VIII UN PAPE QUI VENDI LE B\SME

De ce pécheur qui vous appelle.

Mais encore n'a il pas telle

Contriccion conme il li fault,

Pour du tout purgier son deffault ;

Si que je vueil qu'a ly alez, 65o

Dame, et que vous a ly parlez,

Non pas par manière amiable,

Mais par parole espoventable

L'araisonnez, afin c'on voie

S'il veult parfait estre en la voie 655

De repentence ou il s'est mis,

Afin qu'il desserve estre amis

De moy et vous.

Nostre Dame Mon père, mon fil, mon espoux, Vostre conmandement feray 660

Maintenant, plus n'atenderay.

Michiel, et vous, Gabriel, sus :

Venez avecques moy la jus

Par compagnie

MlCHIEL

Royne de la Dieu mesnie, 665

Nous ferons vostre voulenté.

Or nous fault estre entalenté, Gabriel, de dire un rondel En chant, le miex et le plus bel

Que nous sarons. 670

Gabriel 84 a Michiel, cestui donques disons

Qui a biau chant et bon ditté.

Rondel Toy servir en humilité Fait pécheur vers Dieu racorder, Vierge ou maint sens, los et bonté, 6/5

Toy servir en humilité :

De science l'infinité

T'eslut pour pechié descorder.

Nostre Dame Vil charoingne ou il n'a qu'order,

680 Plain de la Dieu inimitié,

Fuy de cy, fay que despechié Soit ce lieu qui est ma maison De toy tost sanz arrestoison, Car d'ordure elle est toute plaine

685 Tant conme chose si vilaine

Con tu es cy dedanz demeure ; Et pour ce te conmans qu'en Teure T'en voises de cy, sanz plus estre.

Râlons men en gloire celestre,

690 Mes chiers amis.

MlCHIEL.

Alons, dame de paradis, Puis qu'il vous plaist, et en alant Pardisons ce chant qu'en venant Avions empris.

Gabriel 695 Michiel, j'en ay le cuer espris.

Disons pour en estre acquitté.

Résidu du rondel De science l'infinité T'eslut pour pechié descorder; Toy servir en humilité 700 Fait pécheur vers Dieu racorder.

Le pape Las ! chetif, plain de tout amer, Las ! or ne sçay je que je face.

Je voy que j'ay perdu la grâce De saint Pierre, l'ami de Dieu.

705 Or me rechace de ce lieu 84 b

La mère de miséricorde