XXX IV SAINTE BÂUTHEUCH III
Et dès maintenant m'en desmet Et en mon lieu vous y conmet, Mon cliier fil, et vous en couronne 9 1 5
Conme roy, par ceste couronne Qu'où chief vous met, jusqu'à celle heure Que revenray. Se je demeure ijg c Ou voyage ou se je trespasse,
Diex a ni'ame vray pardon face 920
Par sa merci.
Uainsné filz Tant com je puis vous en merci, Mon treschier seigneur, humblement; Il appartient bien vraiement
Et est raison. 925
Le roy Seigneurs, il est maishui saison Dealer m'en ; de vous pren congié, Puis que tant vous ai abregié
Qu'avez régent.
Premier ba.ron Mon chier seigneur, moy et ma gent 930 Âvecques vous nous en irons, Et le saint voyage ferons
Tel con ferez.
Deuxiesme baron Certes sanz moy mie nUrez, Treschier sire, mais qu'il vous plaise: 935 En gré prendray aise ou mesaise
Que g'i aray.
Troisiesme baron S'il vous plaist, sire, aussi g'iray
Âvecques vous.
QUATRIESME BARON
Cest le plus bel : alons y touz, 940
Puis que a ce vient
Le ROY
Ce ne se peut faire ; il convient,
Seigneurs, qu'il demeure aucune ame
Pour les enfans et pour la dame 943 Compaignier et donner conseil.
Et pour ç'ainsi ordener vueil,
Mareschal, que vous demourrez,
Et vous, et vous aussi fçrez.
Vous autres, seigneurs que ci voi, gSo Vueil bien que veigniez avec moy.
Sus, oster vueil ce garnement :
Alez me querre appertement
Un garnement a penne vaire
Que pour ce voyage ay fait faire, 955 Si m'en iray.
Deuxiesmb chevalier
En l'eure le vous bailleray, Sire : tenez.
Le roy
Dites, royne, ça venez :
Quant mis me serai au chemin, 960 Sembleray je bien pèlerin
En cest habit ?
Bautheuch
Moult bien, sire, se Dieu m'aist, A ce que voy.
Le roy
Ore, dame, priez pour moy, 965 Et s'en faites aussi prier
Souvent ; que sanz plus detrier
Je m'en vois, a Dieu vous conmans.
Baisiez moy, et vous, mes enfans :
Ne sçay se jamais vous verray ; 970 Ma beneicon vous donrray,
Et Dieu sa grâce vous ottroit.
Partons : d'estre tant ci endroit
XXXI V SAINTE BAUTHEUCH Jl3
Rien ne gaingnon.
Bautheuch Mon chier ami, mon compaignon, Mon loyal seigneur, mon espoux, 975
En sa garde vous ait le doulx Jhesus, qui vous vueille conduire Si que riens ne vous puisse nuire, Et vous ramaint, par sa bonté, En vostre règne a sauveté 980
De corps et d'ame.
Erchenoalz Laissiez le plourer, chiére dame ; Il ne vous peut fors que meffaire; Et pensez d'autre chose faire .
Qui miex vous vaille. 985
Bautheuch Certes, j'ay bien chier qu'il y aille, Que c'est le prouffit de son âme, 180 a Et Dieu le vueille et nostre dame !
Mais quant Tai veu départir, J'ay bien cuidié qu'en deux partir 990
Deust mon cuer pour s'amistié, Tant me prist de li grant pitié; Si que pour lui je prîeray Jour et nuit, et touz jours Taray
En mon mémoire. 995
Erchenoalz Je croi bien que c'est chose voire Qu'il vous fist mal au départir, Car cuer loyal ne peut mentir Ou vraie amour est et habite, Mais fait son devoir et s'acquitte 1000
Envers ce qu'il aime touz jours, Soit de joie avoir, ou dolours
Pour li porter.
Ore il m^en convient déporter, ioo5 Ou vueiile ou non.
