QUATRIESME MAISTRE
Conment, maistre, peut donc avoir Viel homme nouvelle naiscence ?
Je ne croy que nulz ait puissance Telle qu'il se puist mettre ou ventre 940
De sa mère, ne qu'il y rentre Pour naistre enfant.
Jhesus Tu as engin mal entendant.
Je te di que nulz n'enterra Ou règne Dieu, qui ne sera 945
Aussi conme maintenant nez, Tout de nouvel régénérez En yave et ou saint esperit :
Car savoir doiz sanz contredit Que ce qui de char naist char est, 950
Et ce qui de Fesperit naist Est esperit par autel point.
Ne te merveilles donques point S'en ma raison m'as oy mettre 955 Que, pour estre sauf, il fault naistre
Tout derrechief.
QUATRIESME MA1STRE
Du savoir suis a grant mcschief Conment peut c"estre.
Jhesus
Conment ? Tu tiens siège de maistre 960 Et si es si plain d'ignorance
Que tu n'en as pas congnoissance !
Se je vous parle en gênerai
Des choses qui sont en aval,
Qui sont les choses terriennes, 965 Et n'i créés, les celestiennes
Conment croirez se les vous di ?
Je ne sçay. Dites moy ceci :
Je vous demant a touz ensemble
En vérité : de qui vous semble 970 Que Crist, qu'a avoir attendez,
Par qui devez estre sauvez,
Que il soit filz ? $3 d
QUATRTESME MAISTRE
Maistre, il sera rilz de David; Se lisons nous.
Jhesus 975 Or gardez bien : que dites vous ?
Conment seigneur en esperit L'appelle dont David qui dit :
Dixit Dominus Domino meo: Sede a dextris meis, donnée ponam inimicos tuos scabellum pedwn tuorum?
Se David par ceste raison 980 Son maistre et son seigneur l'appelle,
Conment sera la chose telle Que son fil soit '?
Nostre Dame Ha ! biau filz, es tu ci endroit ?
E ! lasse ! que nous as tu fait ?
Trop nous as mis en grant dehait. 985
Entre Joseph, ton père, et moy, Nous t'avons quis trois jours par foy De lieu en lieu, chiez noz parens.
Nous ne savions mais par quel sens Nouvelles de toy eussions. 990
Je crois que touz deux mort feussions Se nous ne t'eussions trouvé.
Nostre joie avons recouvré,
Quant te veons.
Jhesus Pour quoy, mère ? quelle achoisons 995
Vous a fait gester si voz pas ?
Dites moi, ne savez vous pas Qu'es choses qui sont de mon père Il esconvient que je m'apére
Desoremais ? 1 000
Joseph Certes, je ne fu onques mais Si troublez conme j'ay esté Pour toy, biau filz, qu'en vérité Nous te cuidions avoir perdu :
./ a S'en estions si esperdu, ioo5
Que nous ne savions que faire Ne ne savions quel part traire
Pour toy trouver.
Jhesus Ore c'est fait ; laissons ester :
Il devoit ainsi avenir. 1 o r o
Que pensez vous a devenir ?
Nous avons assez esté ci.
Ou irons nous, pour Dieu merci,
De ci endroit ?
242 miracle de v
Nostre Dame ioi5 Biau filz, nous en irons tout droit
Chiez un mien ami bien prouchain, Qui de vous veoir a grant fain Dessus son lieu.
Premier maistre Seigneurs, je ne tiens pas a jeu [020 Ce que ce garçon dit nous a : Le peuple nous en moquera, J'en sui certains.
Deuxiesme maistre Il me poise que de mes mains Ne li ay batu le visage.
1 02 5 Conment l'ont fait dyable si sage,
Qu'il nous a touz quatre maté ?
Par le grant Dieu, j'en ai esté Et sui encore si plain d'ire Qu'il me semble c'om me martire io3o D'une grant masse.
Troisiesme maistre Il convient que ce dueil ce passe.
Que dyable y soit ! Laissons ester Ce larroncel : alons disner ; Je miex n'i voi.
Quatriesme maistre io35 Sire, de ma part je l'ottroy.
Alons touz quatre en ma maison :
Je vous donrray a grant foison Rost et pastez, poisson, blanc pain, Et de bon vin de Saint Pourçain, 1040 Trestout pour nient. S 4 b
Nostre Dame Biau filz, aler nous en convient
En Nazareth, dont nous venismes :
Car, si m'aist Iy roy haultismes,
Il me tarde moult que g'y soie.
