Ï02 MIRACLE DE

Le roy vous mande sanz delay Qu'a li ailliez.

Erchenoalz Pour quoy ? Dire le me vueillîez, 645 Se le savez.

Premier sergent d^ armes Treschier sire, bien dit avez ; Pour quoy c'est, je ne le sçay pas, Mais d'y aler ne tardez pas, Car grant désir a qu'il vous voie.

65o Ailleurs m'en vois ou il m'envoie.

Chier sire, a Dieu !

Erchenoalz A Dieu, amis ! sachez en lieu Aultre que ci n'arresteray Jusques a tant qu'a li seray.

655 Avant, Lambert, mettre en arroy

Te fault de venir jusque au roy.

Et my, si fault.

Lambert Pour moy n'y ara nul defFault, Mon chier seigneur : alez devant ; 660 Je vous iray de près suiant

Conme mon maistre.

Amour et paix vueille Dieu mettre, Chier sire, entre vous et ma dame, Et longue vie, et puis a Tame 665 Gloire sanz fin.

Bautheuch Mon grant ami loyal et fin, Pour tel vous vueil et doy tenir :

Vous puissiez hui tresbien venir Cy avec nous.

XXX4V SAINTE BAUtHEUCH I03

Le ROY

ITT d Erchenoalz, bien veigniez vous ! 670

Nous vous avons envoie querre Pour conseil avoir et enquerre D'une chose que vous dirons, Mais les autres attenderons Qu'avons mandé pour ce fait ci ; 675

Seez vous tandis un pou ci,

Je le conseil,

Erchenoalz Puis qu'il vous plaist, doncques me veil

Yci seoir.

Deuxiesme sergent Mon chier seigneur, sachiez de voir 680

Qu'a voz barons ne faudrez goûte :

QuanquUIz peuent viennent sanz doubte De Flandres et de Normandie ; C'est bien raison que je vous die

Ou j'ay esté. 685

Le ROY Parigot, tu diz vérité :

Puis qu'ils viennent, il me souffist, Et ce te sera grant prouffit

Qu'y as esté.

Premier baron Dieu vous croisse honneur et bonté, 690

Mon treschier et redoubté sire ; Et tout autel vous vueil je dire.

Ma chiére dame.

Bautheuch Dieu vous gart en corps et en ame,

Mes chiers amis. 695

Deuxiesme baron Chier sire, grant paine avons mis D^acomplir vostre mandement, C'est que fussions yci briefment

Par devers vous.

Lbroy 700 Seigneurs, je vous en merci touz ;

Puis que la voy ces deux venir, Je ne vous pense pas tenir Cy longuement.

Troisiesme baron Pour monstrer que tout plainemeni 705 Voulons faire voz volentez, jjS a

Chier sire, nous sommes hastez De venir tant qu'avons peu, Si tost que nous avons sceu Que nous mandez.

Le ROY 710 Seigneurs, se vous me demandez

Pour quoy c'est^que je vous assemble,

Dit vous sera a touz ensemble ;

Mais je ne le vous diray mie :

Ma chiére compaigne et amie, 715 La royne, le vous dira,

Qui bien dire le vous sara.

Car, seigneurs, se le vous disoie,

Si garder Ja ne me saroie

Qu'il ne me convenist des yex 720 Plourer et braire ; si vault miex

Que de ce fait ci me descharge,

Et qu^elle en ait pour moy la charge De le vous dire.