LA FILLE AU ROY
Meschant prestre, je t'essaioie. 45 5
Cuides tu que tant m'avillasse, Que je mon corps t'abandonnasse, Fol malostru ?
Jehan Mercy, pour le doulx roy Jhesu !
Ma dame, je n'y pensé mie, 460
Ne prestre ne doit pas amie Mondaine avoir.
La fille au roy Fol prestre, non arez vous voir ! Alez dire vostre sautier ; 465 Plus ore a vous parler ne quier
De ce que je tendoie a dire.
Grant despit m'a fait et grant ire, Mais, par ma foy, s'il vient a taille, Je li renderay bien sanz faille 470 Ce refus ci.
Premier chevalier Ma chiére dame, je vieng ci Esbatre moy avecques vous ; Vous plaira il bien, fin cuer doulx?
Dites le moy.
La fille au roy 475 II me doit bien plaire, par foy,
Et si fait il, biau sire chier; Car sachiez je vous ay plus chier Que nul homme qui soit en vie.
Amour me fait avoir envie 480 De vous amer, si qu'excuser
Ne me say mais ne refuser Vers vous, biau sire.
Le premier chevalier Je vous doy bien grans merciz dire, Dame, si fas je de ce don, 485 Quant vous mettez en mon bandon.
Or vous pri, pour moy plus aysier, Que me donnez, dame, un baisier
De vostre bouche. (io c
La fille au roy Amis, prenez le sanz reprouche 490 A vo plaisir.
vi saint jehan cr1s0th0mes 27 i
Le premier chevalier Or ay je ce que je désir.
Doulce amie, a Dieu ! je m'en vois.
Je revendray une autre fois
Plus a loisir.
La fille au roy Amis, quant vous plaira venir, 495
Vous ne serez pas deceuz, Mais a grant joie receuz
Dedans cest estre.
Jehan Vierge, mère au doulx roy celestre, Bien vous doy de cuer mercier 5 00
Et loer, dame, et gracier, Quant m'avez, par vostre bonté, De la temptacion jette Qui m'a esté faite en présent.
Dame, ma chaste vous présent 5o5
Et la conmans en vostre garde ; Or en soiez, s'il vous plaist, garde, Tresdoulce dame.
La royne Belle fille, Dieu te gart l'ame !
N'es tu pas aprestée ? qu'est ce ? 5 1 o
Temps est que nous aillons a messe.
Fai, si y vien.
La fille au roy Ma dame, je ne puis pas bien :
Je me sens un po dehetie.
Pour Dieu, ne vous desplaise mie 5 1 5
Si je n'y vois.
La royne Egar ! com muée as la vois !
Di moy, qu'as tu? Il m'est avis,
A la samblance de ton vis, 520 A ton estât, a ta manière
Et a la couleur de ta chiére,
Que tu es grosse. 6g d
La fille au roy Non sui, ma dame, par saint Josce !
N'y pensez point.
La royne 5 2 5 Certes, tu es en mauvais point.
Dy que tu as, sanz demourée.
Tu es par my le corps enflée Conme un lépreux.
La fille Mère, le celer n'y est preuz.
53o Par foy. bien vouldroie morir:
Je ne gar l'eure que jesir Doie d'enfant.
La royne Lasse ! le cuer de dueil me fent.
E ! belle fille, qu'as tu fait?
535 Trop vilainement as meffait.
Qui est celui, ne le me nve, Qui t'a fait si grant vilenie ?
Je le saray.
La fille Mère, le voir vous compteray, 540 Combien qu'il me tourt a ahan;
S'a fait vostre prestre Jehan, Par vérité.
Jehan ? Pour sainte trinité, Je le cuiday au plus preudomme 545 C'on sceust entre ci et Romme !
Certes, or va pis la besongne ; Mais, par la dame de Boulongne, Jamais bien aise ne seray
VI SAINT JEHAN CRIS01 HOMES 2j3
Tant qu'a ton père dit l'aray
Tout maintenant. 55o
Le roy Qu'est ce la ? Vous venez plourant, Dame : qu'avez ?
La royne Mon chier seigneur, vous ne savez :
Grant honte nous est advenue; 6 1 a Nostre fille est ci deceue 555
Que d'omme a eu congnoissance, Et si est si grant la meschance Qu'elle est ençainte.
Le roy Pour nient n'a pas la face tainte, Dame : si a dure nouvelle. 5 60
Par la doulce vierge pucelle, Se je sçay qui tant m'a mesfait, Onques n'acheta si chier fait Conme cestui.
La royne Mon chier seigneur, s'a fait celui 565
Jehan que vous si chier amez, Qui vous et moy a diffamez Si laidement.
Le roy Je m'en vengeray bien briément, Par Dieu qui fist et ciel et terre. 570
Seigneurs, alez me Jehan querre ; Dites je vueil a lui parler, Mais ne l'en laissiez point aler D'entre voz mains.
Second chevalier Mon chier seigneur, soiez certains, 5j5
Non ferons nous.
Premier chevalier Vez le la. Jehan, levez vous !
Venez tantost a mon seigneur :
Il a de vous besoing greigneur 58o Qu'il n'ot pieça.
Jehan Voulentiers, biaux seigneurs. Or ça, Alons men le plus court chemin.
Sire, Dieu, qui fist d'iaue vin, Vous soit amis.
Le roy 585 Conment, Jehan, conment ! J'ay mis
Touzjours peine a vous henneur faire, Et vous m'avez fait tel contraire Que ma fille avez violée,
Gom s'elle fust garce avolée ! Ci b
590 Est ce bien fait?
Jehan Mercy, mon seigneur ! Tel meffait, Se Dieu plaist, onques ne pensay.
Dieu le scet c'onques n'adesay Femme en tele euvre.
595 Vous mentez. Le fait se descuevre,
Car elle est preste d'acouchier.