Joseph, mettons nous tost a voie io| 5
S'il vous agrée.
Joseph Dame, mes cuers a el ne bée.
Par amours or nous en alons Par chiez noz parens, ou avons Quis Jhesu, faire leur savoir io5o
Que nous l'avons trouvé pour voir,
Et leur monstrons.
Joseph, il me plaist bien, alons ; Aussi en seront il plus aise, Quant nous saront hors de malaise. io55
Biau filz, par la main me tenez Et avec moi vous en venez
En Nazareth.
Jhesus Mère, j'ay cuer et vouloir prest D'easuir vous ou vous irez, 1060
Et de faire quanque direz
Benignement.
Joseph Biau filz, c'est bien dit; alons ment.
Que Diex noz meffaiz pardonner Nous vueille, et en la fin donner io65
Des cieulx la gloire !
Amen.
Explicii.
Serventoys couronné au dit pny. jj. c
luseurs haulx biens sont a considérer En la vierge glorieuse Marie C'om peut arche du sauvement nommer Car Noël rist pour porter sa mesnie L'arche que Diex par pure courtoisie Li divisa pour leur salvacion Cent ans devant; si di sanz ficcion Que mil ans ains que la vierge fu née Amours l'avoit arche prédestinée Pour porter ce qui sauver nous devoit. 1 1 Ainsi amours de loing les siens pourvoit.
Noble chose nst amours d'ordener L'arche plaisant d'umilité garnie, Car il y mist pour bien la gouverner Set avirons tournans a port de vie :
C'est craindre Dieu, attrempance s'amie, Foy, force, paix, juste condicion, Et charité fu la perfeccion.
Mais aussi tost qu'elle fu aprestée, Saints esperiz par voiz d'ange aportée Dist que premier dedanz se logeroit 22 Au gré d'amours qui ordené l'avoit.
Pour ce fait bon entendre a bien amer L'arche qu'amours (c'est Diex) ot raemplie De son chier fil pour les siens visiter Et rachater, conme dist Zacarie ; Car de pur sanc en l'arche presaintie
V LA NATIVITÉ NOSTRE SEIGNEUR JHESU CRIST 2-\.b
Homme devint sanz diminucion
De deité, par si noble accion
Qu'en ce fait fu virginité gardée,
Et nature n'y fu point appellée,
Car du secret mesler ne se pouoit
Par la vertu d'amours qui y ouvroit. 33
Bien pert a l'euvre ou amours voult ouvrer Qu'il fist l'arche, qu'il a si anoblie Que touz nous peut de la parfonde mer D'enfer garder, tant a de seigneurie.
Vierge porta la char qui fu norrie De vierge lait par sainte affeccion ; 54 d Vierge vesqui sanz occupacion D'aucun péchié conme beneurée; Vierge morut, et vit vierge honnourée En ame et corps es sains cieulx de son droit. Par le plaisir d'amours mes cuers le croit. 44
Dame qui fait sur toutes a louer,
Arche royaux ou tout bien multiplie,
Nommer vous puis coulombe sanz amer,
Chambre de Dieu de vertuz embellie,
Advocate qui vers li nous ralie
Et fontaine de consolacion.
Princesce qui de transmigracion
Délivrez ceulx dont estes reclamée
En vraie foy, mère de Dieu amée,
Requérez li qu'en la fin nous ottroit
Les biens qu'amant par bien amer reçoit. 55
L'envoy
Princes, servons de cuer et de pensée
L'arche en qui fu la sainte char fourmée
De Jhesu Crist, car bien li ramentoit
Son vray servant, afin que sauvé soit. 5q
Serventoys estrivé.
elle, bonne, lie, loyaux, loée Par droit nommée est la vierge plaisans, Qui belle fu et bonne ainçois que née, Qui belle aussi et bonne fu naisçans, Qui belle et bonne u monde conversans Lie et loyaux se voult toute a Dieu rendre, Et qui loyaux fu digne de comprendre Dieu et vray homme et par nuef mois porter, Dont sains espirs et amours depuis lie, Loée et lie, le fist délivrer, 1 1 Gardant Tonneur de chascune partie.
