Cherché
22 SKfZIÉME SIÈCLE.
ayt esté en France, sans avoir espargné vostre personne non plus que le moindre gentilhomme. Or doncques ne puis-je parler qu'à ung roy soldat. »
Monsieur le daulphin, qui estoit dernier la chaire du roy, et viz à viz de moy, me faizoit seignal de la teste ; qui me fist penser qu'il voulloit que je parlasse hardiment : ce que m'en donnoit plus de hardiesse, de laquelle je n'ay eu jamais faulte : car la crainte ne me ferma jamais la bouche.
« Sire, diz-je, nous sommes de cinq à six mil Gascons comptés : car vous sçavés que jamais les compaignies ne sont du tout complectes, ni aussi ne se pourroient-ilz pas tous trouver à !a bataille; mais j'estime que nous serons de quatre mil et cinq ou six cens hommes comptés, et de cella je vous en respons sur mon honneur. Tous, les cappitaines et soldatz, vous baillerons noz noms et les lieux de là où nous sommes, et obligerons noz testes que tous combatrons le jour de la bataille, s'il vous plaist de l'accorder et nous donner congied de combatre. C'est choze que nous attendons et désirons il y a longtemps, sans tant conseiller. Croyés, Sire, qu'au monde il n'y a poinct de soldatz plus résolus que ceulx-là : ilz ne désirent que de mener les mains'. Nous avons souvent sans advantaige attacqué leunemy, et l'avons le plus souvent batu. Je veux dire que si nous avions tous ung bras lié, il ne seroit encores en la puissance du camp des ennemis de nous thuer de tout ung jour, et qu'ilz ne perdissent la plus grand part de leurs gens et les meil heurs hommes. Pensés doncques, quant nous aurons les deux bras libres et le fer en la main, si serons aisés à estre vaincus. Ce n'est pas le grand nombre qui vainc, c'est le bon cœur : ung jour de bataille, la moitié ne combat pas. Nous n'en voulons pas davantage; laissés fere- à nous. »
Monsieur le daulphin s'en riet dernier la chaire du roy, continuant tousjours à me faire signe de la teste : car à ma mine il sembloit que je feusse desjà au combat. « Non, non. Sire, ces gens ne sont pas pour estre redeffaictz^. Si messieurs qui en parlent les avoient veus en besongne, ilz changeroient d'advis et vous aussi. Ce ne sont pas soldatz pour
