ce? dites 1 880 Tost sanz songier.
Le portier
Sire, celi sanz mençongier
Qui ceens d'escurer servoit
Les vaissiaux et les draps lavoit S'en va du tout.
Zoile i885 Sueffre tant que ma fille au bout
Soit de ce que veult raconter.
Avant : vueillez me voir compter, Ma belle fille.
La fille
Ne cuidez point que vous babille 1890 Mençonge, père. Voir diray
Certes le miex que je pourray.
Quant Pierre par devers moy vint
Et qu'a moy parla, il advint
Que de sa bouche vi issir 1895 Une grant flarae, qui ferir
Se vint en ma bouche dedans
Sanz meffaire a bouche n'a dens,
Mais a si bel en moy ouvré
Que ia parole ay recouvré 218 c
1900 De sa puissance.
Le portier
Mon seigneur, sachiez sanz doubtance
Qu'ainsi m'est il, ce vous afferme;
Car si tost qu'il me dist : « Deferme
Ou nom Jhesu, si istray hors; »
1905 De sa bouche en m'oreille lors
Vint celle flambe et s*i feri
Si doulcement et si sery
Que je vous di, c'est brief et court,
J'oy tresbien, ne ne sui mais sourt
XXXVI PIERRE LE CHANGEUR 2g3
En vérité. 191 o
Zoile Seigneurs, avez vous escouté ?
Pour Mahon, alons touz après.
De li suivre soiez si près Que nous le puissons ramener.
Voir, en grant estât ordener 191 5
Le pense et mettre.
DeUXIESME COMPÈRE
Chier sire, il ne peut pas loing estre.
Alons tantost, quoy qu'il aviengne, Et un chascun son chemin prengne, Et n'alons mie touz ensemble. 1920
C'est le meilleur, si con moy semble, A mon ad vis.
Zoile Je m'acors a vostre devis.
Fille, vous demourrez ici, Et toy avecques elle aussi. 1925
Sus, alons ment.
• Pierre
Sire Diex, grâces humblement Vous rens, et je le doy bien faire ; Car n'empreng nul si grief afaire Pour vostre amour, non, ne si fort 1930
Que je n'aie de vous confort Qui d'annuy me jette et de soing :
Pour quoy je voi qu'a mon besoing En ce désert ci toute fait te 218 d Par vous truis, sire, une logette, 1935
Dont je vous doy bien adourer.
Entrer y vueil pour demourer Au mains maishuy.