Dont qui congnoist la vie énamourée Celle honnourer doit bien, quant pour amans Est mère ainsi bonne et lie, adorée, Loyaux, loée, et vierge permanans.
Et ce fu bien li buisson figurans Que Moyses vit ardoir et esprendre Sanz verdeur perdre en branche ou feuille tendre; Telle la voult la porte aussi monstrer Qu'Ezechiel vit close : ainsi Marie 55 a
Fu et sera et est, qu'on doit loer, 22 Vie aux vivans ou honneurs monteplie.
Si ques par ce doit estre bien amée,
Conme celle que Jacob fu veans
En samblance d'une eschielle ordenée
Si haulte qu'elle estoit les cieulx touchans;
Conme li mons dont la lov descendans
Nouvelle fu, qu'en doit croire et apprendre ;
Et conme celle aussi c'on peut entendre
Par Abacuc qui porta le diner
A Daniel : car ainsi ceste amie
Nous vint du pain des anges recréer.
Loée en soit amours et sa maistrie. 33
Pour quoy li cuers ou honneurs est entrée
Doit croire que belle, bonne, sachans,
Lie, loyaux, loée, est eslevée
A la destre de Dieu son fil, regnans
En ame et corps, et ceste foy gardans
Doit ami vrais merci de li attendre,
Conme de dame ou toute honneur estendrc
Diex a volu, de dame sanz amer
En paradis honnourée et servie.
De dame en terre aourée et en mer.
De dame en qui toute grâce est nourrie. 44
Dame au gent corps, courtoise et aiosée,
Belle, bonne, lie, loyaux, vaillans,
Buissons sacrez, porte de Dieu fermée,
Eschielle sainte et mons resplandissans.
Femme loée u ciel dont saint Jehans
Jadis vous vit pour voz servans deffendre
Ainsi qu'une sainte cité descendre,
Vueilliez pour eulx, dame, grâce empêtrer ;
Et me donnez, vierge glorifiie,
Qu'adès de vous puisse au saint gré parler
D'amours qui m'a en sa doulce baillie. 55
L'en vo y
Prince, j'ose bien dire et sanz mesprendre Qu'a autre fin ne doit vraiz amans tendre Qu'a ceste vierge et son chier riiz amer.
Car par sa grant puissance et courtoisie En un moment peut plus guerredonner 55 b 61 Qu'en ne pourroit merir toute sa vie.
DE
SAINT JEHAN CRISOTHOMES
Anthure
La mère Anthure
Jehan Boche d'or
Le curé
Le roy
Premier chevalier
Second chevalie:?
La fille au roy
Nostre Dame
Gabriel
Michiel
Le dyable
L'enfant a la Fjlle
La chamberiére
Premier clerc
Second clerc
L'abbé
Premier moine
SECOiND MOINE
Cy conmence un miracle de Nostre Dame de saint Jehan Crisothomes et de Anthure, sa mère, conment un roy lui Jîst coper le poing et Nostre Dame lui refis t une nouvelle main. 56 a
J^iue est ista que progreditur quasi aurora cunsur- Vj^jjlA gens , pulchra ut luna, electa ut sol , terribilis ut castrorum acies ordinata ? Mon seigneur saint Jérôme, en un sermon qu'il fait de la glorieuse vierge Marie, en soy escusant de sa loenge, pour ce que on doit moult doubter qu'en loant si haulte royne langue humaine, qui est corrumpable, ne faille, si dit : Quanque l'en peut dire par paroles humaines a la loenge de ceste glorieuse vierge est aussi conme nient au regart de la loenge qu'elle a ou ciel, et trop plus exceller) ment est la des anges loée, des prophètes pronuncée, des patriarches presignée, des evangelistes demonstrée ; que diray je donques de ceste dame, de qui figure et escripture en eulz esmerveillant dient : Que est ista que progreditur quasi 56 b aurora, etc. ? Qui est ceste dame qui est venue aussi conme l'aube du jour soy levant, qui est belle conme la lune, eslevée conme le soleil, espoventable conme une ost ordenée ? Premièrement se par figure demande l'es-
lb'2. MIRACLE DE VI
cripture qui est cestedame, est ce Judith la forte en oroison ? certes elle est plus forte en oroison que Judith. Car se Judith par oroisons délivra son peuple et occist Holoferne, le prince de la chevalerie, ceste glorieuse vierge ainsi a délivré par ses oroisons tout le monde des mains a l'ennemi. Et pour ce que li ennemi déçut la première vierge femme, laquelle déçut aussi le premier homme qui vierge estoit, pour ce voult Diex establir ceste glorieuse vierge Marie, par qui toute autre femme est sauvée, de laquele nasqui le fil Dieu, qui fu vierge homme, qui tout autre homme a racheté. Est il donc femme nulle qui ait eu telle victoire conme ceste? certes nanil. Car mon seigneur saint Jehan, ou livre de ses revelacions, dit que c'est celle qui a