AU ROY DE NAVARRE

Mon second Roy, j'ay une haquenée

D'assez bon poil, mais vieille comme moy

A tout le moins; long temps a qu'elle est née.

Dont elle est foible, et son maistre en esmoy ;

La povre beste, aux signes que je voy, 6

Dit qu'à grand peine ira jusqu'à Narbonne ;

Si vous voulez en donner une bonne,

Sçavez comment Marot l'acceptera ?

D'aussi bon cueur comme la sienne il donne

Au fin premier qui la demandera. 10