Conment l'osastes approuchier?
Dites, faux prestre !
Le roy Or tost, seigneurs ! alez le mettre Goo Ou désert pour mengier aus bestes ;
Puis qu'il esthoms si deshonnestes, Morir y doit.
Premier chevalier Sire, nous ferons bon esploit Vostre conmant.
vi saint jehan cr1s0th0mes 2jd
Second chevalier Sa, maistre, sa, passez avant ! 60 5
Morir vous convient a martire, Puis qu'il plaist au roy, nostre sire;
Tost levez sus.
Jehan E ! tresdoulx glorieux Jhesus, Soiez hui a m'ame confort, 610
Si voir com vous savez qu'a tort
Sui comdampnez.
Premier chevalier Passez, Jehan! La vous tenez, Car, voir, c'est le lieu et le tiltre Dont jamais vous ne pouez ystre G r 5
Jour de vostre aage.
Second chevalier.
Mon ami doulx, pren bon courage !
Puis que tu te voiz a ta fin , Prie de cuer dévot et fin
Dieu pour ton ame. G 20
Jehan 61 c A Dieu , mes doulx amis ! E ! dame , Qui portastes le roy des roys, Qui pour nous voult morir en croys, Oiez, s'il vous plaist, ma prière.
Dame de pitié bouteilliére, 62 5
A vous me complain et lamente, Conme celui qui se démente De ce qu'a tort sui ci jugiez :
Deffendez moy d'estre mengiez Des bestes qui hantent par cy. 63o
Et encore vous pri mercy, Glorieuse vierge pucelle, Que ja ne puist enfanter celle Par qui je sui cy endroit mis,
6 35 Jusqu'à tant qu'a touz ses amis
Ait dit le voir, conment a tort Je sui par lui jugiez a mort Et sanz raison.
Nostre Dame Mi ange , il est temps et saison G40 Que je mon sergent reconforte,
Avant que plus se desconforte Ou désert sauvage et hideux.
Convoiez moy entre vous deux La en chantant.
Gabriel 645 Dame, voulentiers, bien et tant
Con nous pourrons.
Gabriel, voirement ferons. Or avant ! mettons nous a voie , Et chantons si hault c'on nous oie, 65o Car nous y sommes bien tenuz.
ROXDEL
Doulce vierge, qui conceuz J^e roy du ciel et de la terre, Tu l'anemi si deceuz , Doulce vierge qui conceuz,
655 Qu'a grâce est homme receuz
Qui de bon cuer te veult requerre,
Doulce vierge, qui conceuz
Le roy du ciel et de la terre. 61 à
Nostre Dame Jehan, amis, ne pleure plus,
660 Mais aies cuer plain de leesce.
Je sui des anges la deesce, Qui ci te vieng reconforter Et ton cuer de grâce enorter.
Pour ce que tu m'as bien servi
Vueil je que te soit desservi, 665
Car ce que m'as requis avras
Et briefment t'en appercevras
En tel chose que ne vueil dire ;
Et saches que celle a martire
Qui te fist yci amener 670
Travaillera sanz enfanter,
Jusqu'à tant que savoir ait fait
Que tu n'as coulpes ou meffait
Pour quoy tu es cy endroit mis.
Râlons nous ent, mes doulx amis. 675
Jehan, a Dieu!
Gabriel Tresdoulce vierge, de cuer pieu Vostre vouloir ferons, c'est droiz, Et pardirons a haulte voiz
Nostre rondel. 6S0
MlCHIEL
Gabriel amis, ce m'est bel.
Chantons nous deux ensemble : or sus !
Rondel Qu'a grâce est homme receuz Qui de bon cuer vous veult requerre.
Doulce vierge, qui conceuz 685
Le roy du ciel et de la terre.
Jehan E ! doulce vierge, qui la guerre D'entre Dieu et homme apaisas, Dame, bien voi que ne m'as pas Oblié, dont je te graci, 690
Quant a moy es venue ci Pour moy plus affermer en grâce.
Certes, c'est bien droit que je face 62 a Loenges de ta grant bonté,
Et si feray je en vérité. 69 5
Combien que je n'en soie digne, Toutesvoies, vierge bénigne, J'ay en mon cuer un ferme espoir Qu'en gré prendrez, si com j'espoir, 700 Les loenges que Je diray
De vous, dont un livre feray; C'est mes assenz.
Le dyable Tu n'aras ja tant de bon sens, Ne te ventes mie si tost, 705 Que tu en escrises un mot.
Meschant, icy peuz enragier :
Des bestes te feray mengier, Puis que tu n'as de moy que faire Et que tu fais tout mon contraire.
710 Voy la ton enque, voiz, escriz!
Fort sera se tu fais escriz, Quant enque n'as.
Jehan Ha! ennemi Dieu, Sathenaz !
Je te conjur de Dieu le père, 715 De Dieu le fîlz et de sa mère,
Et de toute la trinité, Que tu, beste d'iniquité, De ci t'en voy ses.
Le dyable Pour nient en Marie t'envoises, 720 Car se je maintenant m'en vois,
Si revendray j'une autre foiz Toy honte faire.
Jehan E ! royal vierge débonnaire, Dame plaine d'umilité, 725 Ce Sathan mon enque a tumbe;
Or n'ay je de quoy puisse escripre Ce que de vous vouloie dire,
Dont forment me puis esmaier.
Certes je me vueil essaier Se pourray faire a ma salive y3o
62 b Lettre qui soit point ententive
Ne qui puist ci dessus durer.
E ! dame, vous doy je aourer, Car de grâce estes le trésor :
Par vous devient ma lettre d'or. 735
Jamais, certes, ne fineray, Tant que de voz bontez aray Empli ce livre.
La fille au roy Dieux! me verray je ja délivre De l'angoisse dont sui attainte? 740
De quelle heure fu j'ore ensainte,
Lasse dolente ?