froissié le chief a l'ennemi, pour quoy saint Augustin dit, en un sermon qu'il fait de ceste glorieuse vierge : admiremur, gratulemur, etc. : esmerveillons, esjoissons, amont noz cuers levons , la vierge Marie adourons et grâces li rendons, car par elle et par son chier filz sommes appeliez de ténèbres a lumière, de mort a vie, de corrupcion a incorrupcion, d'essil a héritage, de pleur a joie, de désert au royaume des cieulx et de grâce a gloire. Hec Angustinus. Secondement demande par figure 56 c Hester qui est celle qui tant est gracieuse par humilité, et certes elle est plus gracieuse en humilité que ne fu onques Hester. Car se par simplece et humilité Hester plot tant au roy Assuére qu'elle délivra son peuple de mort et qu'il la fist lez lui asseoir, encore, vierge Marie, pleuz tu plus a Dieu par humilité. Car je considère le roy des cieulx aussi conme seigneur regardant l'umilité de toy s'ancelle pour nous amonnester, puis que tu es suer et espouse, seurement peuz pour nous requerre, puis que tu es s'amie, s'il est contre nous courroucié, vueilles nous pais acquerre, puis que tu li es mère, tu lui peuz conmander. Car il, conme hlz, ne te osera riens refuser, et pour ce, dame, euvre le sain de ta miséricorde, si que de ta planté prcngnent li chetif redempcion, li malade eu-
SAINT JEHAN CRlbOlHOMES 253
racion, li pécheur pardon et li triste consolacion. Et ce nous amonneste saint Bernart, qui dit ainsi : Mes chiers amis, estudions nous a monter par celle vierge a celui qui, pour l'amour d'elle, a nous descendi , si que nous par celle la grâce de celui puissons avoir qui par elle vint en no povreté manoir. Tiercement demande figure qui est cestedame? Certes, c'est une dame plus pure en chaste que ne fu sainte Suzanne. Car ja soit ce que Suzanne se soubzmesist si en la paour de Dieu qu'elle ama miex estre condampnée que perdre sa chaste, toutesvoies la glorieuse vierge Marie fu et est de si grantpurté et chaste, que onques n'en fait n'en pensée ne pot pechier, ainçois tuit cil qui la veoient avoient en eulx estainte toute voulenté de pechier. Dont saint Bernart dit : Marie, de tant §6 d con tu as receu plus de grâces en terre par devant toutes autres femmes, de tant as tu plus de singulière gloire es cieulx ; et, si conme dit saint Jérôme, il appartenoit bien que ceste glorieuse vierge fust rémunérée de si grans biens ; car c'est celle qui a donné Dieu en terre, paix es cieulx, fin aux vices, terme a la mort, ordre de vie, discipline aux meurs. Quartement et derreniérement demande figure : qui est ceste qui est si eslevée par contemplacion ? est ce la royne de Sabba ? pour ce que la royne de Sabba fu une dame si eslevée en contemplacion que, pour oir et veoir la sapience Salemon, elle s'esmut a venir du conmencement du monde jusques en Jherusalem. Certes la glorieuse vierge monta au jour de son absumpcion es cieulx pour veoir et oir la sapience Dieu le père, son benoît chier fil, qui ja autre foiz avoit descendu en lui, et touzjours fu ceste sagesce avec li et elle avec ceste sagesce, et pour ce a la demande que font toutes ces dames, qui ne sont que figure, et Marie vérité, quant ilz demandent qui est ceste, diz je que c'est celle qui est plus fort en oroison de Judith, plus gracieuse en humilité de Hester, plus pure en chaste de Suzanne et plus haulte en contemplacion de la royne de Sabba. Mais
quoyplus? elle est plus haulte des cieulx, plus longue que la terre, plus lée que le monde et plus parfonde que la mer, dont saint Bernart dit : Marie, qui est ce qui peut raconter ta longuesce, ta largesce, ta haultesce et ta parfondesce ? car il te souvient par ta longuesce de ceulx qui 57 a t'appellent jusques au jour du jugement ; tu as rempli tout le monde par ta largesce, car toute la terre est plaine de ta miséricorde; par ta haultesce as restoré la haultesce de paradis; par ta parfondesce as donné redempcion aus chetis, tu as le ciel rempli, enfer vuidié, la ruine de paradis restoré et aux chetis attendans merci vie pardurable qu'ilz avoient perdu donné. Laquelle vie nous vueille par sa pitié donner le père et le filz et le saint esperit, qui en trinité vit et règne et régnera touzjours sanz fin.
