HÉLIE

Amos, sanz ajouster ne mestre, Je croy moult bien les escriptures Qup aucuns trouvent pour obscures Qui en parolent proprement; Sy en loons Dieu haultement •En luy regraciant, par sa grâce, Que il nous doint temps et espace De le véoir se ce puet eétre Comme vray Dieu et roy celestre.

l6 t LA NATIVITÉ

fi.

Cy parlé Adam qui veult trespasser.

ADAM

Mon Dieu , mon père, mon Seigneur , Moult me fistes trèz grant honneur < Quant de tprre vous me formantes

Et en Paradis me posastes :

Bien le doy avoir en mémoire.

Pleust à vous que g'i feiisse encore !

Se vos commens eusse tenu

Il ne m'en feut pas mal avenu.

Mon créatour , je fiz grant tort ;

Jamez nul jour ne feusse mort.

Or voy bien que par mon défaut

Assez briefment morir me fault ,

Et aussy touz autres moront.

De mort eschaper ne poront,

Et quant ceste présente vie

Sera trespassée et fenie,

S'âme droit en enfer yra ,

Dont jamez ne se partira Se de nous ne vous prent pitié.

Sy vous requier en charité, Doulz roys de pais et de concorde, De doulceur , de miséricorde , Qu'au jour de mon trespassement Vous m'envoiez arousement De l'uile du saint Paradis.

Mon corps est forment maladis , Mèz de l'âme tropt plus m'esmay.

DIEU

Adam , amis , entens à moy :

En enfer peine souffreras, En la fin arousez setas Du sanc qui me sera osté Des pies, des mains et du costé.

Mez moult m'as fait le cuer dolent Quen faussas mon commandement.

Reçois la mort en pacience, Car par moy auras délivrance Quant .v. .m. ans seront passez; Va-t-an , je t'en ay dit assez , Plus n'en veuil dire.

adàm.

O trez-puissant gloriex sire , M'âme et mon corps je te commant.

Cy se voise Adam coucher sur une couverture , et en alant die; Cep , mon enfant , isnellement Va-t-an en paradis bon erre Pour Dieu prier et requerre De trez-bon cuer piteusement Qui m'envoit l'ennoliement De l'uille de miséricorde , Car Belgibuz tient jà la corde Pour moy fort lier et estraindre :

Je ne puis plus icy remaindre; X)r y va toust et je t'en prie.

CEP , fllz Adam. Mon cher père , sanz point destrie Iray tantost voz plaisir faire.