La. royne Fille, je ne say, mais m'entente Est que le cuer as enthechié Contre Dieu d'aucun grant pechié 745
Dont tu n'es pas bien repentans, Pour quoy il te bat si long temps ; Car il a ja un an, ou près, Que touziours as esté et es
En ce point ci. 75o
La FILLE AU ROY
Lasse! doulx Dieu, lasse! mercy!
Je say bien que c'est a bon droit
Ce que je sueffre ci endroit.
Mère, vueillez me conseillier !
Certes a tort fis essillier 755
Jehan, quant fu mis ou désert,
Car je vous dy tout en appert
Qu'il n'a coupes en mon meffait.
C'est pour quoy, ce croy, Dieu m'a fait 760 Ainsi longuement tourmenter.
Dont je tieng, mère, sanz doubter,
S'aucune rien n'ay de son corps,
Ja n'ystray de ce tourment hors.
Pour Dieu, mère, envoiez bonne erre y65 Ou désert le preudomme querre,
Car peut estre qu'encore vit,
Ou de sa vesture un petit Ou de ses os.
La royne 62 c
Belle fille, entens mon propos :
770 Je le vois ton père noncier
Pour plus briément y envoyer.
Mon chier seigneur, pour Dieu, mercy :
Je vien pour vostre fille cy,
Qu'où désert envoiez savoir 775 S'on pourra de Jehan avoir
Ou sa vesteure ou ses os,
Car elle dit qu'a tort son Jos
Li toli et que pas ne fist
Le meffait qu'elle sus li mist, 780 Pour ce sueffre elle ce meschief,
Et que ja n'en venra a chief S'on n'y envoyé.
Le roy
Seigneurs, mettez vous donc a voie :
Alez ou désert sanz delay.
785 Se Jehan vit, amenez lay;
Se non, se sa robe est trouvée,
Apportez la sanz demourée, Je vous en pri.
Premier chevalier
Sire, nous ferons sanz detri 790 Vostre conmant.
La royne Mes amis, a Dieu vous conmant :
Avanciez vous.
Second chevalier Chiére dame, si ferons nous:
N'en doubtez point.
Premier chevalier Dieux nous a yci bien a point 795
Amenez; je voy Jehan la.
Certes Dieu de mort gardé l'a,
Selon m'entente.
Second chevalier Alons a li sanz plus d'atente, Biau compains, si le saluons; 800
Il pert bien qu'il est saint preudons,
Quant encor vit.
62 d Premier chevalier
Sire, le tresdoulx Jhesû Crist
Vous doint s'amour.
Jehan Bien puissiez vous venir, seignour ! 8o5
Que querez vous ?
Second chevalier Nous vous querons, biau sire doulz.
Le roy si vous envoie querre :
Pour Dieu, venez a li bonne erre ; Car puis que vous venistes ça 810
Angoisse amére ne laissa Sa fille, ce sachiez pour voir, N'elle ne peut enfant avoir, Et jour et nuit adès travaille ; Mais elle dit qu'avoir, sanz faille, 81 5
Ne peut de ses maulx alejance, S'elle ne l'a par l'abondance
De vostre grâce.
Jehan Seigneurs, sanz plus terme n'espace, 820 Puis que le roy si vous envoyé,
Mettons nous, si vous plaist, a voye D'aler a li.
Premier chevalier Sire , c'est moult bien dit qu'ainsi : Aussi fait il belle journée.
825 Alons men, puis qu'il vous agrée,
O nom de Dieu.
Second chevalier Sire, moult approuchons du lieu Ou est le roy.
Le roy Je voy venir en povre arroy 83o Un homme que Dieux a moult chier.
Contre lui vois sanz chevauchier.
Jehan, amis, bien veigniez vous !
Mercy vous pri a nuz genouz Que mon meffait me pardonnez 835 Et qu'aucune santé donnez
A mon enfant.
Jehan 63 a
Mon seigneur, trop me faites grant Honte et trop grant blasme, par foy, Quant a genoulz ci devant moy 840 Vous mettez. Pour Dieu, levez sus,
Et me menez sanz targier plus A vostre fille.
Le roy C'est bien fait, sire. Pour saint Gile, Soiez vers li misericors, 845 Car, certes, c'est un povre corps
Qui moult a souffert en cest an. Fille, ou es tu ? Vezçi Jehan
Que tu demandes.
La fille au roy Ha! Jehan, s'il te plaist, conmandes Que je muire de mort vilaine : 85o
C'est droiz, car je fu trop vilaine, Quant te mis sus, par mon pechié, Que tu eus avec moy couchié.
Certes, je menti faussement, Dont je vous pri, sire, humblement 855
Qu'a mercy vous me recueillez Et que prier pour moy vueilliez Dieu qu'il me giet de cest tourment, Ou j'ay esté si longuement
Sanz allejance. 860
Jehan M'amie, Dieu par sa puissance Le vous pardoint, et je si fas.
Rentrez leens isnel le pas, Et je pour vous Dieu prieray.
Doux Dieu, je vous pri de cuer vray 865
Qu'en pitié ceste damoiselle Veez, et vous, vierge pucelle, Et que briément soit délivrée Du tourment ou elle est livrée
Par son meffait. 870
La royne Fille, or t'a bien Dieu grâce fait :
De ce puet estre ton cuer fis.
63 b Veci que tu as un biau filz.
Doulz enfes, bien soiez tu nez, Et en l'amour Dieu destinez 3-5
Soit tes courages.
L'enfant a la fille Jehan, conme li Dieu messages, Te demant a avoir baptesme
Et la sainte huile et le saint cresme 880 Qui y doit estre.
Jehan Enfes, ou nom du roy celestre L'aras ains que parte de cy ; Mais je te conjure autressy De Jhesu Crist et de sa mère 885 Que tu t'en voises a ton père
Qui t'engendra.