Antkurk oulx Dieu, qui de l'iaue fis vin Par ton grant pouoir excellent, Bien doi avoir le cuer dolent Et la mort hair et maudire, 5 Car tolu m'a le meilleur sire
Conques nasquist, je croy, de femme.
Pour ce vous pri, doulx Dieu, qu'a s'ame Donnez le repos des sains cieulx, Car, certes, il me vaulsist rnieulx 10 Estre avant de li trespassée ;
Au mains fust la douleur passée
SAINT JEHAN CRéSOTHOMES 2 55
Qui souvent pour s'amour me tient,
Quant des grans bontez me souvient
Que me fist, et conment m'amoit,
Et conment dame me clamoit i 5
Et tenoit chiére.
La mère Anthure Qu'est ce, belle fille ? quel chiére ? Touzjours vous truis la lerme a l'util ; Par foy, de vous moult me merveil, Et je m'en doy bien merveillier, 20
Qui ne vous voulez conseillier N'esbatement nul recevoir, Fors plourer pour celui qu'avoir Ne poez, ne n'en arez point.
Conment estes vous, n'en quel point ? 2 5
57 b Aussi qu'une povre truande!
Et maint riche homme vous demande Et requiert a avoir a famé.
Or me dites voir, belle dame,
Que voulez faire ? 3o
Anthure Mère, de ce vous vueillez taire ; Car puis que de mari sui veuve, Ja n'avenra c'on me repreuve, De ce, mère, soit voz cuers fis, Que parastre doingne a mon filz 35
Jamais nul jour.
La mère Anthure Je doubt que ce ne soit folour, Fille, mais ne le vueil debatre.
Au mains alons nous deux esbatre
Ou que ce soit. 40
Anthure Chiére mère, ne vous ennoit, Je ne me quier mouvoir de ci.
Esbatre alez, pour Dieu merci,
Lau vous plaira.
La mère Anthure Je m'en vois donc, puis qu'ainsi va.
A Dieu te dy.
Jehan Boche d'or Ma dame, je sui venu ci Vous veoir. Diex vous doint bon jour ! Or me dites voir, par amour, 5o Que faites vous ?
La mère Anthure Jehannin, bien, mon enfant doulx.
Que tu soies le bien venuz !
Tu t'es moult longuement tenuz De moy veoir.
Jehan 55 Ma dame, vous avez dit voir ;
N'aiez vers moy pensée foie, Car pieça n'yssy de l'escole.
Que fait ma mère ?
Bien, mais touzjours est pour ton père 6o En grant amertume de cuer ;
Ne je ne la puis a nul fuer Esleescier ne reconforter.
Biau filz , vueillez lui enorter Qu'elle face tant pour t'amour, G 5 Demain qui sera moult hault jour.
Que sa meilleure robe veste; Et se tu le fais, par ma teste, Je say bien que je te donray Première foiz que te verray 70 Ceste sepmaine,
Jehan Ma bellole, soiez certaine Que si grant peine y metteray
Que, se je puis, je li feray
Demain ses meilleurs draps vestir.
Ci ne me vueil plus alentir : j5
A Dieu ! g'i vois.
La mère Anthure Se tu le fais et je le vois,
Bien t'en vendra.
Jehan Chiére mère, Diex, qui fera De nous son plaisir, vous doint joie! 80
Est il bien temps que je vous voie ?
Grant pièce a que je ne vous vy. Que faites vous ? Je vous em pri, Dites le moy.
