Au regard de, en ce qui concerne, par rapport à

BABELAIS, 7

lue', de Tespinette, de la harpe, de la flutte de Alemantet à neuf trouz, de la viole et de la sacqueboutte.

Geste heure ainsi employée, la digestion parachevée, se remettoit à son estude principal par troys heures ou davantaige, tant à repeter la lecture matutinale que à poursuy vre le livre entreprins, que aussi à escripre et bien traire ^ et former les antiques et romaines lettres.

Ce faict, yssoient hors leur hostel, avecques eulx un jeune gentilhomme de Touraine, nommé l'Escuyer Gymnaste, lequel luy montroit l'art de chevalerie.

Changeant doncques de vestemens, montoit sus un coursier, sus un roussin^, sus un genêt, sus un cheval barbe, cheval legier, et lui donnoit cent quarieres, le faisoit voltiger en l'air, franchir le fossé, saulter le palys, court tourner en un cercle, tant à dextre comme senestre.

Là rompoit non la lance, car c'est la plus gi'ande resverye-* du monde dire : « J'ay rompu dix lances en tournoy ou en bataille » — un charpentier le feroit bien — mais louable gloire est d'une lance avoir l'ompu dix de ses ennemys.

De sa lance doncq asserée^, verde et roide, rompoit un huys, enfonçoit un harnoys, aculloyt une arbre, enclavoyt un anneau, eulevoit une selle d'armes, un haubert, un gantelet. Le tout faisoit armé de pied en cap.

Au reguard de fanfarer '^ et faire les petitz popismes sur un cheval, nul ne le feist mieulx que luy. Singulièrement, estoit aprins à saulter hastivement d'un cheval sus l'autre sans prendre terre, et nommoit on ces chevaulx desultoyres, et de chascun coustè, la lance au poing, monter sans estriviers, et sans bride guider le cheval à son plaisir : car telles choses servent à discipline militaire...

1. Lttc, Inth. — La viole était de la forme du violon, mais plus grande et plus grosse. — Sacqueboutte ovl sacquehutte, sorte de trompette.