L'enfant Sire, plus parler n'en fauldra :
Vez le ci, veez.
Premier chevalier De moy ne sera ja veez :
890 II dit voir, certes.
Le roy Vezci bien miracles appertes, Jehan, que Dieu fait ci pour vous.
Crestiennez tost, sire doulx, Cest enfançon.
Jehan 8g5 Sire, voulentiers, c'est raison.
Pièce a que j'en sçay bien la guise.
Biaux doulx enfes, je te baptise Ou nom de Dieu le père et Crist Le filz et le saint esperit :
900 C'est la benoite trinité,
Trois personnes en l'unité De la substance.
Le roy Dieu lui ottroit en bien croissance!
Or tost, biaux seigneurs, pour amour, go5 Alez le vestir sanz demour
Feticement.
Second chevalier 63 c
Sire, nous ferons liement
Vostre plaisir.
Le roy Et vous, alez hui mais jesir Et reposer, car je le vueil, 910
Jehan, et demain l'appareil Sera fait, ne vous en doubtez, Que serez evesque sacrez
De ceste ville.
Jehan Mon chier seigneur, plus de cent mille 915 Merciz vous en dy, c'est raison.
Je m'en vois donc en ma maison
Jusqu'à demain.
Gabriel Anthure, le roy souverain Veult que voises en ton pais 920
Dont es ne'e, et ne t'esbahis, Car ja ne seras tant veue Que tu soiez recogneue D'omme ne femme.
Doulx Dieu, a vous conmans je m'ame. 925 Mon cuer de joie moult s'envoise Quant il vous plaist que je revoise Au lieu dont me feistes naistre.
Pour ce me vueil au chemin mettre ; Dame des cieulx, conduisiez moy ! 930
Grant joie me feroiz, par foy, S'entre ma gent me voi venue Et point ne sui recogneue, Et que je puisse en povreté Vivre entre eulx, c'est ma voulenté : 935
Autrement seray malbaillie.
E ! Dieux, com je sui traveillie !
2ôO MIRACLE DE VI
Pieça n'erray tant com j'ay hui, Mais ne m'en chault, puis que je sui 940 En la ville ou je venir doy.
Il m'est bien avis que je voy Celle qui neuf mois me porta Séant a celle porte la : 63 d
Je me vueil traire vers son lieu.
943 E ! dame, s'il vous plaist, pour Dieu,
Prestez m'hui mais lieu pour jesir:
Que Dieu vostre plus grant désir Vous entérine.
La mère Anthure E ! lasse, je ne sui pas digne, 95o M'amie: il ne peut avenir.
De plourer ne me puis tenir Quant je voy nulle povre femme, Pour l'amour d'une jeune dame, Moie fille, qui s'en ala 955 Hors de ce pais, vint ans a,
Mettre pour Dieu son corps a gast. Lasse! s'en ce pais hantast, Grant joie au cuer peust avoir, Car evesque sera pour voir 960 Un fil qu'elle a demain sacrez.
E ! ma doulce amie, et qu'avez ?
Je croy que n'estes pas bien saine ; Trop avez enduré de paine.
Passe avant, passe, Maalot, 965 Va, si me fay un lit tantost
Pour ceste femme.
La chamberiére Pour ceste ci ? Je vois, ma dame.
Sa, femme, sa !
La mère Anthure Alez, doulce amie, alez la; 970 Soiez tout aise.
La chamberiére Femme, conment qu'il ne vous plaise, Ce lit ne quier maishui touchier :
Se ainsi vous voulez couchier, Sy y couchiez.
Anthure M'amie, pour Dieu, n'i touchiez : 975
Il est moult bien.
La chamberiére Couchiez vous, que vous n'arez rien 64 a Maishui que je sache, par foy,
Au mains qu'il viengne de par mov,
Vin ne viande. 980
M'amie, je point n'en demande :
Lay moy, vas a la garde Dieu.
Je ne fu pieça en nul lieu Miex hebergie.
La mère Anthure Est ja celle femme couchie? 985
Di me voir, dy.
La chamberiére Oil, dame, pour Dieu mercy :
Elle est trop aise .
La mère Anthure Conme tu es garce mauvaise !
G'i vois; bien voy qu'il ne t'en chaut. 990
E! lasse! M'amie, il vous fault Lever, ne jerrez pas ainsi.
Celle qui vous a laissié cy Envoit Diex honte.
Anthure Pour Dieu, dame, n'en tenez compte, 995
Je vous en proy.
La mère Anthure
Vous vous lèverez, par ma foy,
Car ce lit autrement feray ;
Et puis si vous recoucheray iooo A mon vouloir.
Anthure
E ! dame, il ne vous peut chaloir :
Laissiez en paiz.
Je ne vous lairoie jamais
Ainsi, combien que le vueilliez.
ioo5 Faites tost, si vous despoulliez :
Le lit est prest pour vous couchier,
M'amie ; je vous vueil aidier,
Car de travail vous voy moult lasse ;
Couchiez vous ci, en ceste place, 10 10 Et puis bien couverte serez.
Or dites se vous mengerez
De rien qui soit, m'amie chiére? 64 b
Vous en arez a bonne chiére,
Soit char ou poisson ou volaille ; ioi5 Vous ne fauldrez a riens, sanz faille, Dont arez fain.
Anthure
Dame, le doulx roy souverain
Vous rende ceste courtoisie.
Je sui en si grant maladie 1020 Et de travail si forment lasse
Qu'il n'est riens de quoy je menjasse ;
Ains doubt, sanz me trop agrever,
Que demain ne puisse lever.
Si vous requier, dame, pour Dieu, 102 5 Que par vous je soie en tel lieu
Que l'evesque puisse veoir ;
Je croy miex en vauldray, pour voir, Se je le voy.
