ÉCRIVAINS POLITIQUES. — GUILLAUME DU VAIR

ils ont porté* fort impatiemment de voir la Fpance,rivale de leur Empire, arresler leurs progrez et tenir continuellement en eschec leur grandeur qui ne se pouvoit dire asseurée, tant qu'elle se voyoit balancée par un tel contrepoids. C'est pourquoy ne voyant pas que leurs armes fussent assez fortes pour se distraire ' de si puissans voisins, c'a esté un sage advis à eux, digne de grands conseillers d'Ëstat, de nourrir et fomenter les divisions en la France, afin que celle que des forces estrangeres n'avoient peu esbranler, se defist et ruinast d'elle-mesme et de ses propres mains. Et pour ce que les premières divisions n'y avoient peu suffire, et qu'en nos premières querelles pour la Religion, le trouble qui s'estoit fait au Royaume avoit bien apporté de l'émotion ' en ses membres, mais nulle altération en sa forme, le grand secret a esté de subdiviser ce qui estoit le plus fort et puissant, qui estoit le party des catholiques, pour esbranler l'authorité du Prince, la clef de la voûte, et ostant le respect des loix et des magistrats, couper les nerfs qui maintenoient et soustenoient le Royaume. Comme ^ cela s'est fait, messieurs, vous l'avez veu; bien est-il vray que la disposition du sujet ^, les vices et manquemens des Français ont fort aidé à l'artifice des estrangers. Tant y a qu'en peu de temps, et incontinent après l'accident* arrivé à Blois', vous avez veu le Conseil d'Estat de la France se tenir à Paris en la maison de Dom Bernardin de Mendoze '. Là ont esté prises toutes les belles resolutions qui ont esté exécutées pour extirper les loix et la mémoire du nom et de l'autborif é royalle , pour establir une servitude et captivité parmy vous plus dure que celle des Indes ®. Là fut pris le conseil d'emprisonner le Parlement, en exécution duquel vous vistes entrer en ceste maison sacrée une trouppe de voleurs, composée des plus bas et vils ministres de la justice, lesquels, l'espée au poing, vindrent arracher de dessus les sièges sacrez ces vénérables vieillards, aux pieds desquels ils estoient à genoux et teste iiuê deux jours auparavant. Vous fustes tous menez en triomphe à la Bastille, sans excepter mesmes ceux que ces pendards estîmoient de leurs amis et

S lus zelez à leur party. Car aussi n'estoit-ce pas aux personnes u'ils en vouloient, c'estoit à leur dignité et à leur magistrat *^ ;