DEUXIESME FIL

iooo Halas ! ma dame, ou estes vous?

Ma dame, venez a nous ça.

Egar ! elle n'est mie la.

Halas ! ma dame !

Premier fil Or te" tais, mon frère, et par m'ame ioo5 Je te doinray ja une noiz.

Las ! encore po me congnoiz Pour nous deux savoir gouverner, Ne conment me doy démener, N'en quel affaire. ioio Enfans, qu'avez a ainsi braire

Entre vous deux?

Premier fil Escuier, nous sommes touz seulz Laissié ceens conme esperdu, Car père et mère avons perdu, ioi5 Si com me semble.

L'escuier Je vous menray touz deux ensemble Chiez vostre oncle. Y voulez venir?

De plourer vous faulra tenir Se vous y maine.

Deuxiesme fil 1020 Quant g'i alay, l'autre sepmaine, Il me donnit de son blanc pain Et des pommes dedanz mon sain, Se m'aist Diex.

L'escuier Tu diz voir. Or torche tes yex; 1025 Encore t'en donrra il ja.

Ne plourez plus vous deux, or ça;

Avecques moy vous en venez.

Espoir que vous y trouverez ~jjb

Vostre mère qui s'y déjeune, io3o

Qui alée y est pour aucune Besonîine faire.

Le chevalier Belle seur, bien va nostre affaire.

Se Dieu plaist, je voy la l'abbesse Et avec lui la prieuresse :

Alons a genouz devant lui. io35

Chiére dame, je sui celui Qui requier estre a merci pris De ce que j'ay vers vous mespris.

Car de ceens fortrais la nonne Que vous teniez a tant bonne, 1040

Et li ay fait rompre son veu.

D'estre nommé vostre nepveu Ne sui mais digne, bien le say, Pour le grant pechié que fait ay ; Nonpourquant je la vous ramaine, 1045

Et vous requier, pour la haultaine Amour qu'a nous monstra li roys Des cieulx quant voult morir en croiz, Qu'elle a mercy soit receue Et des draps de ceens vestue io5o

Aussi qu'autre foiz a esté; Et je vous jure en vérité Que se la voulez recevoir Je devenray moine pour voir

Sanz demourée. io55