VIII UN PAPE QUI VENDI LE BASME ÙÇ

De la doulce vierge pucelle Sy d Sanz plus attendre.

Le pape Il me plaist : alez les despendre, Sergens, et si les m'apportez. 1200

Le conseil dont sui enortez

Vueil qu'il se face.

Premier sergent Sire, sanz plus terme n'espace, Donques les vous despenderons Et si les vous apporterons. i2o5

Sire, tenez.

Le pape C'est bien fait; or vous en venez Après moy touz; j'iray devant En la chappelie a l'avenant

Vierge Marie. 1210

Second sergent Sire, ne vous laisserons mie,

Ains vous suivrons.

Le pape Ho ! seigneurs, coiz nous arrestons, Puis que nous sommes en l'église La dame plaine de franchise, 1 2 1 5

Et me laissiez m'offrande faire, Ave, royne débonnaire, Du treshault Dieu souverain temple Et aussi de tout bien exemple, Souverain mont de forteresse, 1220

Souveraine humble et en hautesse, Souveraine beneurté Des sains après la trinité!

Dame, a toy loer petit vail :

Tu es des ennemis le mail, 1225

Tu es des vierges la clarté, Des anges la solempnité

Et des sains louenge nouvelle.

Vierge, du lait de ta mamelle i23o Nous arouse et de ton doulx miel

Nous adoulcis, dame du ciel,

Par la doulceur de ta pitié

Et par Tardeur de famistié. 88 a

Plaisant a Dieu dame, or te plaise 1235 Qu'a nous par toy Dieu se rapaise

Par feu de tribulacion,

Par pressoir de temptacion,

Par la purté d'entendement,

Par véritable parlement 1240 Et par la sainte de bons faiz

En ame et en corps me parfaiz

Et touz ceulx dont il est mestier

De prier, car c'est mon mestier.

Vierge plaine de vraies joies, 1245 Pour ce que tu ma prière oies

Et pour ce que délivré m'as

De l'ennemi et de ses las

Et de grâce reconforté,

Ces escharboucles apporté i25o T'ay, vierge, et si les te présent.

Or recoif en gré le présent

Que te fait ce povre pécheur.

Tenez, pendez les la, seigneurs Devant Tymage.

Premier sergent 1255 Mon chier seigneur, de bon courage

Ferons vostre conmandement.

En Teure sanz delaiement Seront pendues.

Premier cardinal

Mon seigneur, pour les grans values 1260 Dont il sont et pour leur renom.

Je lo que ceste église ait nom