Par faulte de propos. N'enten- 53. Mais. Cf. v

De ceulx qui tels secrets dans leurs oreilles portent, 55 Quand par légèreté de la bouche ilz leur sortent !

Mais il est taciturne : ô bien heureux celuy A qui le trop parler ne porte pas d'ennuy, Et qui a liberté de se taire à son aise, Sans que son long silence à personne déplaise ! 60

Le parler toutefois entretient les amis, Et nous est de nature à cest effect permis :

Et ne peult-on pas bien à ses amis escrire.

Voire mieulx à propos, ce qu'on ne leur peult dire?

Si est-ce un grand plaisir, dira quelque causeur, 65 D'entendre les discours de quelque beau diseur. Mais il est trop plus grand de voir quelque beau livre, Ou lors que nostre esprit, du corps franc et délivre. Voyage hors de nous, et nous faict voir sans yeux Les causes de nature, et les secrets des cieux 70

La Surdité, Ronsard, seule t'a fait retraire Des plaisirs de la court et du bas populaire. Pour suyvre par un trac encores non battu Ce pénible sentier, qui meine à la vertu.

Elle seule a tissu l'immortelle couronne 75

De Myrte Paphien, qui ton chef environne :

Tu luy dois ton laurier et la France luy doit Qu'elle peut désormais se vanter à bon droit D'un Horace et Pindare, et d'un Homère encore, S'elle void ton Francus, ton Francus qu'elle adore 80 Pour ton nom seulement, et le bruit qui en court : Dois-tu donques, Ronsard, te plaindre d'estre sourd?