A détourner (diveiten) ce qm te nuit

Ces mots finis, plus de cent et cent fois Me mercia. Lors de là ie m'en vois ' Au mont Parnase escrire ceste lettre, Pour tesmoignage à ta bonté transmettre Que Papillon tenoit en main la plume, Et de tes faits faisoit un beau volume, Quand maladie extrême luy a faict Son œuvre empris - demourer imparfaict : Et puis l'ouvrier-^ a mis en tel decours Qu'il a besoing de ton royal secours.

C'est tout cela que mon escrit désire Te faire entendre : ayant cest espoir, Sire, Que ne diras en moy présomption.

Quand de mon cœur sçauras l'intention, Qui de nully ne peust estre reprise.

Puis qu'amitié a causé l'entreprise.

Si Theseus (ainsi comme l'on dit) Pour Pirithoë aux enfers descendit, Pourquoy ne puis-ie en Parnase monter, Pour d'un amy le malheur te conter ?

Et si Pluton, contre l'inimitié Qu'il leur portoit ', loua leur amitié : Doy-ie penser que ton cœur tant humain Trouve mauvais si ie preste la main A un amy, veu mesmes que nous sommes Et luy et moy du nombre de tes hommes ? le croy plustost qu'à l'un gré tu sçauras : Et que pitié de l'autre tu auras.

Ibid.