VIU UN PAPE QUI VENDI LE BASME

Nostre Dame Triste corps, dolans et chetis, Dy qui te fait désobéir A moy, ne ceens plus seir.

Pour quoy tantost n'en partiz tu, Conme je le foy deffendu ? 775

Ja fay je dit que mon église Est d'ordure par toy conquise Toute soullie et toute plaine ; Fuy de cy, personne vilaine.

84 d Garde que jamais ne t'y voies. 780

Vuide ma maison et mes voies.

Fuy t'en arriére.

Le pape Dame de pitié tresoriére, Dame de grâce donnarresse Et de pechié pardonnerresse, 785

S'a mercy ne me recevez Et de pechié ne me lavez, Onques homs ne vous fist d'onneur Tant com vous feray deshonneur, Car vostre nom abateray 790

Et vostre honneur affaceray.

Ne je ne croy de rien ce dit Que ja par deux foiz m'avez dit ; Ains sçay bien que vous estes celle Que nulz dévotement n'appelle 795

Qu'il ne vous truisse appareillée Et de lui mediciner liée Ce sçay je bien certainement Et donques se moy seulement Refusez sanz donner mercy, 800

Jamais ne partiray de cy ; Mais en grans pleurs et en grans lermes Sera de ma vie li termes.

Se li ennemis emporter

8o5 Me veult, pour li plus déporter,

De ta maison m'emportera

Et de tes piez me lèvera.

Si rrfenporte ainsi, ton renom

Perdras et si tresnoble nom 810 Com de miséricorde mère.

Si sera chose trop amére,

Se ton nom laisses effacier

Et t'onneur ainsi abaissier

Et l'ame qui a toy souspire 8i5 De ta sainte grâce n'espire.

Humble vierge, pour ce te proy

De cuer que tu vueilles de moy Avoir mercy.

Nostre Dame 85 a

My ange, alons nous ent de cy 820 Avec mon filz lassus en gloire.

Rien plus ne li pense a dire ore Que ly ay dit.

MlCHIEL

Dame, sanz aucun contredit Ferons du tout vostre vouloir.

825 Nous n'en pouons que miex valoir,

Par vérité.

Dieu

Par. vous vueil me soit recité

Ce pécheur que vous a il dit?

Dites le moy sanz contredit, 83o Mère Marie.

Nostre Dame

Mon enfant, a chiére marie

En grans lermes et en grans pleurs

M'a dit que se ne le sequeurs

Telle deshonneur me fera 835 Que le nom il m'abatera