Anthure Biau Hlz, je le fas bien, par foy; 85
Et vous conment ?
Jehan Bien, mère, se Jhesu marnent.
Je vieng ci pour vous compaignier ; Avez point esté au moustier
A ce jour d'ui ? 90
Anthure Nanil, se Dieu me gart d'annuy ; Mais alons y.
Jehan Mère, vous n'irez pas ainsi, Pour la doulce vierge honnorée.
;/ d II est hui si bonne journée : 95
Vous vous ferez moquer des gens.
Vestez voz meilleurs garnemens Et vous tenez honnestement ; Se vous le faites autrement
N'estes pas sage. 100
Anthure Biau tilz, je n'en ay nul courage.
Puis que ton père trespassa, Leesce en mon cuer ne passa Ne jour ne heure.
Jehan io5 Dame, femme qui tant demeure
En ire est de soy homicide, Dont c'est grand pechié et grant hide.
Doulce mère, pour Dieu mercy, Alez vous vestir sanz destri 110 Et vueillez ce dueil oblier.
Et puis si irons au moustier Oir la messe.
Anthure Biau doulx filz, grant douleur m'apresce Quand de ton père me souvient ; 1 1 5 Nonpourquant bien voy qu'il convient
Qu'orendroit ta voulenté face.
Or m'atens. Puis que j'ay espace, Je m'en vois vestir sanz delay De la meilleur robe que j'ay, 120 Et de mes bons joyaux parer.
J'ay fait. Or me vueil je mirer
Pour veoir combien je sui belle.
E ! tresdoulce vierge pucelle,
Bien say, s'il pleust vostre filz, 125 De ce, dame, est mes cuers touz fis,
Je fusse meselle pourrie.
Glorieuse vierge Marie,
Pourray je ja avoir bonté
Autant conme j'ay de biauté?
i 3o Certes j'en vueil bnef conseil querre.
Biau filz, alons nous ent bonne erre Au moustier droit.
VI SAINT JEHAN CR1S0TH0MES 25q
Jehan 56' a Mère, alons, de par Dieu ce soit :
Il me plaist bien.
Sire curé, a vous m'en vien 1 35
Conseillier conment pourray faire Ce que je vous vueil ci retraire.
Pour l'amour du doulx roy celestre, Dites moy conment pourrai estre Autant bonne conme il me semble 140
Qu'en mon corps et mon vis ensemble A de biauté.
Le curé Dame, je croy pour vérité Que vous soiez et belle et bonne, Mais je vous di bien : la personne 145
Qui a en lui tant de savoir Que biauté dame veult avoir Et Jhesu Crist veult ensuir, Convient les biens mondains fuir, A ce c'on puist miex a lui plaire, ; 5o
Et aspre pénitence faire Tout son vivant.
Anthure Sire, je vueil d'or en avant Cest enseignement retenir Et mains m'affeccion tenir 1 55
Es biens mondains c'onques ne fis.
A Dieu, sire ! Alons men, biau filz, En ma maison .
Jehan Mère, alons : il en est saison.
Grant pièce a que venismes ça, 1 60
Et avant que nous soions la
Sera tout tart.
Biau filz, or va, se Dieu tegart, Dire a ma mère sanz detri \Ô5 Qu'elle viengne ci, je l'em pri,
Un po esbatre.
Jehan Dame , j'y vois sanz plus debatre.
Ma bellole, je vous vien querre; $8 b
Venez a ma dame bonne erre 170 Un po parler.
La mère Anthure Filz, je ne le vueii deveer :
Alons men; toute preste sui.
Diex y soit, fille ! Je ne fui Ceens pieça.
Anthure iy5 Sa, ma dame, seez vous ça.
Savez pour quoy mandé vous ay ?
Je regarde que je ne sçay
Combien de temps j'ay mais a vivre.
Et encore ne sui délivre i So De faire pari a mon enfant ;
Si vous pri que, dès maintenant,
Vous m'en aidiez a conseillier,
Et je vous vueil les clefs bailler De quanque j'ay.
La mérf/ Anthure iS5 Belle fille, je te diray :
Demain noz amis manderons,
Et quant touz ensemble serons,
Adonques ferons nous partie
Pour toy et pour l'enfant. M'amie, 190 Garde tes clefs.
YJ SAINT JEHAN CRISO'i'i lOMES 26 1