La mère Anthure Doulce suer, foy que je vous doy, Bien le verrez, n'en doubtez ja; io3o
Car demain ceens dignera Pour l'amour ma fille, sa mère, Qui souvent me fait bouche amére, Quant de nous s'est ainsi perdue.
Lasse ! puis qu'elle n'est venue, io35
Je croy qu'elle est morte d'annuy.
A Dieu ! reposez vous maishuy, M 'amie chiére.
MlCHIEL
Anthure, tu fais moult grant chiére Etgrant leesce en ton cuer a 1040
De ce que ton filz si sera Demain conme evesque sacrez ; Mais il sera si ahontez Briément, et si li avendra Que s'eveschié du tout perdra. 1045
Mais n'en soies a desconfort Que pour ce que c'yert fait a tort De ce fait le vengera Diex; Demain le verras a tes yex Et parleras a li, pour voir. io5o
Requier lui un petit manoir 64 c Ou recluse soies ta vie ;
Et saches tu n'y faudras mie.
A Dieu te dy.
Diex, com j'ay le cuer esbahy io55
De ce qu'ay oy en dormant !
Mère Dieu, a vous me conmant ; Deffendez moy de l'ennemy Qu'il n'ait pouoir jamais sur my,
Dame, nul jour. ioGo
Second chevalier Mon seigneur, trop faisons séjour :
Au sacre de Jehan alons ; C'est droiz, car il est un sains homs, Si com me semble.
Le roy io65 C'est voirs, alons nous trois ensemble. La royne aussi y venra Et ma fille, qui li tenra La compaignie.
Premier chevalier Sa bellole si n'y est mie 1070 Ore a aler.
Le roy Il le vous fauldra apporter Jusqu'à l'église.
Second chevalier Sire, nous ferons sanz faintise Cestui office.
Jehan l'evesque 1075 Mon chier seigneur, Dieu vous merisse
La grant honneur que m'avez fait ; Par vous, sire, evesque sui fait De ce pais.
Le roy J'en ay grant joye, doulx amis ; 1080 Et sachiez s'il chiet miex a point,
Je n'en vois, mais n'en doubtez point Que vous Tarez.
Jehan Sire, les biens que me ferez, Dieu les vous rende.
Le premier chevalier 108 5 Mon seigneur, on dit c'on amande 64 d
De preudomme servir, c'est voir;
Bien le pouons appercevoir
Par ce roy cy.
Second chevalier Voire : par la seue mercy, Sire, il vous a fait grant bonté, 1090
Quant mis vous a en dignité
Qui est si grande.
La mère Anthure Biau filz, trop forment vous demande Une femme qu'a maison ay, Que pour Dieu hersoir herbergay ; 1095
Si vous requier pour Dieu et pri Qu'il vous plaise a venir a li
Un po parler.
Jehan Je ne le vous vueil refuser, Ma dame, qu'il n'est pas raison ; 1 1 00
Alons men a vostre maison Appertement, que je la voie.
Doulce amie, Dieu vous doint joie!
Que voulez dire ? E! pour l'amour de Dieu, chier sire, i io5
Vous requier un petit ménage Ou mise soie en reclusage, Et je vous ay, sire, en convant Que touz les jours de mon vivant Dieu prieray de bon vouloir 1 1 10
Que celle encor vous doint veoir
Qui vous porta.
Jehan Certes, elle est morte pieça,
Ce croy, m amie.
Anthure Non est, sire, n'en doubtez mie. 1 1 1 5
Faites ce que je vous requier,
Et se dedans un an antier
Ne la veez, biau tresdoulx sire,
Mon corps offre a mettre a martire ; 1 120 Car il n'a gueres qu'en un lit
Couchay avec elle, ou me dit 65 a
Que dedans un an seroit cy.
Sire, en confesse le vous dy Pour véritable.
Jehan 1125 Femme, je ne sçay se c'est fable,
Mais je feray tout ton vouloir.
Que Dieu la me doint reveoir !
Delez l'église a un hostel
Pour reclusage bon et bel ; 1 1 3o Maintenant mener t'y feray.
Or tost, ma dame, sanz delay,
Ceste femme plus ne tenez
Ceens, mais tantost la menez
En ce reclusage qui est 1 1 35 Lez la grant église tout prest,
Car je le vueil.
La mère Anthure
Sire, je feray vostre vueil.
M'amie, or sus! si en irons;
Ou reclusage vous menrons 1140 Trestout en l'eure.
Anthure
Alons, dame. Que Dieu sequeure Vous au besoing !
Jehan Femme , cest ostel ci te doing Pour demourer a ton plaisir.
1 145 Que Dieu celle que tant désir
Me doint encor vive veoir !
VI SAINT JEHAN CRISOTHOMES 2q3
Dame, vueillez la pourveoir
De chamberiére.
Voulentiers, sire, a lie chiére. Maalot, je te pri que la serves 1 1 5o
Si bien que tu m'amour desserves
Et la mon filz.
La chamberiére Dame, de ce soit vo cuer riz Que pour la vostre amour avoir J'en feray si bien mon devoir 1 1 55
Com je pourray.
65 b Le dyable
Haro! haro! grant despit ay
De ce larron Jehan, sanz doubte,
Qui si ensus de lui me boute
Que je ne say tant a lui tendre 1 1 60
Qu'en aucun mal le puisse prendre.
Je ne sçay pas quel art je truisse
Gonment annuy faire li puisse :
Ne le pourray j'a mechief mettre?
Oil, car je pense une lettre 1 1 65
A faire, "plaine de desroy,
La quelle mesdira du roy
Par moz bultrageux et vilains,
Et si faite com se des mains
De ce papelart fust escripte. 11 70
Elle vault faite, elle vault dite.
