LE SONGE DE PERCULÂ

(Extraits du second fragment).

PERCULA, femme de Pllale.

Helas, Adonay, helas I ** Romain, viens t'en a moy parler.

Car je n'ay plus jambes ne bras De quoy je me puisse ayder.

De peur je ne faiz que trambler

Pour les choses que j'ay songé, Car on m'est venu menasser Que Pilate sera dampné Tantost qu'il ara condempné Jésus a mort, com il veult faire ; Il sera après accusé

♦Sar».

Es empereurs pour le deffaire ; Lors arey de doleur amere, Je ne pourroye avoir pis, Je ne sçay a qui me retraire, Maulditz soyent les palhars Juifz !

ROMAIN

Qu'avez vous veu ?

PERCULA

Onc ne vis pis.

En songe je veis liompars.

Chiens, [et] chatz, [et] loups et re-

[nars

Ourshons, colovres, [et] sanglers,

Noirs hommes et fort estrangiers,

Trestous a l'environ d'un jucge

Qui disoyent: se Pilate jucge

Jhesus le prophète tresgrand,

A tous vous faiz commandement

Que l'estranglés luy et sa femme.

Car Jhesus est homme sans blasme,

Très parfait, et juste personne.

Las ! se la sentence se donne

Contre Jhesus par mon marit,

Il en sera premier marrit,

Et je serey femme deffaicte.

ROMAIN

Il n'y fault que remède mectre Ma dame, fectes le advertir* Fin qu'il ne jucge a morir * Le tresbon 2 prophète Jhesus.

PERCULA

Va t'en, Romain, n'arreste plus.

Va t'en parler a mon mary

Sire Pilate, et lui dy Mon songe que t'ay raconté.

ROMAIN

Voulentiers, dame, en vérité.

Dieu me doint faire bon messaige !

Vadat (Pausa).

Seigneur, devant qu'alliés au siège.

Il fault qu'ad vous je parle a part.