Erchenoàl Ma chiére dame, ce £Eiit mon, \^
A vous doloser rien ne vault; S'il vous vouloit plaire, il me fault Jusques a mon hostel aler 10 10 A seigneurs qui y sont parler
Un petit, dame.
Bàuthbuch Il me plaist bien, sire, par m'ame :
Alez, ci plus ne vous tenez.
Or avant : mes heures prenez, loi b Et vous en venez, damoiselle,
Avec moy en celle chappelle.
Gênais et mes filz demourront; Les massiers nous convoieront Jusques a Fuis.
La damoisbllb I020 Je suis preste, .ma dame, puis
QuUl vous plaist et le conmandez.
Sus, biaux seigneurs, plus n'atendez, Faites a ma dame chemin.
Et reculez ces gens, afin i8o b
1025 Qu'il n'y ait noyse.
Premier sergent En l'eure^ damoiselle Ambroise; Fuiez, fuiez.
Deuxibsmb sergent L'un sur l'autre vous apuiez :
Sus! luec derrière !
io3o Seigneurs, alez vous ent arriére
Tenir a mes filz compaignie,
XXXIV SAINTE BAUTHEUCH I|5
Que de ci ne m'en iray mie
Encore en pièce.
Premier sergent N'y a nul a qui bien ne siesse Ce qu'il vous plaist a conmander; io35
Et leur voulez vous riens mander,
Dame, par nous ?
Bautheuch Alez, nanil, mes amis doulx.
Amoureux Jhesus, roy celestre, Qui pour paix entre homme et Dieu mettre 1040 Deignas en ce monde venir Et filz de vierge devenir, Et puis pour nous oster d'enfer, Te souflFriz estre a cloz de fer Clofichié par piez et par mains; 1045
Doulx Jhesu, ne fu pas du mains, Qu'aussi fuz en croyz estenduz, Et d'un glaive ou costé fenduz Et d'espines euz ou chief Chapel. Qui te fist ce meschief, io5o
Souffrir ne ceste desmesure ?
Ce qu*amé nous as sanz mesure.
C'est chose qui est vraie dicte :
Si te pri, sire, en la mérite De ceste passion amére, io55
Que sainte Eglise nostre mère Tiengnes estable en ferme foy; Et après, sire, je te proy Que vueilles garder de péril t8o c Mon chier seigneur, le roy gentil, 1 060
Qui, pour ta grâce plus acquerre, Si loing de ci te va requerre Con Jérusalem la cité.
Après, sire, par ta bonté.
Mes filz gouvernes con les tiens ; 106 5
1 l6 MIRACLE DE XXXIV
Et ce royaume en paiz maintiens,
Si que touz jours glorifiez
Y soies et magnifiiez.
Ha! Marie, vierge pucelle, 1070 Qui le filz Dieu de ta mamelle
Norris souef et alaittas
Conme ton filz, point n^en doublas,
Vueilliez essaucier ma prière.
Et je com vostre chamberiére 1075 Vous promet je ne partiray
De ci tant que tout dit aray Vostre sautier.
L'ainsné filz Chier frère, que de cuer entier J^ains, je vous voulsisse une chose
1080 Dire qu'ay en mon cuer enclose,
Pour estre en quittes.
Deuxiesme filz Mon chier seigneur et frère, dites Ce qu'il vous plaira : je Pottroy, Et sur ce vous responderay
108 5 Selon mon sens.
L'ainsné A le vous dire me consens :
Je regarde que nous deux sommes Dès ores mais assez grans hommes Pour avoir dominacion,
1090 Sanz plus estre en subjeccion
Ne de femme, ne d'omme ne ; Puis que je sui roy couronné, Je vueil, qui que doie desplaire, Ma voulentè toute a plain faire;
1095 Trop m'est dure chose et amère
User plus du conseil la mère Qui vous et moy, frère, a porté :
