LE MES AG 1ER

Pour certain plus avant n'iray.

Je ne me veul plus détrier ; En ce quarrefour veul crier Le commendement de mon sire.

Or entendez que je veul dire :

Le grant évesque de la loy A tous et à chascun par soy Vous mande par letre patente Que devant luy, sanz faire a tente,

Soiez au temple à droite heure ; Ne viel ne joene n'y demeure Qui n'ait une verge en sa main .

L'évesque sy fera demain Au plaisir de Dieu mariage De Marie, qui tant est sage, Fille Joachin le séné , Car ainssy l'a Diex ordené ; Or y soiez sanz point de faulte.

LE PREMIER BACHELER.

J'ay oy crier nouvelle haulte , Meillour n'oy crier nul temps.

Par ma foy pas ne m'y atens Que la pucelle doie avoir , Mais toustevoies g'iray savoir Qu'il en sera.

LE SECOND BACHELER.

Ne say que l'évesque fera .

Diex ly envoit bon mariage ; Elle est belle, courtoise et sage Sur toutez autres à merveille ; Je ne viz oncques sa pareille , Et sy est de bon parenté.

LE TIERS BACHELER.

Qu'en fust-il à ma volenté ; Certez à qui qu'il en despleust Autre que moy pas ne l'eust, N'est pucelle qui la resemble.

Alons-nous-en trestous ensamble , Sy orrons l'évesque parler.

Avec lez autrez vueil aler Au temple regarder l'afaire Du mariage que doit faire Nostre évesque de la pucelle Qui tant est gracieuse et belle ; G'iray bellement sanz courir.

Se Diex me puisse secourir Au temple montera y à paine.

le mbsàgier.

Mon chier Seigneur, je vous amaine

Tant de gens et gro2 et monuz;

Trestous sont volentiers venuz A vous quant mandé lez avez.

l'évesqDe.

Ça, beaus seigneurs, vous ne savez Pourquoy vous ay envoie querre Et asamblez en ceste terre/ Pour ce le vous vueil faire entendre Marie me faut sanz attendre Marier par ceste ordonnance.

Que vous, qui estez en présence, Prengne une verge sanz verdure , Et priez Dieu d'entente pure :

En quelle main elle florira , Soit jeune ou viez, Marie ara, S'en est la somme.

JOSEPH

Onque mais mil jour sy fol homme Ne fut, ce croy , comme je suy , *

38 LA. NATFVÏTÉ

De comparoir en ce lieu-cy Avec ceulz qui sont cy vénuz.

Touz sont jeunes, je suis chenuz ; De moy se devraient bien moquier Et moy appeller dam Riquier :

Honteux suy d'y estre venu.