Ainsi sera il attrappez
Et ou pechié d'ire happez,
Dont il pourra estre en enfer
Présentez au roy Lucifer. 1 17D
Je la vois faire ysnel le pas.
C'est fait. Je croy que je n'ay pas Trop demouré ; vez la ci maie !
Jetter la vois en my la sale 1 1 80 Du roy, a la fin c'on la voie, Et puis si m'en iray ma voie Oultre passant.
Le roy
Je voy une lettre gisant La; d'où vient elle?
Premier chevalier 1 1 85 Sire, par la vierge pucelle,
Je ne sçay, mais d'estrange seel Est seellée bien et bel ; Regardez, sire.
Le roy Par saint Eloy, je la vueil lire; 1 1 90 Je saray qu'il ara dedans.
Seigneurs, congnoissiez vous seens Qui escript ceste note cy ?
Dites le moy, je vous em pry ; Que vous en semble ?
Second chevalier 1 195 Mon chier seigneur, elle ressemble 65 c
A la lettre Jehan l'evesque, Ainsi qu'il m'est avis, mes que Trop longuette est.
Le premier chevalier Certainement, mon seigneur, c'est 1200 De c'escripture.
Le roy Or regardez la grant laidure Qu'il a de moy ci dedans dit!
Veez vous bien le grant despit Qu'il dit de moy? ne sçay pour quoy.
i2o5 Alez le me querre en requoy :
VI SAINT JEHAN CRISOTHOMES 2(j5
Dites qu'en grant haste le mant, Mais ne li faites nul semblant De cest oultrage.
Le second chevalier Mon chier seigneur, non feray je.
Sire evesque, Dieu vous doint joie ! 1 2 1 o
Mon seigneur le roy vous envoie Querre, et dit que ne laissiez pas Que ne veigniez ysnel le pas
A lui parler.
Jehan Voulentiers ;"ça, g'i vueil aler ; 1 2 1 5
Plus ne vueil cy estre a requoy.
Venez vous deux avecques moy
Sanz targier plus.
Le premier clerc Voulentiers. sire, sanz refus ;
C'est de raison. 1220
Jehan Mon seigneur, sanz arrestoison Vieng ci a vostre mandement, Et il est droit, car vraiement
G'y sui tenuz.
Le roy Jehan, icy sont contenuz 1225
Plusieurs faiz. Faites moy certain S'il sont escripz de vostre main.
Regardez y.
65 d Jehan
Mon seigneur, onques mais ne vy
Lettre ressembler miex la moye : 1 2 3o
Je ne say, se Dieu me doint joie,
Se je la fis.
296 miracle de
Second clerc Sire, je sui certains et fis Que c'est de la vostre escripture ; 1235 Je la congnois a la mesure Des traiz qu'elle a.
Le roy Jehan, or la rebailliez sa.
Il pert bien que pas ne marnez, Quant vous ainsi me diffamez 1 240 Com ci dedans avez escript.
Mais, par le tresdoulx Jhesu Crist, Il vous sera vendu trop chier !
Biaux seigneurs, alez li trenchier Tost le poing destre.
Jehan 1245 Mercy, pour le doulx roy celestre,
Mon seigneur ! onques en ma vie Ne me prist de mesdire envie De vous, sire, bien le sachiez.
E ! las, s'a tort sui mehaigniez, i25o S'iert grant pechié.
Le roy Par Dieu, le poing et l'eveschié Tout ensemble vous osteray !
Seigneurs, faites tost sanz delay :
Délivrez m'ent.
Second chevalier 1255 Si ferons nous, sire, briément,
Puis que vous n'en avez mercy.
Jehan, agenoillez vous cy :
Sa, celle main !
Jehan E! Diex, onques mais homme humain 1260 N'ot si grant honte sanz raison
Conme j'ay ci par traison ; Dont vient ce, Diex?
66 a Second chevalier
C'est fait. Forment sera soubtiex
Qui le vous pourra rasseoir,
Puis que jus l*ay veu cheoir. I2Ô5
Mon cher seigneur, pendre le fault,
En my ceste sale bien hault ;
Si sera au peuple monstre
Puiscedi qu'il est dessevré
Tout hors du bras. 1 270
Le roy Or tost, ostez li ses bons draps Et celle croce et celle mittre ; Puis le menez en ce chapitre Ou de verges sera batuz.
Dites a l'abbé que vestuz 1275
Soit moine, s'il m'a de riens chier, Et que désormais soit cloistrier
A la salette.
Premier chevalier Vostre voulenté sera faitte, Mon seigneur, je l'i vois mener. 1280
Dans abbes, Dieu vous puist donner Bon jour ! Le roy vous mande ainsi Que vous faciez ce seignour ci
Moine profès.
L'abbé Ses vouloirs sera du tout fais 1285
Tout maintenant sanz alentir.
Dan Guillem, alez le vestir,
Et vous, dan Pierre !
Premier moine Voulentiers, mon seigneur, bonne erre
Sanz varier. 1290
La mére Anthure Dieux ! trop me puez contrarier :
Lasse ! de quelle heure nasqui? Lasse ! m'amie, lasse ! emy !
Nous avons nostre amy perdu ; 1 295 Le roy l'a fait moine rendu,
Mais avant^lui a le poing destre Fait coper, et pour une lettre Qu'il n'a pas fait, ains li mett sus.
Lasse ! or est bien mes cuers confus 66 b
1 3oo Par double paine.
Anthure E ! m'amie, en la souveraine Vierge des cieulx vous confortez, Et vous arez un confort telz Par li qu'il vous sera avis 1 3o5 Qu'en joie soit voz cuers raviz
Certainement
La mére Anthure E ! lasse ! m'amie, et conment Pourroit il estre ?
Anthure Moult bien, s'il plaist au roy celestre, 1 3 1 o Si que priez le de cuer fin,
Et vraiement en la parfin Vous aydera.
