Imprudents

36 MORCEAUX CHOISIS DES AUTEURS DU XVr SIÈCLE.

dire *, en laquelle Je ne sçais comme nature default ' aux hommes pour la désirer, c'est la liberté, qui est toutes fois un bien si grand et plaisant, que, elle perdue, touts les maulx viennent à la file, et les biens mesmes qui demeurent aprez elle perdent entièrement leur goust et saveur, corrompus par la servitude. La seule liberté, les hommes ne la désirent point; non pas pour aultre raison^ ce me semble^ sinon pour ce que, s'ils la desiroient, ils Taurolent; comme s'ils refusoient faire ce bel acquest ' seulement parce qu'il est trop aysé.

Pauvres gents et misérables, peuples insensez, nations opiniastres en vostre mal, et aveugles en vostre bien, vous vous laissez emporter devant vous le plus beau et le plus clair de vostre revenu, piller vos champs, voler vos maisons, et les dépouiller des meubles anciens et paternels I Vous vivez de sorte que vous pouvez dire que rien n'est à vous; et sembleroit que meshuy * ce vous seroit grand heur ' de tenir * à moitié vos biens, vos familles et vos vies : et tout ce degast, ce malheur, cette ruyne, vous vient, non pas des ennemis, mais bien certes de l'ennemy^, et de celuy que vous faictes si grand qu'il est, pour lequel vous allez si courageusement à la guerre, pour la grandeur duquel vous ne refusez point de présenter à la mort vos personnes. Celuy qui vous maistrise tant, n'a que deux yeulx, n'a que deux mains, n'a qu'un corps, et n'a aultre chose que ce qu'a le moindre homme du grand nombre infiny de vos villes; sinon qu'il a plus* que vous touts, c'est l'avantage que vous luy faictes pour vous destruire. D'où a il prins ' tant d'yeulx ; d'où vous espie il*'*, si vous ne les lui donnez? Comment a il tant de mains pour vous frapper, s'il ne les prend de vous ? Les pieds dont il foule vos citez, d'où les a iU s'ils ne sont des vostres? Comment a il aulcun ** pouvoir sur vous, que par vous aultres mesmes? Comment vous oseroit il courir sus, s'il n'a voit intelligence avecques vous **? Que vous pourroitil faire, si vous n'estiez receleurs du larron qui vous pille, complices du meurtrier qui vous tue, et traistres de vous mesmes ? Vous semez vos fruicts, afin qu'il en fasse le degast ** ; vous meublez et rem-

1. Il n'en est qu'une où il y ait à dire, à réclamer, qui fasse défaut.