Séjour

Adonc le Rat, sans serpe ne ^ cousteau, Y arriva joyeux et esbaudy, Et du Lyon (pour vray) ne s'est gaudy * • Mais despîta ' Ghatz, Chates et Chatons, Et prisa fort Ratz, Rates et Ratons, Dont il avoit trouvé temps favorable Pour secourir le Lyon secourable :

Auquel a dict : tays toy, Lyon lyé.

Par moy seras maintenant deslyé :

Tu le vaulx bien, car le cueur joly as, Bien y parut quand tu me deslyas.

Secouru m'as fort Lyonneusement, Or secouru seras Rateusement.

Lors le Lyon ses deux grans yeux yestit \ Et vers le Rat les tourna un petit, En lu y disant : povre vermyniere.

Tu n'as sur toy instrument ne maniera, Tu n'as Cousteau, serpe ne serpillon, Qui sceust coupper corde ne cordillon, Pour me jecter de ceste estroicte voye :

Va te cacher, que le chat ne te voye.

Sire Lyon (dit le fîlz de Souris), De ton propos (certes), je me soubris :

J'ay des cousteaux assez, ne te soucie, De bel os blanc, plus tranchans qu'une Sye •: Leur gaine, c'est ma gencive et ma bouche :

Bien coupperont la Corde, qui te touche De si trespres : car j'y mettray bon ordre.

Lors Sire Rat va commercer à mordre Ce gros lien : vray est, qu'il y songea Assez longtemps, mais il le vous rongea Souvent, et tant, qu'à la parfin tout rompt.

Et le Lyon de s'en aller fut prompt, Disant en soy : Nul plaisir • (en efiFect), Ne se perd point quelque part ou soit faict ^.

{Epistres : A son ami Lyon; éd. de Lyon, 1544; p. 134.)