SCENE PREMIERE

ELIANTE, PHILINTE.

PHILINTE

Non, l'on n'a point veu d'Ame à manier, si dure, Ni d'Accommodement plus pénible à conclure, En vain, de tous costez, on l'a voulu tourner, Hors de son Sentiment, on n'a pu l'entraîner ; Et, iamais, Diferent si bizare, ie pense, N'auoit de ces Messieurs, occupé la prudence. Non, Messieurs, disoit-il, ie ne me dédis point, Et tomberay d'accord de tout, hors de ce Poinct. Dequoy s'ofTence-t'il? et que veut-il me dire? Y va-t'il de sa gloire, à ne pas bien écrire? Que luy fait mon auis, qu'il a pris de trauers? On peut estre honneste Homme, et faire mal des Vers ; Ce n'est point à l'Honneur, que touchent ces matières, le le tiens galant Homme en toutes les manières, Homme de Qualité, de Mérite, et de Cœur, Tout ce qu'il vous plaira, mais fort méchant Autheur. le loûeray, si l'on veut, son Train, et sa Dépense, Son adresse, à Cheual, aux Armes, à la Danse ; Mais, pour louer ses Vers, ie suis son Seruiteur ; Et lors que d'en mieux faire, on n'a pas le bonheur, On ne doit, de Rimer, auoir aucune enuie, Qu'on n'y soit condamné, sur peine de la Vie. Enfin, toute la Grâce, et l'Accommodement,

Où s'est, auec effort, plié son Sentiment,

C'est de dire, croyant adoucir bien son style,

Monsieur, ie suis fasché d'estre si difficile ;

Et, pour l'amour de vous, ie voudrois de bon cœur,

Auoir trouvé, tantost, vostre Sonnet meilleur ;

Et dans vue Embrassade, on leur a, pour conclure,

Fait viste, enueloper toute la Procédure.

ELIANTE.

Dans ses façons d'agir, il est fort singulier, Mais i'en fais, ie l'auouë, vn cas particulier ; Et la sincérité dont son Ame se pique, A quelque chose, en soy, de noble, et d'héroïque ; C'est vne Vertu rare, au Siècle d'aujourd'huy, Et ie la voudrois voir, par tout, comme chez luy.

PHILINTE

Pour moy, plus ie le voy, plus, sur tout, ie m'étonne

De cette Passion où son Cœur s'abandonne :

De l'humeur dont le Ciel a voulu le former,

le ne sçay pas comment il s'auise d'aimer ;

Et ie sçay moins, encor, comment vostre Cousine

Peut estre la Personne où son Penchant l'incline.

ELIANTE.

Cela fait assez voir que l'Amour, dans les Cœurs, N'est pas, toujours, produit par vn rapport d'humeurs ; Et toutes ces raisons de douces Sympathies, Dans cet Exemple-cy, se trouuent démenties.

PHILINTE

Mais, croyez-vous qu'on l'aime, aux choses qu'on peut voir ?

ELIANTE. C'est vn Poinct qu'il n'est pas fort aisé de sçauoir. Comment pouuoir juger s'il est vray qu'elle l'aime?

COMEDIE. 5-

Son cœur, de ce qu'il sent, n'est pas bien seur luy-méme ; Il aime, quelquefois, sans qu'il le sçache bien, Et croit aimer, aussi, parfois, qu'il n'en est rien.

PHILINTE

le croy que nostre Amy, prés de cette Cousine, Trouuera des chagrins plus qu'il ne s'imagine ; Et s'il auoit mon Cœur, à dire vérité, Il tourneroit ses vœux tout d'vn autre côté ; Et par vn chois plus juste, on le verroit, Madame, Profiter des bontez que luy montre vostre Ame.

ELIANTE.

Pour moy, ie n'en fais point de façons, et ie croy Qu'on doit, sur de tels Poincts, estre de bonne foy : le ne m'oppose point à toute sa tendresse, Au contraire, mon Cœur, pour elle, s'intéresse ; Et si c'estoit qu'à moy, la chose pût tenir, Moy-mesme, à ce qu'il aime, on me verroit l'vnir. Mais, si dans vn tel Chois, comme tout se peut faire, Son Amour éprouuoit quelque Destin contraire, S'il falloit que d'vn autre, on couronnât les Feux, le pourrois me résoudre à receuoir ses vœux ; Et le refus souffert, en pareille occurrence, Ne m'y feroit trouuer aucune répugnance.

PHILINTE

Et moy, de mon costé, ie ne m'oppose pas, Madame, à ces bontez qu'ont, pour luy, vos Appas ; Et luy-mesme, s'il veut, il peut bien vous instruire De ce que, là-dessus, i'ay pris soin de luy dire. Mais si, par vn Hymen, qui les joindroit eux deux, Vous estiez hors d'état de receuoir ses vœux, Tous les miens tenteroient la faueur éclatante, Qu'auec tant de bonté, vostre Ame luy présente,

5 i ZjE MISANTROPE,

Heureux si, quand son Cœur s'y pourra dérober, Elle pouuoit, sur moy, Madame, retomber.

ELIANTE.

Vous vous diuertissez, Philinte.

PHILINTE

Non, Madame, Et ie vous parle, icy, du meilleur de mon Ame ; I'attens l'occasion de m'offrir hautement, Et de tous mes souhaits, i'en presse le moment.