La mére Anthure Lasse! je ne say qu'il fera.
Je m'en revoys en ma maison; ï 3 1 5 Trop ay au cuer grant marrison.
A Dieu, ma suer!
Anthure Dame, a Dieu, qui vous doint en cuer Joie parfaite !
Jehan E! mère Dieu, par qui fu faite Si grant grâce a humain lignage 1 32o
Que pour leur donner l'eritage Sanz fin Dieux homme en vous devint Et des cieulx sa jus morir vint Pour donner vie pardurable ; Dame sur toutes amiable, i 32 5
Gloire des anges et des sains, Qui les plus malades faiz sains, Dame de pitié tresoriére, S'il vous plaist, oiez ma prie're !
J'ay mis en vous servir ma cure, i33o
Et conment m'estes vous si dure Qu'ainsi m'avez laissié honnir ?
Dame, trop m'en puis esbahir, Car j'en sui de touz diffamez.
66 c Pour ce, si voir com vous savez, 1 335
Doulce vierge, que c'est a tort, S'il vous plaist, donnez me la mort.
Trop ay souffert peine en ma vie :
Ou désert fu mis par envie, Ou Sathan me fist moult d'ennoy ; 1 340
Or ay pis, si ne say pour quoy :
Li roys m'a fait coper le poing.
Confortez moy a ce besoing, Royne pure.
Nostrr Dame My ange, alons bonne aleure 1 345
A mon ami qui si m'appelle Doulcement en celle chappelle Par moz piteux.
Gabriel Vierge, mère au roy glorieux,
i35o Chascun de nous a grant désir
De faire tout vostre plaisir.
Dame, or alons.
Michiel Voire, Gabriel, et chantons Ce rondel pour nous conforter
RONDEL
i 35 5 Jehan, penses d'onneur porter
Celle qui le fil Dieu porta,
Car ci vient pour toy déporter,
Jehan, penses d'onneur porter,
Et pour toy main neuve apporter.
i36o Donc, puis qu'en li tel déport a,
Jehan, penses d'onneur porter
Celle qui le filz Dieu porta.
Nostre Dame
Amis Jehan, li roys tort a
Qui vous a en si mal point mis ; 1 365 Mais je vieng ci, biau doulx amis,
Pour vous oster de tel tristesce.
Mettez vostre cuer en leesce :
En moy servir gaigniez assez ;
De ce mal serez repassez, i 3jo Maintenant plus n'attenderay,
Car main nouvelle vous feray
Plus gente, plus belle et plus saine 66 d
Conques ne fu la premeraine.
Va tendis et ne laisse mie, 1 375 Gabriel : dy par l'abbaie,
Si hault c'on te puist bien oir,
Que Jehan on veille chérir Desoresmais.
Gabriel
Voulentiers, dame. E ! clejs et lais, 1 38o Foie gent, l'evesque honnorez
Qui a tort est deshonnorez ;
VI SAINT JEHAN CRISOTHÛMES 3oi
Dieu s'en courrouce.
Nostre Dame Râlons nous ent, mesnie doulce, Es cieulx la sus.
MlCHIEL
Dame, alons. Gabriel, or sus : 1 385
Chanter nous fault.
Gabriel Michiel, la vois pas ne me fault :
Or disons donc a haulte alaine.
RONDEL
Dame de la gloire haultaine,
Vostre doulce miséricorde 1890
Souvent a Dieu mainte ame accorde,
Quant par pechié en est lointaine,
Dame de la gloire haultaine;
Car de grâce estes la fontaine
Ou laver peut toute discorde 1 3g5
Pécheur qui de cuer vous recorde.
Dame de la gloire haultaine,
Vostre doulce miséricorde
Souvent a Dieu mainte ame accorde.
L'abbé Biaux seigneurs, pour miséricorde, 1400
Dites, n'avez vous pas oy D'une voiz qui passe par cy Ce qu'elle a dit ?
Premier moine Oil, sire, se Dieu m'aist,
Bien oy l'ay. 1405
L'abbé 67 a Querons l'evesque sanz delay :
Dieu l'a moult chier.
Second moine Mon seigneur, il est au moustier ;
Alons y, ce s'est vostre accort.
141 o Vez le la, sire, ou il se dort En la chappelle.
L'abbé Seigneurs, vezci vertuz moult belle !
Regardez la nouvelle main Que Dieux li a fait puis ver main.
141 5 II fault qu'il liéve de ce lieu.
Or sus, sire, sus de par Dieu !
Esveilliez vous.
L'evesque Que vous plaist il, mon seigneur doulx? Dieux, qu'ay je veu ?
L'abbé 1420 Sire, grant grâce receu
Avez de Dieu le souverain, Quant rendu vous a vostre main, Sire, si belle.
L'evesque E! tresdoulce vierge pucelle, 1425 Je vous doy bien de cuer servir
Pour ceste bonté desservir, Royne pure !
L'abbé Vous estes sainte créature, Sire ! Jamais ne fineray 1430 Jusqu'à tant qu'au roy dit l'aray. Mes frères, avec moy venez.
Sire, bon jour vous soit donnez!
Sire, ce sera grant pechié Se Jehan ne ra s'eveschié, 1435 Qu'a tort lui a esté tolue,
Car Dieu li a sa main rendue, Qui nous a hui envoie dire
VI SAINT JEHAN CR1S0TH0MES 3o3
Par une voiz qu'il veult, biau sire, Qu'evesque soit.
Le roy Las! a ce que mes cuers conçoit, 144
Ly ennemis m'a deceu, 6j b Et Dieu le preudomme a veu.
Son eveschié li renderay, Et a lui parler m'en iray Tout maintenant sanz plus targier. 1445
Ami Dieu, pardon vous requier ; J'ay trop encontre vous mespris, Mais je vous pri, sire, que pris
Soie a pardon.
