La mort de Pompée

Ce pendant la barque s'approcha, et Septîmius se leva le premier cii pieds ' qui salua Pompeius en langage Romain du nom d'Imperatory qui est à dire, souverain Capitaine, et Achillas le salua aussi en langage grec, et luy dit qu'il passast en sa barque pource que le long du rivage il y avoit force vase et des bancs de sable, tellement qu'il n'y avoit pas assez eau pour sa galère : mais en mesme temps on voyoit de loiog plusieurs galères de celles du Roy que Ion armoit en diligence et toute la coste couverte de gens de guerre, tellement que quand Pompeius et ceulx de sa compagnie eussent voulu changer d'advis, ilz n'eussent plus sceu se sauver, et si y avoit davantage • qu'en monstrant de se deffier, ilz donnoyent au meurtrier quelque couleur d'exécuter sa meschanceté. Parquoy prenant congé de sa femme Cornelia, laquelle desja avant le coup faisoit les lamentations de sa fin, il commanda à deux Centeniers qu'ilz entrassent en la barque de l'iEgyptien devant luy, et à l'un de ses serfs affrancbiz qui s'appelloit Philippus, avec un autre esclave qui se nommoil Scynes. Kt comme ja * Achillas luy tendoit la main de dedans sa barque, il se retourna devers sa femme et son filz et leur dit ces vers de Sophocles :

Qui en maison de Prince entre, devient Serf, quoy qu'il soit libre quand il y vient *.

Ce furent les dernières paroles qu'il dit aux siens quand il passa de sa galère en la barque : et pource qu'il y avoit loing de la galère jusques à la terre ferme, voyant que par ce chemin personne ne lui en lamoit propos d'amiable entretien, il regarda Septimius au visage et luy dit : « Il me semble que je te recognois.