DE TROIS ENFANS FRERES

D'un mesme dard, soubs une mesme année,

Et, en trois jours, de mesme destinée.

Mal pestilent soubz ceste dure pierre

Meit Jean de Bray, Bonadventure et Pierre,

Frères tous trois, dont le plus vieil dix ans 5

A peine avoit. Qu'en dictes vous, Lisants?

Cruelle Mort, Mort plus froide que marbre.

N'a elle tort de faire cheoir de l'arbre

Un fruict tant jeune, un fruict sans meureté.

Dont la verdeur donnoit grand seureté 10

De bien futur? Qu'a elle encores faict?

Elle a, pour vray, du mesme coup deffaict

De père et mère espérance et liesse,

Qui s'attendoient resjouyr leur vieillesse

Avec leurs filz, desquelz la mort soudaine 15

Nous est tesmoing que la vie mondaine

Autant enfans que vieillards abandonne;

Il nous doibt plaire, et puisque Dieu l'ordonne.