CLÉMENT M A ROT

Et dès demain seront justement seize,

Que je fuz faict confrère au diocèse

De sainct Marry S en l'église Sainct Pris *,

Si vous diray comment je fuz surpris ;

Et me desplaist qu'il faut que je le die.

Trois grands pendars vindrent, a l'estourdic.

En ce palais, me dire en desarroy :

« Nous vous faisons prisonnier par le Roy. ♦

Incontinent, qui fut bien estonné?

Ce fut Marot, plus que s'il eust tonné,

Puis m'ont monstre ung parchemin escripi

Ou il n'avoit seul mot de Jesuchrist;

Il ne parloit tout que de playderie,

De conseilliers et d'emprisonnerie.

« Vous souvient-il, ce me dirent-ilz lors,

Que vous estiez l'aultre jour la dehors.

Qu'on recourut ^ ung certain prisonnier

Entre noz mains ? » Et moy de le nyer ;

Car soyez seur *, si j'eusse dict ouy,

Que le plus sourd d'entre eulx m'eust bien ouy;

Et d'aultre part j'eusse publicquement

Esté menteur ; car pourquoy et comment

Eussé-je peu ung autre recourir,

Quand je n'ay sceu moymesme secourir?

Pour faire court, je n'ay sceu tant prescher

Que ces paillards me voulsissent ^ lascher.

Sur mes deux bras ilz ont la main posée

Et m'ont mené, ainsi qu'une espousée,

Non pas ainsi, mais plus roide ung petit.

Et toutesfois, j'ay plus grand appétit

1. Jeu de mots, sur le double sens de marri, triste, et Marry ou Mernj., nom d'ua saint.

2. Autre jeu de mots; les prisonniers sont paroissiens de saint Pris.