Luy. Au safran. latin pectus

Dessus le bord glué, et comme il allongeoit

Le col pour s'abreuver (pauvret qui ne songeoit

Qu'à prendre son plaisir!), se veit outre coustume

Engluer tout le col et puis toute la plume,

Si bien qu'il ne faisoit, en lieu de s'en-voler, 115

Sinon à petits bonds sur le bord sauteler.

Incontinent je cours, et prompte luy desrobbe

Sa douce liberté, le cachant sous ma robbe ;

Puis, pliant et nouant de vergettes de buis

Et d'osier une cage, en prison je le mis. 120

Et fust que le soleil se plongeast dedans l'onde

Fust qu'il monstrast au jour sa belle tresse blonde,

Fust au plus chaud midy, alors que nos troupeaux

Estoient en remaschant couchez sous les ormeaux.

Si bien je le veillay, parlant à son aureille, 125

Qu'en moins de quinze jours je luy appris merveille.

Et luy fis oublier sa rustique chanson,

Pour retenir par cœur mainte belle leçon...

{EglogueSf I.)