Qui ne se toucie que... (toucier, de soJlicitaré

fere, mais ast'eure' que nous sommes costumiers de les baptre. Il ne nous fault fere aultre chose, sinon de bien advizer de ne les aller assaillir dans uug fort, comme nous fismes à la Bicquoque- ; mais monsieur d'Anguien a trop de bons et vieux cappitaines pour fere une telle erreur. Et ne sera question, sinon sercher les moyens de les trouver en campaigne raze.où il n'y ayehayeny fossé qui nous puisse garder de venir aux mains. Et alors, Sire, vous entendrés des plus furieux combatz que jatnais ayent esté. Et vous supplie très humblement ne vous attendre à aultre choze, sinon d'eu avoir une victoire. »

Monsieur le daulphin continuoit plus fort à son rire et me fere le signe, qui me donnoit encores une grand hardiesse de parler. Tous les aultres parloient et disoient que le roy ne se debvoit aulcunement arrester àmesparoUes. Monsieur Tamirail ne disoit mot, mais souzriet, et croy qu'il s'estoit apperçeu des signes que monsieur le daulphin me faizoit, estans presque viz à viz Tung de l'aultre. Monsieur de Sainct Pol torne parler au roy et dict : « Quoy, monsieur, il semble que vous veulhiés changer d'oppinion, et vous attendre^ aux paroles de ce fou enragé? » Auquel le roy respondist, disant : « Foy de gentilhomme, mon cousin, il m'a dict si grandz raisons, et si aparentes et m'a représenté si bien le bon cœur de mes gens, que je ne sçay que fere. » Lors ledict seigneur de Sainct Pol lui dict : « Je veoy bien que vous êtes desjà tourné. » Lequel ne pouvoit pas veoir les signes que monsieur le daulphin me faizoit : car il avoit le doz tourné à luy, comme faizoit monsieur ramii-ail.

Surquoy le roy, adressant ses parolies audict seigneur amirail, luy dict qu'est-ce que luy eu sembloit? Monsieur l'amirail se print encores à souzrire, et lui respondist : « Sire, voullés-vous dire la véritté ? Vous avés belle envye de leur donner cougied de combati'e. Je ne vous asseureray pas, s'ilz combatent, du gaing ny de la perte : car il n'y a que Dieu qui le puisse sçavoir; mais je vous obligeray bien ma vie et mon honneur que tous ceux là qu'il vous a nommés combatront, et en gens de bien : car je sçay ce qu'ilz vallent, pour les