CANTIQUE DE LA CHRESTIENTE

SUR LA VENUE DE l'eMPEREUR ET DU ROY AU VOYAGE DE NICE

Approche toy, Charles, tant loing tu soys, Du magnanime et puissant roy Françoys ; Approche toy, Françoys, tant loing sois tu, De Charles, plein de prudence et vertu; Non pour touts deux en bataille vous joindre, 5

Ne par fureur de voz lances vous poindre.

Mais pour tirer Paix, la tant désirée.

Du ciel treshault, là où s'est retirée.

Si Mars cruel vous en feistes descendre Ne pouvez vous le faire condescendre 10

A s'en aller, pour ça bas donner lieu A Paix la belle, humble fille de Dieu ?

Certainement, si vous deux ne le faictes, Du monde sont vaines les entrefaictes ;