Jehan Je le vous pardoing de cuer bon, 1450
Et Dieu si face !
Le roy Sire, sanz plus terme n'espace, Faites tost, si vous en venez, Et vous serez restituez
En l'eveschié, et vous rendray 1455
Voz joyaux qu'a tort vous ostay,
Dont me repens.
Jehan Mon seigneur, et je m'i assens.
Or alons dont.
Anthure E! tresdoulx Dieu, père du mont, 1460
Confortez moy, trop sui malade :
Le corps m'est si pesant et fade Que plus ne peut.
Gabriel Anthure, saches Dieu te veult
1465 Oster de ce siècle mondain,
Et te fait savoir que demain De ce siècle trespasséras.
Appreste toy, car tu seras Des cieulx doée.
La chamberiére 1470 Dame, par la vierge honnorée, Je vous voy en trop petit point ; Grant maladie au cuer vous point, Si com je croy.
Anthure C'est voir, m'amie; je vous proy, 1475 Alez tost chiez ma bonne amie :
Dites li qu'elle ne laist mie Qu'elle ne me viengne veoir, 6y c
Se jamais sa fille veoir Veult a nul jour.
La chamberiére 1480 Je vois sanz faire nul séjour.
Ma dame, se jamais voulez Veoir vostre fille, venez A la recluse.
La mère Anthure Di que je vois sanz faire muse; 1485 Je m'en vois courant son filz querre.
Sire, venez vous ent bonne erre :
La recluse nous a mandé Que ja verrons, pour vérité, Ma fille Anthure.
L'evesque 1490 Alons y donc bonne aleure,
Ma doulce dame.
La chamberiére Dame, vez ça venir ma dame,
Qui l'evesque avec li amaine; Chascun de venir moult se peine,
Je vous affi.
Anthure E ! tresdoulx Diex, ces deus gens cy, Si vous plaist, en grâce tenez.
Sire, pour Dieu, que me donnez, S'il vous plaist, le saint sacrement De l'autel, et je vraiement i5oo
Vous promet qu'ains nonne verrez Celle en qui fustes engendrez
Et dont nasquistes.
L'evesque M'amie, de ce que me dites Sui moult liez, mais plus seray lors. i5o5
Je vous vois querre le saint corps Dieu. M'amie, sachiez : vezcy Celui qui des cieulx: descendi En la vierge et y fut neuf mois, •
Et celui qui pour nous en crois 1 5 i o
Morut, et qui es cieulx monta, Et celui qui nous jugera ;
Le créez vous ?
Anthure Ainsi le croy je, sire doulx,
Tout vraiement. 1 3 r 5
L'evesque Tenez : a vostre sauvement
Le puissiez prendre.
Anthure Dame, vueillez a moy entendre Un petit. Assez tost verrez Telle chose dont vous serez 1 520
Moult esbahie.
3o6 MIRACLE DE VI
MlCHIEL
Gabriel, ne nous targons mie :
Alons querre appertement l'ame D'Anthure, celle sainte femme 1 525 Qui se trespasse.
Gabriel Alons, que Sathan ne l'enlasse.
Qui droit n'y a.
La mère Anthure Doulce dame, ave Maria !
Bonne gent, lasse ! que feray ?
i5 3o Vez ci celle que je portay
Neuf mois. E! belle fille Anthure, Conment as tu esté si dure Qu'a moy ne t'es faite cognoistre?
Lasse ! or doit bien mon dueil accroistre, 1 535 Quant mon enfant n'ay cognu vive,
Et quant morte est, lasse chetive !
Donc primes Pay je cogneu.
Ha ! filz, com sommes deceu De vostre mère !
L'evesque i 540 E ! las, cy a douleur amére,
Mère, que me faites sentir !
Conment a peu consentir Dieu que tant vous aions veu Et ne vous aions congneu ?
1 545 Je ne say, voir.
Premier clerc Mon seigneur, tel dueil concevoir Ne faire a vous pas n'appartient. OS a
Puis que morte est, il la convient En terre mettre.
L'evesque 1 55o Seigneurs, il vous fault entremettre
VI SAINT JEHAN CRISOTHO.MES 3û
D'elle en ce coffre cy bouter Et jusqu'à mon hostel porter ; La ensevelie sera Et de mors on li chantera
Tout le service. i555
Second clerc Nous ferons moult bien tout l'office, Mon seigneur, ne vous en doublez.
Biau compains, contre moy prenez, Et en ce coffre la mettons.
Elle y est. Or l'en emportons 1 56o
Appertement.
La mère Anthure E ! fille, conme a grant tourment As mon cuer par ceste mort mis !
Hui te soit Dieux a l'ame amis,
Par sa bonté. 1 5 G 5
Portons devant la trinité, Gabriel, ceste ame en chantant, Qui en ce siècle a souffert tant Paine et martire.
Gabriel C'est bien dit. Or pensons de dire 070
Ce rondel ci qui moult m'agrée
RONDEL
En la gloire beneurée, Ame, ou ton créateur verras, Sera sanz fin ta demourée.
En la gloire beneurée i5j5
La seras tu si honnorée Qu'avec les chérubins seras En la gloire beneurée, Ame, ou ton créateur verras.
Exyîicit
DE
L'abbesse
La première nonne
Deuxiesme nonne
Le frescheur
Nostre Dame
Gabriel
MlCHIEL
La damoiselle La dame Les en f ans Les suers Le messagier Le premier eilz Deuxiesme filz
Cy conmence un miracle de Nostre Dame d'une nonne qui laissa son abbaie pour s'en aler avec un chevalier qui l'espousa, et depuis qiCil^ orent eu de biaux enfans, Nostre Dame s'apparut a elle, dont elle retourna en s' abbaie et le chevalier se rendi moinne. 6 g a
