RECUEILLEMENT

Ce n'est pas assez de s'estre escarté du peuple : ce n'est pas assez de changer de place : il se faut escarter des conditions populaires qui sont en nous ; il se fault séquestrer et r'avoir de soy.

Il se fault reserver une arrière boutique, toute nostre, toute franche, en laquelle nous establissions nostre vraye liberté et principale retraicte et solitude. En cette cy fault il prendre nostre ordinaire entretien de nous à nous mesmes, et si privé, que nulle accointance ou communication estrangère y treuve place ; dis-

l8o MONTAIGNE CHRETIEN

courir et y rire, comme sans femme, sans enfants et sans biens, sans train et sans valets; Nous avons une ame contournable en soy mesme ; elle se peult faire compaignie ; elle a de quoy assaillir et de quoy deffendre, de quoy recevoir et de quoy donner. Ne craignons pas en cette solitude nous croupir d'oysifveté ennuyeuse.