MARC BRUTE, DECIME BRUTE, CASSIUS

GASSIOS.

le sen mon cueur, mon sang, mes esprits, mon courage

Et rompre * et bouillonner et brusler et bondir,

Tous coniurans en un 2, à fin de m'enhardir

A espuiser son sang ^, et de plus grande audace

Et de pieds et de mains l'aborder face à face.

Armé d'un tel uouloir ie ueulx, ie ueulx cacher ^

La dague en sa poitrine, et ne l'en arracher

Sinon avec la uie, à fin que puisse dire

Qu'auray tué d'un coup et César et l'empire.

Tout ainsi qu'un lion qui descendant d'un bois, Apres auoir ouï une buglante* uoix, Vient sur l'herbe affronter auecque sa furie Le taureau dont à l'heure^ il desrobe la uie; Ainsi ie ueux sur luy ma fureur attiser. Et par un mesme coup ceste guerre appaiser. Ce traistre rauisseur de la franchise* antique, Ce larron effronté de tout le bien publique ', Ne doit-il pas uomir sa rage auec le sang Par une mesme playe, et estrc mis au rang Des haineurs * du pays? 11 fault, il fault qu'il meure