XLII

Il ne faut s'esbahir, disoient ces bons vieillars Dessus le mur troyen, voyans passer Hélène, Si pour telle beauté nous souffrons tant de peine : Nostre mal ne vaut pas un seul de ses regars.

Toutesfois il vaut mieux, pour n'irriter point Mars, 5 La rendre à son espoux, afin qu'il la remmeine. Que voir de tant de sang nostre campagne pleine, Nostre havre gaigné, l'assaut à nos rampars.

Pères, il ne falloit, à qui la force tremble. Par un mauvais conseil les jeunes retarder; lo

Mais, et jeunes et vieux, vous deviez tous ensemble

Pour elle corps et biens et ville bazarder.

Menelas fut bien sage et Paris, ce me semble, L'un de la demander, l'autre de la garder.